UFCнин жеңил салмактагы чемпиону, кыргызстандык мушкер Валентина Шевченко. Архив

Валентинанын эч кимде жок артыкчылыгы бар. Шевченко Майя беттешине божомол

396
(жаңыланган 16:32 19.11.2020)
21-ноябрда жеңил салмактын чемпиону, кыргызстандык мушкер Валентина Шевченко октагонго чыгат. Чемпиондук наамын төртүнчү ирет коргоо үчүн ал бразилиялык Женнифер Майя менен кармашат.

Шевченко UFC уюмунун жеңил салмактагы чемпиону болуп саналат. Анын атаандашы Женнифер Майя бул салмактын чемпиондугуна талапкер.

Мушкер кыздар 21-ноябрда АКШнын Лас-Вегас шаарында өтүүчү UFC 255 турниринде кез келишет. Кыргызстандык чемпион эң жеңил салмактагы титулун төртүнчү жолу коргомокчу.

Валентина Шевченко менен Женнифер Майянын кармашына карата Sputnik Кыргызстан өлкөдөгү ММА адистеринин, мыкты мушкерлердин пикирин чогултуп, талдоо жүргүздү.

Кыргызстандык ММА мушкери, дүйнө чемпиону Турсунбек Асылгазиев бул беттеш Валентина Шевченко үчүн өтө оор сыноо болорун божомолдоду. Атаандашы Майя туруп таймашуудан да, партерден алышуудан да мыкты. Экинчи жагынан Шевченко психологиялык кысымга да учурай турганын белгиледи мушкер.

Кыргызский боец ММА, чемпион мира Турсунбек Асылгазиев
© Фото / из личного архива Турсунбека Асылгазиева
Кыргызстандык ММА мушкери, дүйнө чемпиону Турсунбек Асылгазиев

— Женнифер Майя Бразилияда Куручиба шаарындагы атактуу Chute Boxe Academy залында машыгат. Ал академия ММА спортуна легендарлуу Андерсон Сильва, Маурисиу (Сёгун) Руа, Вандерлей Силва сыяктуу мушкерлерди тарбиялап чыгарган. Башкача айтканда, Майя ММА спортунда тажрыйбага бай чөйрөнүн өкүлү. Ал туруп таймашуудан да, партерден (жерде жатып кармашуу) да мыкты экени көрүндү. Ошондуктан бул беттеш Шевченко үчүн өтө оор сыноо болот.

Дагы бир белгилеп кете турган жагдай, Шевченко психологиялык жактан да кыйналат. Себеби чемпион болгонго караганда, чемпиондукту коргоп калуу же чемпион бойдон калуу кыйын. Анткени кокус жеңилип калсаң, беттеш менен кошо атак-даңктан, наамдан да кол жууйсуң. Бул жагынан Женнифер Майяга жеңилирээк болот.

Шевченконун баштапкы спорту — тай бокс. Андан сырткары, кошумча бир катар спорттун түрлөрүн өздөштүргөн. Негизи UFC уюмунда алсыз мушкер жок. Баары ар тараптан мыкты. Менимче, беттеш акыркы раундга чейин созулуп, калыстардын чечими менен Валентина утат.

Жекеме-жеке таймаш спортунун өкүлү, Бирма боксу боюнча дүйнөнүн чемпиону, кикбокс боюнча Азиянын биринчилигинин жеңүүчүсү Михриниса Ниязова да боло турчу беттешти талдап берди.

Чемпион мира по бирманскому боксу, победитель ЧА по кикбоксу, чемпион Кыргызстана по тайбоксу Михринса Ниязова во время тренировок
© Sputnik / Табылды Кадырбеков
Жекеме-жеке таймаш спортунун өкүлү, Бирма боксу боюнча дүйнөнүн чемпиону, кикбокс боюнча Азиянын биринчилигинин жеңүүчүсү Михриниса Ниязова

— Эки мушкер тең күчтүү, чыдамкай. Экөө тең бокстун ыкмаларын, соккуларын мыкты өздөштүргөн. Салыштырып карасак, туруп кармашууда Шевченко муай-тай, ал эми атаандашы бокс ыкмасын колдонот. Ошондуктан Валентинада артыкчылык көп деп ойлойм. Анын техникасы, чабуулу жана коргонуусу сабаттуу. Буту менен чагылгандай ылдам, кубаттуу сокку узатат. Ошол эле учурда заматта коргоно алат.

