Футболчу. Архив

Тепкен тобу улам дарбазанын кырына тийип... Айласы кеткен футболчунун видеосу

293
(жаңыланган 10:31 13.11.2020)
Жакын эле жерден дарбазага топ киргизгенге чабуулчунун чоң мүмкүнчүлүгү бар болчу. Ал эсепти теңемек тургай, эки жолу топ киргизмек. Бирок бул ирет ийгилик ага жылмайган эмес.

БИШКЕК, 13-ноя. — Sputnik. Израилдеги чемпионатта кыска убакыттын ичинде дарбазага бир нече ирет чабуул жасап, бирок бир дагы жолу топ киргизе албай койгон спортчу элдин эсинде калды. Бул тууралуу Eurosport жазды.

"Секция Нес-Циона" клубунун чабуулчусу Эли Эльбаз "Хапоэля Квар-Шалема" клубуна каршы оюндун аягында чыккан. Эсеп коноктордун пайдасына 1:0 болгон.

Футболчу эсепти оңой эле теңеп коймок, ал тургай эки жолу топ киргизмек. Бирок аракети оңунан чыкпай калган.

Посмотреть эту публикацию в Instagram

Публикация от @euro_scope

Эльбаздын тепкен тобу 83-мүнөттөн 88-мүнөткө чейин төрт ирет дарбазанын кырына тийип туруп алган. Жыйынтыгында эсеп өзгөрбөй 1:0 боюнча калган.

293
Белгилер:
видео, топ, турнир, дарбаза, футбол
Тема боюнча
Бутун артка чоюп тепти! Германия чемпионатындагы өзгөчө голдун видеосу
Футзал оюнчулары. Архив

Бүгүн футзал боюнча Кыргызстандын кубогунун жеңүүчүсү аныкталат

51
Мелдештин финалында "Ал Халал" менен "Мурас" командалары беттешет. Оюн Бишкектеги "Алай Мурдаш" спорттук жайында өтөт.

БИШКЕК, 1-дек. — Sputnik. Бүгүн, 1-декабрда, футзал боюнча "Кыргызстандын кубогу – 2020" мелдешинин жеңүүчүсү аныкталат. Бул тууралуу аталган спорттук ассоциациянын маалымат кызматы билдирди.

Мелдештин финалында Бишкектин "Ал Халал" менен Ысык-Көлдүн "Мурас" командалары беттешет. Оюн Бишкектеги "Алай Мурдаш" спорттук жайында саат 12:00дө башталат.

Жарым финалда болсо "Ал Халал" "Бакубат Талас" командасын 7:3 эсебинде утуп, "Мурас" Оштун "ЕРЕМ" клубун 2:1 эсебинде жеңген.

Бул мелдеште өткөн жылы Бишкектин "Алга Дордой" клубу алдыга чыккан. "Дордойлуктар" финалда Бишкектин "Строй-Мир" командасын 3:1 эсебинде жеңип алган.

51
Белгилер:
финал, футзал
Тема боюнча
АФК-2021 мелдешинин форматы жана өтө турган күнү бекиди
Спортчу Денис Петрашов. Архивдик сүрөт

11 медаль. КРдин сууда сүзүү боюнча улуттук командасы Өзбекстандан жемиштүү кайтты

95
(жаңыланган 14:46 30.11.2020)
Спортчулардын ичинен Елизавета Рогожникова менен Рамазан Омаров Кыргызстандын да рекордун жаңылаган.

БИШКЕК, 30-ноя. — Sputnik. Кыргызстандын сууда сүзүү боюнча улуттук курама командасы сууда сүзүү боюнча лицензиялык Өзбекстандын ачык кубогунан 11 медаль менен кайтты. Бул туурасында Жаштар иши, дене тарбия жана спорт боюнча мамлекеттик агенттиктен кабарлашты.

Төрт спортчу ошентип үч алтын, беш күмүш, үч коло медалга ээ болгон.

Мелдешке 300 адам катышса, алардын ичинен алтоо Кыргызстандан болгон. Алардан сырткары, чет өлкөлөрдүн ичинен Чехиядан келген жана жергиликтүү сууда сүзүүчүлөр катышкан.

Кыргызстандык спортчулардын көрсөткөн жыйынтыгы:

Денис Петрашов

  • Брасс түрүндө 50 метр — алтын медаль;
  • Брасс түрүндө 100 м — алтын медаль;
  • Брасс түрүндө 200 м — коло медаль;

Елизавета Рогожникова

  • Чалкасынан сүзүү 200 м — алтын медаль;
  • Чалкасынан сүзүү 100 м — күмүш медаль;
  • Чалкасынан сүзүү 50 м — күмүш медаль, Кыргызстандын рекорду;
  • Комплекстүү сүзүү 200 м — күмүш медаль.

Рамазан Омаров

Эркин стиль 1500 м — күмүш медаль;

Эркин стиль 800 м — күмүш медаль, Кыргызстандын рекорду.

Тенгиз Тюбеев

  • Эркин стиль 1500 м — коло медаль.

Белгилей кетсек, Кубок 2020-жылдын 24-ноябрында Ташкент шаарында (Өзбекстан) старт алып, 29-ноябрда аяктаган.

95
Белгилер:
ийгилик, медаль, сууда сүзүү, Өзбекстан, Кыргызстан
Тема боюнча
Энем кыргыз! Азиядан КРге алтын медаль алып келген Будажаповдун видеосу
Арча-Бешик конушуна асмандан көрүнүш. Архивдик сүрөт

Шаршембиге карата аба ырайы

0
2-декабрга караган түнү өлкөнүн тоолуу райондорунда кар жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 1-дек. — Sputnik. 2-декабрь, шаршембиде, күндүз республиканын көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй облусунда -1…+4, Талас жергесинде 0…-5, Ош, Жалал-Абад, Баткен аймактарында +4…+9, Ысык-Көлдө жана Нарында 0…+5 градусту түзөт.

Ош жана Бишкек шаарларында жаан-чачын күтүлбөйт. Күндүн табы борбордо 0…+2, Ош шаарында +7…+9 градус жылыйт.

0
Белгилер:
Кыргызстан, аба ырайы
Тема боюнча
Дагы кар жаайбы? Бир жумага карата аба ырайы