Чолпон-Ата шаарындагы ипподромдо Эгемендүүлүк күнүнө арналган ат оюндарынын алкагында ат чабыш мелдеши болуп өттү.

Алды 35 миң сомдон илип кетти. Чолпон-Атада ат чабыш боюнча мелдеш аяктады

119
(жаңыланган 17:42 08.11.2020)
Ысык-Көлдөгү ат оюндарынын алкагында кунан чабыш, жорго салыш жана аламан байге мелдештери болгон. Алдыңкы төрт орунду ээлегендер акчалай сыйлык алышкан.

БИШКЕК, 8-ноя. — Sputnik. Чолпон-Ата шаарындагы ипподромдо Эгемендүүлүк күнүнө арналган ат оюндарынын алкагында ат чабыш мелдеши болуп өттү. Бул тууралуу Жаштар иши, дене тарбия жана спорт агенттиги кабарлады.

Ага ылайык, ат чабыш боюнча турнир бир нече бөлүк менен өткөн.

  • Участники конных скачек на ипподроме Чолпон-Аты, приуроченных ко Дню независимости
    Чолпон-Ата шаарындагы ипподромдо Эгемендүүлүк күнүнө арналган ат оюндарынын алкагында ат чабыш мелдеши болуп өттү.
    © пресс-служба ГАМФКиС
  • Участники конных скачек на ипподроме Чолпон-Аты, приуроченных ко Дню независимости
    Ат чабыш боюнча турнир бир нече бөлүк менен өткөн.
    © пресс-служба ГАМФКиС
  • Участники конных скачек на ипподроме Чолпон-Аты, приуроченных ко Дню независимости
    Анын ичинен кунан чабышка 17 киши катышып, төртөө алдыңкы орунга ээ болгон.
    © пресс-служба ГАМФКиС
  • Участники конных скачек на ипподроме Чолпон-Аты, приуроченных ко Дню независимости
    Мындан тышкары, жеңүүчүлөр жана байгелүү орун ээлери Спорт агенттигине караштуу спорттун улуттук түрлөрү боюнча дирекциянын атынан дипломдор, медалдар жана кубоктор менен сыйланган.
    © пресс-служба ГАМФКиС
1 / 4
© пресс-служба ГАМФКиС
Чолпон-Ата шаарындагы ипподромдо Эгемендүүлүк күнүнө арналган ат оюндарынын алкагында ат чабыш мелдеши болуп өттү.

Анын ичинен кунан чабышка 17 киши катышып, төртөө алдыңкы орунга ээ болгон.

  • 1-орун — Байкол-Шайка, ээси Намир Абдылдаев, машыктыруучусу Саид, байгеси 30 миң сом;
  • 2-орун — Агат (Апогей-Ариет), ээси Данияр Шабданов, машыктыруучусу Адилет Чоноев, байгеси 18 миң сом;
  • 3-орун — Карлыгач, ээси Жыргал Саматов, машыктыруучусу Эдил Дүрбөлөң уулу, байгеси 13 миң сом;
  • 4-орун — Байтору, ээси "Кеңешбек-Ата" асыл тукум жылкы фермасы, машыктыруучусу Изат, байгеси 9 000 сом.

Жорго салышка 13 киши катышкан:

  • 1-орун — Гариславна, ээси Турсунбек Адамалиев, машыктыруучусу Жылдыз Туратбекова, байгеси 30 миң сом;
  • 2-орун — Чемберлен (Бюстердано), ээси Мамбет Кажиев, машыктыруучусу Чубак Жайлообеков, байгеси 18 миң сом;
  • 3-орун — Бурадар (Борон- Койкол), ээси Эльдияр, машыктыруучусу Жанат Баатырбеков, байгеси 13 000 миң сом;
  • 4-орун — Побед (Патрон-Мачо), ээси жана машыктыруучусу Камчыбек Ургазиев, байге 9 000 сом.