Майянын коргонуусу бир аз начарыраак экени буга чейинки беттештеринде көрүндү. Бразилиялык кыз чабуулга чыкканда коргонуусун анча карабай калат. Бул жерде ага ыкчам контрчабуул жасап, аны нокаутка түшүрүп койсо да болот.

Майя акыркы беттешинде Джоан Калдервудду колду кайрыган ыкма менен уткан. Демек, анын жиу-житсу боюнча даярдыгы бар. Бирок бул Шевченко үчүн көп деле маселе жаратпайт деп ойлойм. Анткени кыргызстандык мушкер буга чейин да жиу-житсунун бразилиялык өкүлү Жулианна Пенья менен кармашкан. Тескерисинче, Валентина аны колун кайрып, жеңилип берүүгө аргасыз кылган.

Ошондуктан Валентинада көп жагынан артыкчылык бар, утат деп ойлойм.

Кикбоксингдин К1 түрү боюнча дүйнө чемпиону Дастан Шаршеев беттеште Валентина Шевченко күчтүүлүк кылат деген болжолун айтты. Анткени анын туруп таймашуудагы кол менен сокку уруп, өзгөчө бут менен тээп жасаган чабуулдары жакшы натыйжа берет дейт дүйнө чемпиону.

Кыргызстанский боец Дастан Шаршеев после победы над россиянином Алексеем Додоновым на турнире по кикбоксингу по версии К1 среди профессионалов в Бишкеке
© Sputnik / Табылды Кадырбеков
Кикбоксингдин К1 түрү боюнча дүйнө чемпиону Дастан Шаршеев

— Эң башкысы, Шевченкодо мыкты мотивация бар. Чемпиондук наамды коргоо үчүн төртүнчү жолу чыгып жатат. ММА спортунда мындай мүмкүнчүлүккө жетүү оңой эмес. Өзгөчө, дүйнөдөгү эң абройлуу промоушенде бул татаал. Ошон үчүн катуу даярдык менен келет. Чемпионго каршы беттешке чыгуу да өтө кыйын. Анын атагы эле өзүнчө айбат берип турат. Бул өз кезегинде Майяны катуу толкундатат. Психологиялык басым болот.

Анын үстүнө Валентинанын күрөш ыкмасы да мыкты. Муну биз анын буга чейинки беттештеринен көргөнбүз. Биринчи эле раундда техникалык нокаут менен утат деп ойлойм.

Мындай пикирге Кыргызстандагы ММА спортунун мушкер кызы, WEF PROFFIGHT уюмунун чемпиону Бегимжан Касымова да кошулат. Бегимжан бул беттеште Шевченко үстөмдүк кылат деп эсептейт.

Чемпионка Кыргызстана по рукопашному бою Бегимжан Касымова во время тренировок
© Sputnik / Табылды Кадырбеков
ММА спортунун мушкер кызы, WEF PROFFIGHT уюмунун чемпиону Бегимжан Касымова

— Женнифер Майя чемпиондук беттеште талапкер болгону менен азырынча Шевченкого теңтайлаша турган деңгээлге жете элек. Анткени Майя буга чейинки беттештеринде Лиз Кармуш менен кармашып, жеңилген. Ал эми Шевченко Кармушту оңой эле уткан. Менин оюмча, Шевченко бул беттеште бардык жагынан үстөмдүк кылат. Беттеш мөөнөтүнөн мурда эле аяктайт деп ишенимдүү айта алам.

