Грек-рим күрөшү боюнча балбандар. Архивдик сүрөт

UWW: 12-декабрда күрөш боюнча дүйнө чемпионаты өтөт

94
(жаңыланган 13:38 13.10.2020)
Эл аралык уюм мындай чечимди дүйнөдөгү улуттук федерациялардын 70 пайызынын мелдешке катышууга даярдыгы тууралуу тастыктоо алгандан кийин кабыл алган.

БИШКЕК, 13-окт. — Sputnik. Бириккен күрөш дүйнөсү (UWW) уюму спорттук күрөштүн түрлөрү боюнча 2020-жылдагы дүйнө чемпионтын 12-20-декабрь күндөрү Сербиянын Белград шаарында өткөрүүнү чечти. Бул тууралуу аталган уюмдун Instagram баракчасына жарыяланды. 

Посмотреть эту публикацию в Instagram

Публикация от Olympic Wrestling (@unitedworldwrestling)

Эл аралык уюм мындай чечимди дүйнөдөгү улуттук федерациялардын 70 пайызынын мелдешке катышууга даярдыгы тууралуу тастыктоо алгандан кийин гана кабыл алган.

Ал эми дүйнө чемпионатынын алдында, декабрь айында өтүүчү өспүрүмдөрдүн мелдеши катышуучулардын санына байланышкан маселеден улам кийинкиге калтырылган.

Сүйүнчү! Айсулуу Тыныбекова дүйнө чемпиону болду! Видео

Дүйнөлүк күрөш уюмунун кезектеги жыйыны 6-ноябрда өтөт. Анда декабрга белгиленген дүйнө чемпионатын өткөрүү маселесин дагы бир ирет талкууга алышат.

“Дүйнөлүк күрөш оюндары декабрь айында башталат деген жакшы тилегибиз бар. Биз үчүн балбандардын, машыктыруучулардын жана күрөш адистеринин коопсуздугу башкы орунда. Биз тиешелүү органдардын бардык ченемдерин так сактайбыз”, — деген Бириккен күрөш дүйнөсү уюмунун президенти Ненад Лалович.

Буга чейин 2020-жылга Олимпиада оюндары белгиленгенине байланыштуу күрөш боюнча дүйнө чемпионаты олимпиадалык эмес салмактагылар арасында болору айтылган. Бирок кийин Олимпиада оюндары 2021-жылга жылгандыктан UWW дүйнө чемпионатын өткөрүүнү чечкен.

Эскерте кетсек, 2019-жылдагы дүйнө биринчилиги Казакстандын Нур-Султан шаарында өткөн.

94
Белгилер:
дүйнө чемпионаты, күрөш, спорт
UFC мушкери Хабиб Нурмагомедов. Архив

UFC: Хабиб Нурмагомедов мыктылардын мыктысы болуп алдыңкы сапка чыкты

111
(жаңыланган 10:36 28.10.2020)
Көп убакытка чейин бул рейтингди америкалык Жон Жонс ээлеп келген. Хабиб Нурмагомедов Жастин Гэтжини утуп, 29 беттештен кийин 29:0 көрсөткүчүн камсыздагандан кийин Жонстон ашып өттү.

БИШКЕК, 28-окт. — Sputnik. Хабиб Нурмагомедов UFC уюмунун мыкты мушкерлер рейтингинде (салмак даражасына карабастан) эң алдыңкы сапка чыкты. Бул тууралуу "Евроспорт" басылмасы жазды.

25-октябрда Нурмагомедов атаандашы Жастин Гэтжини экинчи раундда утуп, UFC чемпиону наамын үчүнчү ирет коргоп калды. Беттештен кийин россиялык мушкер спорттон кетерин жар салган. Ал ММА мушкерлер мелдешинде жалпысынан 29 беттеш өткөрүп, баарын жеңген спопртчу болуп калды.

Хабиб Нурмагомедов Жастин Гэтжини утуп алды. Видео

"Нурмагомедов Гэтжи менен болгон кармашы карьерасында акыркы беттеши экенин айтты. Анын башкы ниеттеринин бири аталган промоушенде салмагына карабай рейтингде биринчи орунга чыгуу болгон. UFC уюмунун президенти Дана Уайт иш-чарадан кийинки маалымат жыйында Хабиб бул орунга татыктуу экенин белгилеп, жаңыланган топ-рейтингде аны тизменин эң башына чыгарган", — деп жазды "Евроспорт".

Эске сала кетсек, бул орунду көп жыл бою промоушендин жарым оор салмактагы чемпиону америкалык Жон Жонс ээлеп келген.

Нурмагомедов өзүнүн Instagram баракчасына рейтингдин фонунда турган сүрөтүн коюп, биринчи орунга көтөрүлгөнүнө пикирин билдирди.

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

"Бул менин бүтүндөй жашоомдогу талыкпас аракетим болду. Мындай ийгиликке жетүү мен үчүн оңойго турган жок. Күжүрмөн эмгек, Жараткандан үмүт кылуу жана сабырдуулук — мына ушул үч сапат бийиктикке чыгуума зор жардам берди. Мындан сырткары, атамдын ар дайымкы көзөмөлү жана кеңеши алга сүрөдү, мен үчүн ал көп аракетин жана убактысын сарптаган", — деген ал.