"Ынтымак" командасы "Достукту" караандатпай утуп, президенттин кубогуна ээ болду

Аламан байгеге 12 киши катышты:

  • 1-орун — Көкбайтал (Серперсий), ээси Турсуналы Мамбетаитов, машыктыруучусу Керим Өмүралиев, байге 35 миң сом;
  • 2-орун — Барон, ээси Канат Дөөлөтбеков, машыктыруучусу Айбек Сатыбалдиев, байге 20 миң сом;
  • 3-орун — Жылдыз, ээси Нурдин Абдразаков, машыктыруучусу Эрлан Кубанычбеков, байгеси 18 миң сом;
  • 4-орун — Баяна (Онепич-Зайчик), ээси Салдатбек Раималиев, машыктыруучусу Белек Абдрахманов, байге 12 миң сом.

Мындан тышкары, жеңүүчүлөр жана байгелүү орун ээлери Спорт агенттигине караштуу спорттун улуттук түрлөрү боюнча дирекциянын атынан дипломдор, медалдар жана кубоктор менен сыйланган.

119
Белгилер:
мелдеш, ат чабыш, Чолпон-Ата
Тема:
Көк бөрү боюнча президенттик кубок (16)
Тема боюнча
Чолпон-Атада эр эңиш оюну аяктады. Жеңүүчүлөрдүн тизмеси жана сүрөттөрү

Россиянын чемпионатында балбандар мушташа кетти. Видео

117
(жаңыланган 10:50 04.12.2020)
Ингуш балбаны Бабули Цолоев менен осетиялык Алан Багаев чейрек финалда кезиккен. Күрөш башталбай жатып бокска айланган.

Россиянын Смоленск шаарында эркин күрөш боюнча өткөн жаштар арасында өлкө чемпионатында Осетия менен Ингушетиянын балбандары мушташа кетти. Бул тууралуу Sputnik Осетия жазды.

Ингуш балбаны Бабули Цолоев менен осетиялык Алан Багаев чейрек финалда кезиккен. Алардын кармашы башталбай жатып бокска айланган.

Мушташкандарды машыктыруучулар, аренанын кызматкерлери жана атайын даярдыктагы милиция токтотуп калган. Спорттук эрежелерди сактабаган эки балбан тең мелдештен четтетилген.

Кийинчерээк алар элдешип, социалдык тармактарга чогуу түшкөн сүрөттөрүн чыгарышканын Р-Спорт жазды.

117
Белгилер:
мушташ, балбан, Ингушетия, Россия, эркин күрөш
Тема боюнча
Казак футболчусу Улуттар лигасында оюн талаасынын ортосунан гол киргизди. Видео
Өзбекстандагы футболдук беттеш массалык мушташ менен аяктады. Видео
Лондондук Арсенал менен веналык Рапид клубдарынын Европа лигасындагы беттеши

Марттан бери биринчи жолу. "Арсенал" "Рапид" оюнуна 2 миң күйөрман киргизилди

31
(жаңыланган 10:08 04.12.2020)
Улуу Британияда фанаттардын футболдук беттештерди стадиондон көргөн учуру март айынан бери биринчи ирет болуп жатат.

БИШКЕК, 4-дек. — Sputnik. Лондондук "Арсенал" менен веналык "Рапид" клубдарынын Европа лигасындагы беттешине эки миңдей күйөрман киргизилди. Бул тууралуу Р-Спорт жазды.

Улуу Британияда фанаттардын футболдук беттештерди стадиондон көргөн учуру март айынан бери биринчи ирет болуп жатат.

Оюн Лондондогу "Эмирейтс" аянтында өтүп, талаа ээлери 4:1 эсебинде жеңишке жеткен.

"Стадионго келип бизди колдогон эки миң күйөрманга жана биздин дүйнө жүзүндөгү бардык фанаттарга рахмат айтабыз", — деп белгиленет лондондук клубдун билдирүүсүндө.

Британиянын бийлиги буга чейин айрым клубдардын өз стадионундагы оюндарына белгилүү сандагы күйөрмандарды киргизүүгө макулдук берген. Англияда былтыркы сезон коронавируска байланыштуу март айынан тарта күйөрмансыз өткөн. Жаңы сезондо да азырынча фанаттар киргизиле элек.

