Голун өзгөчө майрамдаган ирандык оюнчу 6 айга футболдон четтетилди. Видео

265
Оюнчу атаандаштын дарбазасына гол киргизип, бул ийгилигин ал сөөмөйү менен эки көзүн эки жакка ичкерте чоюп майрамдаган.

Ирандын "Персеполис" футболдук клубунун чабуулчусу Иса Алекасир беттеште киргизген голун адаттан тыш майрамдаганы үчүн алты айга футболдон четтетилди. Бул тууралуу РИА Новости жазды.

​Окуя Азия футбол конфедерациясынын (AFC) Чемпиондор лигасы мелдешинин жарым финалында Өзбекстандын "Пахтакор" командасы менен беттеште болгон. Ал биринчи бөлүктө атаандаштын дарбазасына гол киргизип, бул ийгилигин ал сөөмөйү менен эки көзүн эки жакка ичкерте чоюп майрамдаган.

Англиянын футболчулары мейманканага кыз чакыра коюп, командадан куулду

AFC уюмунун тартип комитетинин мүчөлөрү футболчунун бул аракетинде расалык кемсинтүү бар деп сыпаттап, аны жарым жылга футболдон четтеткен. Футболчуга ошондой эле 10 миң доллар акчалай айып салынган.

Оюнда "Персеполис" клубу пенальтилер сериясынан уткан.

265
Белгилер:
четтетүү, гол, футбол
Тема боюнча
54 жаштагы япон футболчусу жаштар менен жарыша ойноп, рекорд койду. Сүрөт
Хабиб Нурмагомедов менен Жастин Гэтжинин беттеши

Миллиондор... Хабиб Гэтжини жеңгени үчүн канча акча алганы айтылды

197
(жаңыланган 10:07 26.10.2020)
Алдын ала маалыматтар боюнча, Жастин Гэтжиге россиялык спортчу менен беттешкени үчүн 440 миң доллар төлөнгөн.

БИШКЕК, 26-окт. — Sputnik. Жастин Гэтжини жеңген Хабиб Нурмагомедов 6 миллион доллардан ашык акча алды деп жазган The Sports Daily.

Ага 50 миң доллар беттешке чыкканы үчүн бонус катарында, ал эми 40 миң UFC боюнча ар кыл иш-чараларга катышканы үчүн берилген. Белгиленген суммага акы төлөнгөн жеке трансляциялар менен башка спонсорлук каражаттар кирбейт.

Макгрегор эзелки атаандашы Нурмагомедовдун Гэтжи менен беттеши боюнча үн катты

ЖМКнын маалыматына караганда, Гэтжи беттеште 440 миң доллар тапкан. Бул расмий сумма эместиги, аталган акча алдын ала айтылган каражат экендиги белгиленген.

Эске салсак, UFC 254 турниринин алкагында Нурмагомедов атаандашы Гэтжини жеңип, аталган уюмда рекорд коюп 29 ирет жеңген да, спорттон кетүүнү жар салган.

197
Белгилер:
рекорд, беттешүү, Жастин Гэтжи, Хабиб Нурмагомедов, UFC
Тема боюнча
Нурмагомедов октагонго чыгарына үч жума калганда бутун сындырып алган
Хабиб мыкты беттеш тартуулаганы үчүн кошумча 50 миң доллар алат
Джастин Гэтжи менен Хабиб Нурмагомедов беттешүү учурунда

Хабиб мыкты беттеш тартуулаганы үчүн кошумча 50 миң доллар алат

437
(жаңыланган 18:24 25.10.2020)
Бишкек убактысы менен 25-октябрга караган түнү Нурмагомедов каршылашын экинчи раундда муунтуу ыкмасы менен утуп, чемпиондук наамын сактап калды.

БИШКЕК, 25-окт. — Sputnik. Абсолюттук мушкерлер уюму (UFC) россиялык чемпион Хабиб Нурмагомедовго мыкты беттеш тартуулаганы үчүн гонорарынан сырткары бонус берет. Бул тууралуу Дана Уайт маалымат жыйынында айтканын "Известия" жазды. 

Нурмагомедов беттешкени үчүн канча сый акы алары белгисиз. Ал эми бонустун суммасы 50 миң долларды түзөт.

Хабибден тышкары ушунча акчаны молдовалык Ион Куцелабаны нокаутка кетирген россиялык Магомед Анкалаев дагы алмакчы.

Макгрегор эзелки атаандашы Нурмагомедовдун Гэтжи менен беттеши боюнча үн катты

Бүгүн түнү Нурмагомедов каршылашын экинчи раундда муунтуу ыкмасы менен утуп, чемпиондук наамын сактап калды. Хабиб бул анын акыркы кармашы болгонун жар салды. Мындай убадасын апасына атасы Абдулманап Нурмагомедов каза болгондон кийин бергенин айтты.

437
Белгилер:
сый акы, бонус, беттешүү, Хабиб Нурмагомедов, UFC
Тема боюнча
Хабиб менен Гэтжи беттешкен UFC 254 турниринин эң кызуу ирмемдери. Видео
Бишкек шаарынын вице-мэри жана мэрдин милдетин аткаруучу Нариман Түлеев. Архив

Нариман Түлеев Бишкек мэринин милдетин аткаруучулукка кайтып келди

0
(жаңыланган 12:15 26.10.2020)
Бишкек шаардык кеңешинин КСДП, "Өнүгүү — Прогресс" жана "Республика — Ата-Журт" фракциялары өзүн-өзү мэр деп алгандарды колдобой турганы айтылат.

БИШКЕК, 26-окт. — Sputnik. Нариман Түлеев өзүнүн биринчи вице-мэр жана мэрдин милдетин аткаруучулуктан кетүү боюнча жазган арызын кайтарып алды. Бул тууралуу муниципалитеттин маалымат кызматынан бидиришти.

"Биз, Бишкек шаарынын мэриясы, учурда калаа жетекчисинин милдетин мыйзамдуу түрдө аткаруучу болуп вице-мэр Нариман Түлеев эсептелерин расмий билдиребиз. Аны 21-октябрь күнү отставкага кеткен мурдагы жетекчи Азиз Суракматов дайындаган", — деп айтылат билдирүүдө.

Маалыматка караганда, Бишкек шаардык кеңешинин КСДП, "Өнүгүү — Прогресс" жана "Республика — Ата-Журт" фракциялары өзүн-өзү мэр деп алгандарды тааныбайт.

Түлеев мэрияда кырдаал тынчыбаса кайра кызматка келип аларын эскертти

Ошондой эле шаар жетекчилигинен, мыйзамга ылайык, муниципалдык кызматкер арыз жазгандан тарта, эгер жетекчилиик ага кол кое элек болсо, үч күндүн ичинде чечимин өзгөртсө болорун кошумчалашты.

"Түлеевди кызматтан бошотуу боюнча чечим бүгүнкү күндө жок. Андыктан ал юридикалык жактан дагы, факты түрүндө дагы биринчи вице-мэр боюнча калат", — деп айтылат маалыматта.

Эске салсак, 21-октябрда Бишкек шаардык мэриясынын алдына Түлеевдин калаа башчысынын милдетин аткаруучу болуп дайындалышын мыйзамсыз деп эсептегендер митингге чыгып, анын тарапташтары менен чатакташа кеткен.

Анын эртеси Наримин Түлеев мэрдин милдетин аткаруудан да, вице-мэрликтен да баш тартып арыз жазган.

0
Белгилер:
арыз, Бишкек мэриясы, Бишкек, Нариман Түлеев
Тема боюнча
Бишкектин вице-мэри Абдылдаев Финполго сурак берди. Себеби