Абсолюттук мушкерлер чемпионаты (UFC) уюму менен келишим түзгөн кыргызстандык спортчу Азиз Сатыбалдиевдин машыктыруучусу Тынчтыкбек Өмүрзаков бул беттеште Валентина Шевченко жеңет деген пикирде. Машыктыруучу кыргызстандык мушкер кыздын ыкчамдыгы менен кошо башкалардан өзгөчө артыкчылыгын белгилеп өттү.

Тренер бойца UFC Азиза Сатыбалдиева Тынчтыкбек Омурзаков
© Фото / Асан Султанов
Абсолюттук мушкерлер чемпионаты (UFC) уюму менен келишим түзгөн кыргызстандык спортчу Азиз Сатыбалдиевдин машыктыруучусу Тынчтыкбек Өмүрзаков

— Бул дивизиондо азыркы тапта Шевченкону эч ким ута албайт. Аялзатынын кыймылы эркектерге караганда жай болот. Бул табигый көрүнүш. Бирок мушкер кыздардын арасында Шевченко салыштырмалуу тез кыймылдайт. 

Дагы бир өзгөчө белгилеп кетүүчү артыкчылык — Шевченко UFC уюмунда эркектерди кошо эсептегенде да беттеште аралыкты сактоо боюнча рейтингде эң алдыда турат. Мындай өзгөчөлүк атактуу мушкер эркектерде да жок. Женниферде бразилиялык жиу-житсу күрөш ыкмасы бар. Бирок аралыкты жакшы сактаган, башкача айтканда, атаандашты жакын жолотпой мушташ жүргөн учурдагы күрөш көп жардам бере албайт. Ошондуктан Майяда мүмкүнчүлүк аз. Бразилиялык кыз күчтүү болушу мүмкүн. Бирок Валентинанын шамдагайлыгы, соккуларды тийгизбей кеткен ыкмаларды мыкты өздөштүргөнү натыйжасын берет. 

Адис ошондой эле кыз-келиндер дивизионунда эң мыкты делген мушкер Аманда Нуньес кара күчү менен гана Валентинаны упай айырмасында жеңгенин белгилеп кетти.

Тынчтыкбек Өмүрзаков Валентина Шевченконун жеңишке болгон дагы бир мүмкүнчүлүгүн айтып өттү.

"UFC эрежеси боюнча чемпиондук наам үчүн беттеште курдун ээсине артыкчылык берилет. Эгерде беттеш тең чыгуу менен аяктаса, чемпион мушкер жеңүүчү деп эсептелет. Шевченко менен Нуньес тең чыгып, жеңиш Амандага ыйгарылган. Ошондуктан бул титулдук кармашта Шевченкодо дагы бир артыкчылык бар. Бирок ага жеткирбей эле Валентина болбоду дегенде калыстардын чечими менен утушка ээ болот", — деди Өмүрзаков.

Кыргызстандык мушкер Валентина Шевченко ММА мелдешинде жалпысынан 21 беттешке чыгып, анын 18ин жеңген. Үч беттеште утулган. Ал эми Женнифер Майя 25 кармаштын 18ин утуп, 6 жолу жеңилүү ызасын тарткан. Бир ирет атаандашы менен тең чыккан.

396
Белгилер:
Женнифер Майя, беттешүү, UFC, Валентина Шевченко
Тема:
Валентина Шевченконун Женнифер Майя менен беттеши (18)
Тема боюнча
Дүйнөлүк күрөш уюму Айсулуу Тыныбекованы колдоого чакырды
Акча сунуп жаткан адам. Архив

Спорт агенттиги коррупцияга каршы челлендж өткөрөт

51
Соцтармак колдонуучусу өзүнүн Facebook же Instagram баракчасына #бизкоррупциягакаршыбыз #мыпротивкоррупции хештегдери менен сүрөт же видео жүктөп, коррупциянын кесепеттери жөнүндө айтып бериши шарт.

БИШКЕК, 5-дек. — Sputnik. Жаштар иши, дене тарбия жана спорт боюнча мамлекеттик агенттик Коррупция менен күрөшүү эл аралык күнүнө карата социалдык тармактарда челлендж өткөрөт. Бул тууралуу агенттиктин маалымат кызматы кабарлады.

"Бүгүн "биз коррупцияга каршыбыз, токто" деп айта турчу күн келди. Демилге коомдо коррупциялык көрүнүштөргө терс мамилени калыптандыруу максатында көтөрүлдү", — деп айтылат билдирмеде.

Маалым болгондой, бул челленджге бардык каалоочулар катыша алат. Ал үчүн соцтармак колдонуучусу өзүнүн Facebook же Instagram баракчасына #бизкоррупциягакаршыбыз #мыпротивкоррупции хештегдери менен сүрөт же видео жүктөп, коррупциянын кесепеттери жөнүндө айтып бериши шарт. Челлендж 10-декабрга чейин уланат.

Агенттик Бириккен Улуттар Уюмунун чечими менен жыл сайын 9-декабрда Коррупция менен күрөшүү эл аралык күнү белгиленип келерин кошумчалады.

51
Белгилер:
Жаштар иши, дене тарбия жана спорт агенттиги, социалдык тармак, коррупция
Тема боюнча
Кыялдарды талкалайт! Спорт агенттиги коррупцияга каршы видеоролик чыгарды
Ысык-Көл облустук өнүктүрүү фонду мамлекетке 13 млн. сом зыян келтиргени аныкталды
Кыргызстандык балбан кыз Айсулуу Тыныбнекова. Архив

Сүйүнчү! Айсулуу кыздар күрөшүнүн тарыхында эң мыкты балбан деп табылды

2794
(жаңыланган 19:55 04.12.2020)
Добуш берүү UWW уюмунун Instagram баракчасында жүргүзүлдү. Кыргызстандык балбан кыз 293 миңдей добуштун теңинен көбүн алган.

БИШКЕК, 4-дек. — Sputnik. Кыргызстандык балбан кыз Айсулуу Тыныбекова кыздар күрөшүнүн тарыхындагы эң мыкты балбан деп табылды. Бул тууралуу Бириккен күрөш дүйнөсү (UWW) уюмунун Instagram баракчасына жарыяланды. 

Посмотреть эту публикацию в Instagram

Публикация от Olympic Wrestling (@unitedworldwrestling)

Кыргызстандык дүйнө чемпиону индиялык Винеш Пхогат менен финалга чыккан болчу.

"Биз менен кошо Айсулуу Тыныбекованы куттуктаңыз. UWW уюмунун "Күрөш тарыхындагы эң мыкты балбан кыз" жарышында жеңүүчү болду. Тыныбекова 292 896 күйөрмандын 58 пайыз добушун алды", — деп айтылат билдирүүдө.

UWW уюмунун виртуалдуу мелдеши онлайн форматта өткөн. Индиялык спортчуга 121,907 адам добуш берсе, Тыныбекованы 170,989 адам колдогон. 

2794
Белгилер:
күрөш, Айсулуу Тыныбекова
Тема боюнча
Тыныбекова баштаган балбан кыздар Стамбулда Дүйнө кубогуна даярданышууда
Секирген атаандашын төбөгө көтөрүп уруп... КР балбандары жасаган укмуш ыкмалар. Видео

Димаштын сагынычы... Ырчы пандемиядан кийин кезектеги шедеврин тартуулады. Видео

0
(жаңыланган 21:06 05.12.2020)
Казакстандын дүйнөгө таанымал ырчысы Димаш Кудайберген коронавирус пандемиясынан берки топ жарган ырын жарыкка чыгарды.

"Я скучаю по тебе" аттуу жаңы ырын Москвадагы "Жаңы жылдык көгүлтүр оттун" видео жаздыруусунда аткарган. Анын автору композиторлор Игорь Крутой менен Игорь Николаев.

ЖМКлар Димаш туура тогуз айдан соң сахнага кайтканын жазышты. Анын чыгармасын бир күндө эле 45 миңден ашуун киши укккан.

0
Белгилер:
чыгарма, ыр, Димаш Кудайберген, Казакстан
Тема боюнча
Эркектей болуп ырда! Димаш бала кезинде шылдыңга кабылганын айтып берди