31
Белгилер:
ФК "Рапид", ФК "Арсенал", пандемия, көрүүчү, Европа лигасы, футбол
Тема боюнча
Чемпиондор лигасындагы футболдук беттешти биринчи жолу аял-калыс тейледи
Задержанный в полицейском участке Сен-Дени, в Париже. 30 июля 2013 года

Качып кетип Москвадан кармалган кыргызстандыктар. Сүрөт

0
(жаңыланган 14:46 04.12.2020)
Маалыматта кыргызстандыктарды убайымга салган алдамчы делгендер жана үй-бүлөсүнө кол салууга шектелген киши кармалгандыгы айтылат.

БИШКЕК, 4-дек. — Sputnik. Ар кандай кылмыштарды жасап издөөгө алынган кыргызстандыктар Москвадан кармалды. Бул туурасында ИИМдин маалымат кызматы билдирди.

"Башка бирөөнүн мүлкүн алдап ээлеп, качып кетип, жабырлануучуларга арбын ыңгайсыздык жаратып, алдамчылык менен издөөдө жүргөн жана бүтүндөй бир үй-бүлөнү өлтүрүү максатында кол салып мамлекеттер аралык издөөгө алынгандар Москвадан кармалды", — деп айтылат маалыматта.

ИИМдин РФтеги өкүлчүлүгү 2020-жылдын ноябрь айында Россиянын укук коргоо органдары менен биргеликте издөөдө жүргөн бир нече адамды колго түшүргөн:

Находящиеся в розыске в Кыргызстане, задержанные в Москве
© Фото / пресс-служба МВД
Ар кандай кылмыштарды жасап издөөгө алынган кыргызстандыктар Москвадан кармалды

Чүй облусунун 28 жаштагы Н.Т. аттуу жашоочусу ири суммада жасалган алдамчылык үчүн 2020-жылдын август айынан бери издөөдө жүргөн. Ал 2017-жылы октябрь айында алдоо жолу менен ээ болгон Mercedes S-500 үлгүсүндөгү автоунаасынын камакка алынганына карабастан соттун чечими жок сатып жиберип, качып кеткен. Алдамчылыгы менен жабырлануучуга 342 000 сомдон ашык чыгым тарттырган.

Чүй облусунун 31 жаштагы М.А. аттуу жашоочусу 2019-жылдан бери мамлекеттер аралык издөөдө жүргөн. Анын изине УКМК түшкөн. Кылмыш жасоого башка катышуучуну көндүрүп, шыкактаган, кызмат абалынан кыянаттык менен пайдаланган, расмий документке билип туруп жалган маалыматтарды киргизген, ошого тете расмий документке анын анык мазмунун бурмалаган оңдоолорду киргизген деп шектелген.

Жалал-Абад облусунун 27 жаштагы Н.М. аттуу тургуну 2019-жылы издөөгө алынган. Ошол жылдын августунда Сузак районундагы айылдык кишинин үйүнө кирип, төрт адамды сайган деп айтылган. Жарадар болгондор ооруканага жеткирилген. Аны Жалал-Абад облусунун Сузак РИИБи издеп жаткан.

Баткен облусунун 35 жаштагы М.К. аттуу жашоочусуна 2019-жылдан бери Финансы полициясы мамлекеттер аралык издөө жарыялаган. Ал кызмат абалынан кыянаттык менен пайдаланган, расмий документке билип туруп жалган маалыматтарды киргизген, ошого тете расмий документке анын анык мазмунун бурмалаган оңдоолорду жасаган деп айыпталган.

Жалал-Абад облусунун 46 жаштагы жашоочусу 2020-жылдан бери мамлекеттер аралык издөөдө жүргөн. Ал беш жыл мурда Ж.Н. аттуу жарандын мүлкүн алдап алып, качып кеткен. Келтирген материалдык чыгым 810 000 сомду түзгөн.

ИИМден учурда жогоруда көрсөтүлгөн фактылар боюнча издөөгө алган тарапка кабарлама жөнөтүлүп, Кыргызстан менен Россиянын укук коргоо органдары изделип жаткан жарандарды кылмыш жоопкерчилигине тартуу үчүн өз өлкөсүнө жөнөтүү маселесин чечип жаткандыгын кошумчалашты.

0
Белгилер:
издөө, кол салуу, алдамчылык, ИИМ, Россия, Кыргызстан