Маалымат каражаттарында жазылгандай, Хабиб Нурмагомедов бул рейтингде биринчи жолу алдыңкы сапка чыккан.

111
Белгилер:
рейтинг, UFC, Хабиб Нурмагомедов
Тема боюнча
Хабиб мыкты беттеш тартуулаганы үчүн кошумча 50 миң доллар алат
Миллиондор... Хабиб Гэтжини жеңгени үчүн канча акча алганы айтылды
Көк бөрү спортунун чебери Манас Ниязов. Архив

Көк бөрү: Манас Ниязов “Достуктан” кетип, башка командага кошулду

1237
(жаңыланган 17:39 26.10.2020)
Көкбөрүчү өзү бул маалыматты тастыктай элек, бирок буга чейин башка командага өтүү боюнча сүйлөшүүлөр жүрүп жатканын Sputnik агенттигине билдирген болчу.

БИШКЕК, 26-окт. — Sputnik. Көк бөрү спортунун чебери Манас Ниязов жаңы келишим менен Кыргызстандын биринчи лигасындагы “Ала-Тоо” командасына өттү. Бул маалыматты өлкөнүн Улуттук көк бөрү федерациясынын башкы катчысы Кубат Аскарбеков Sputnik Кыргызстан агенттигине тастыктады.

Спортчу 3-ноябрда Ысык-Көлдүн Чолпон-Ата шаарындагы ат майданда өтө турган “Кыргыз Республикасынын Президентинин Кубогу — 2020” мелдешине “Ала-Тоо” командасынын курамындагы оюнчу катары кирген.

Посмотреть эту публикацию в Instagram

Публикация от Манас Ниязов (@niyazov_manas)

Федерациянын башкы катчысы “Достуктун” капитаны Таши Майлибашев да “Ала-Тоо” командасына өткөнүн кошумчалады.

Ноябрда Чолпон-Атада президенттин кубогу үчүн көк бөрү оюну өтөт. Программасы

Команда менен Манас Ниязовдун ортосундагы келишимдин мөөнөтү, төлөнүүчү каражат тууралуу маалыматтар азырынча айтыла элек.

Посмотреть эту публикацию в Instagram

Публикация от Манас Ниязов (@manas.niyazov.fan.club)

Көкбөрүчү өзү бул маалыматты тастыктай элек, бирок буга чейин башка командага өтүү боюнча сүйлөшүүлөр жүрүп жатканын айткан болчу.

Манас Ниязов көп жыл бою Оштун “Достук” командасында ойноп, бир нече жолу Президенттин кубогу мелдешин уткан.

1237
Белгилер:
Көк бөрү, Манас Ниязов
Тема боюнча
Көк бөрү: президенттин кубогу үчүн мелдеш ноябрда өтмөй болду
Алматыдагы блокпостто айдоочулардын температурасын текшерүү. Архивдик сүрөт

COVID Казакстанда күчөп, Өзбекстанда мизи кайта баштады. Коңшулардагы абал

15
(жаңыланган 11:24 29.10.2020)
Дүйнө жүзүндө вируска кабылгандардын саны 44 401 826га жетсе, анын ичинен 1 173 292си көз жумду.

БИШКЕК, 29-окт. — Sputnik. Дүйнөнүн башка өлкөлөрү сыяктуу эле Кыргызстанга коңшу мамлекеттерде коронавирус жуктургандардын саны өсүп бара жатат.

Sputnik Казакстан агенттигинин жазганына караганда, мында жуктургандардын саны бүгүн эки эсеге көбөйдү. Тагыраагы, 28-октябрь күнү өлкө боюнча 148 кишиден COVID-19 аныкталса, бүгүн бул көрсөткүч 268ге жетти. Ал эми жалпы ооругандардын саны 111 100дү түздү.

Кайсы өлкөлөрдүн жарандары Кыргызстанга кирип-чыга алат? Тизме

Тажикстанда дагы вирустун басаңдачу түрү жок. Акыркы күндөрү бул өлкөдө күндө бирден адам каза болуп, кечээ вирус курмандыктарынын саны 82ге жетти. Өлкө боюнча жалпысынан 10 900 адамдан коронавирус аныкталды.

Ал ортодо Өзбекстандын айрым шаарларында оору эң жогорку чегине жетип, акырындан мизи кайта баштаганы айтылды. Мисалы, Самарканд шаарынын башкы санитардык дарыгери Абдулла Абиев бул жерде оору жугузгандардын саны азайып бара жатканын билдирди. Өзбекстанда коронавирус жугузгандардын саны учурда 66 141 киши.

Казакстанга кирип-чыгуунун жол-жобосу

Ал эми Кыргызстанда акыркы суткада дагы 522 киши коронавирус жуктуруп, бир адам көз жумду. А Ушуну менен оору жуктургандар 57 798ге жетсе, анын ичинен 49 097 бейтап айыкты.

Дүйнө жүзүндө вируска кабылгандардын саны 44 401 826ны түзүп, анын ичинен 1 173 292си көз жумду.

15
Белгилер:
статистика, коронавирус, Тажикстан, Өзбекстан, Казакстан, Кыргызстан
Тема:
Дүйнөгө жайылган коронавирус
Тема боюнча
COVID: инфекция жуктургандардын ичинен 93 адам өтө оор абалда жатат