Нурмагомедов — Гэтжи көз караштар дуэлинде Макгрегор "пайда болду"
БИШКЕК, 22-окт. — Sputnik. UFC мушкери, ирландиялык Конор Макгрегор Хабиб Нурмагомедов менен Жастин Гэтжинин көз караштар дуэлинде " пайда болду". Чемпиондук кур үчүн өтө турган таймаштын катышуучуларынын бетме-бет жолугушуусунда тартылган сүрөткө ирландиялык өзүн кошуп Instagram аккаунтуна сүрөт чыгарды.
Посмотреть эту публикацию в Instagram
Кечээ россиялык жана америкалык спортчулар UFC 254 мелдешинде болуучу беттеш алдындагы маалымат жыйын куруп, аягында көз караштар таймашы болгон. Макгрегор бул иш-чарадагы сүрөттүн арткы планына өзү гидроциклде келе жаткан сүрөтүн монтаждап кошуп койгон.
"Этият болгула! Бул жакта Gucci норка пальтосун кийген бирөө яхтасы менен турат!" — деген таризде билдирүү калтырган.
Ал ошондой эле UFC 229 мелдешиндеги беттештен кийинки мушташта бети тытылган Абубакар Нурмагомедовдун сүрөтүн кошуп койгон.
Хабиб көз караштар таймашында жеңилип калды. Тамашалуу ролик
Ирландиялык мушкер буга чейин үч миллион еврого кайык сатып алганын айтып мактанган болчу.
Макгрегор нокаут болгондо. UFC мелдешинин бүйүр кызыткан видеолору
(жаңыланган 13:01 25.01.2021)
Кечээ Абу-Дабиде UFC 257 мелдеши жыйынтыкталды. Ал промоушендин 2021-жылдагы алгачкы чоң окуяларынан болду.Бир учурда эки дивизиондун чемпиону болгон Конор Макгрегор менен Дастин Порьенин реванш беттеши мелдештин эң башкы кармашы болду. Жеңил салмакта Майкл Ченлер менен Дэн Хукердин кармашы да көрүүчүлөргө өзүнчө кызык тартуулады.
Порье беттештин экинчи раундунда атаандашы Макгрегорду нокаутка сулатып, мөөнөтүнөн мурда утту. Бул ирландиялык мушкердин ММА спортундагы карьерасында биринчи бүк түшүүсү болду.
Турнирде Bellator уюмунун экс-чемпиону Майкл Чендлердин бет ачар таймашы ийгиликтүү аяктады. Ал экинчи башкы беттеш деп саналган кармашта Дэн Хукерди биринчи эле раундда нокаутка кетирип утуп алды.
©
Sputnik / Виталий Тимкив
Россиялык мушкер Арман Царукян америкалык Мэтт Фревол менен таймашып, калыстардын бир добуштан берген чечими менен утуп алды.
Баштапкы карддын алкагында октагонго дагы бир россиялык атлет Мовсар Евлоев чыгып, америкалык Ник Ленц менен кармашты. Үч раунддун жыйынтыгында калыстардын чечими менен жеңүүчү деп табылды.
Жакында “Дордой” менен “Алайдын” АФК кубогундагы атаандаштары аныкталат
БИШКЕК, 25-янв. — Sputnik. Келерки аптада Азия футбол Конфедерация (АФК) кубогу мелдешинин тайпалык туруна чүчү кулак тартылат. Бул тууралуу өлкөнүн Футбол союзу билдирди.
Мелдешке Кыргызстандын чемпиону “Дордой” жана өлкө кубогунун жеңүүчүсү “Алай” клубдары катышат. 27-январда мелдештин тайпалык этабына чүчү кулак тартылып, ата мекендик командалардын атаандаштары аныкталат.
АФК кубогу быйыл жаңыланган форматта өтүп, тандоо оюндары болбойт.
Катышуучу командалар мурдагыдан өзгөчөлөнүп турат. Мелдешке Кыргызстан, Тажикстан жана Түркмөнстандын өкүлдөрүнөн сырткары Борбордук Азия зонасында Өзбекстандын командасы да ойнойт.
Мелдеш тайпалык этаптан башталат. Ага катышкан жети команда эки тайпага бөлүнөт. Тайпанын жеңүүчүлөрү чөлкөмдүн финалында ойнойт.
Кыргызстандын чемпиону “Дордой” экинчи себетке, ал эми кубоктун жеңүүсү “Алай” төртүнчүгө жайгаштырылат.
Күчүм жетпей жатат! Түлөбаев жайма базар боюнча УКМКга кайрылганын айтты
(жаңыланган 00:06 26.01.2021)
Түлөбаев "Ош" базарында болгон окуя сыяктуу көрүнүштөргө жол берилбеши керектигин айтты. Буга чейин соцтармакта сатуучунун мэрия кызматкери жана милиционер менен тирешкен видеосу тараган.БИШКЕК, 25-янв. — Sputnik. Мэрдин милдетин аткаруучу Балбак Түлөбаев базардын айланасында товарларды жайып саткандар менен күрөшүү үчүн УКМКдан жардам сураганын билдирди.
Ал бул боюнча Улуттук коопсуздук мамлекеттик комитетинин башчысы Камчыбек Ташиевге кат жиберген.
Ошондой эле Түлөбаев "Ош" базарында болгон окуя сыяктуу көрүнүшкө жол берилбеши керектигин айтты. Буга чейин социалдык тармакта рейд учурунда сатуучунун мэриянын кызматкери жана милиционер менен тирешкен видеосу тараган.
"Билем, саботаж кылып жатышат, айтканды укпай жатышат. Мындай да, тигиндей да айттык, болбой жатышат. Эки күн мурун Камчыбек Кыдыршаевичтин атына кат жибердим. Менин күчүм жетпей жатат, мага жардам бергиле дедим. Жайма базар менен күрөшүүгө топ жибериңиз деп өтүндүм. "Ош" базарынан, "Аламүдүн" базарынан акча чогултуп жаткан чагымчылдар тууралуу билебиз. Кат келеби, жокпу билбейм, биз катуу иштейбиз. Болду эми, жакшы эле кечириштик", — деди Түлөбаев.
Шаар башчысынын милдетин аткаруучу сатуучуларды базардын ичине кирип соода кылгыла деп айтып жатканын жана ал жакта орундар бар экенине ишендирди.
Белгилер: