UFC уюмунун жеңил салмактагы чемпиону россиялык мушкер Хабиб Нурмагомедов

Миссиямды аткардым. Хабиб кайра октагонго чыгар-чыкпасын айтты

286
(жаңыланган 11:09 20.11.2020)
Мушкер аталган дивизиондо эң алдыңкы сапка чыгуу планы аткарылганын белгилеп, мындан ары кызыкчылык жок экенине токтолгон.

БИШКЕК, 20-ноя. — Sputnik. UFC уюмунун жеңил салмактагы чемпиону россиялык мушкер Хабиб Нурмагомедовдун спорттук карьерасын улантуу ниети жок. Бул тууралуу ал "АиФ Дагестан" маалымат булагына билдиргенин Р-Спорт жазды.

Октябрда ал америкалык Жастин Гэтжинин утуп, үчүнчү ирет чемпиондук титулун коргогон. Беттештен кийин 32 жаштагы Нурмагомедов спорттук карьерасын жыйынтыктаганын жар салган. Кийинчерээк UFC президенти Дана Уайт бир нече жолу Хабибдин октагонго кайра чыгарын ишенимдүү айткан.

"Мен чыккан беттештер чоң акча турат, көп адамдар көрүп, ажиотаж болот. Бул сөздөр мени дагы көп убакытка чейин ээрчийт деп ойлойм. Мурда беттеш өткөргөндөн кийин эртеси эле кийинкиси качан деп сурашчу. Эл дайыма эле сериалдын, банкеттин уландысын көргүсү келет. Бирок менин спорттук карьераны улантуу планым жок", — деген мушкер.

Нурмагомедов UFC уюму ага дайыма жаңы мушкерлерди жана болжолдуу атаандаштарды даярдап келерин белгилеген.

"Ушундай бүтпөгөн көрүнүш, бул үчүн 40-45 жашка чейин беттешке чыгууга туура келет. Бирок бир максат болуш керек. Менин аталган дивизиондо эң алдыңкы сапка чыгуу планым бар болчу. Аны аткардым. Мен үчүн мындан ары кызыкчылык жок. Миссиям аягына чыкты. Атак-даңктын туу чокусунда туруп акча тапса болот. Бирок менин максатым башка болгон. Акчаны башка жактан иштеп табабыз", — деп кошумчалады Нурмагомедов.

Мушкер профессионалдык карьерасында 29 ирет беттешке чыгып, баарын жеңген. Анын 13үнө дүйнөдөгү эң абройлуу UFC промоушенинде жетишкен.

286
Белгилер:
карьера, UFC, Хабиб Нурмагомедов
Тема боюнча
Карьерасын жыйынтыктаган Нурмагомедов алдыдагы пландарын айтты
Жыландан качкан спортчу Хабиб Нурмагомедовду сүзүп, башы канап кетти. Видео
Легендарлуу футболчу Диего Марадона. Архив

Легендарлуу футболчу Диего Марадона көз жумду

22
(жаңыланган 22:50 25.11.2020)
Аргентиналык спортчу 60 жашта болчу. Ал 30-октябрда медициналык көзөмөлдөн өтүү үчүн ооруканалардын бирине жаткырылган.

БИШКЕК, 25-ноя. — Sputnik. Футбол боюнча 1986-жылы дүйнө чемпиону болгон легендарлуу футболчу Диего Марадона көз жумду. Бул тууралуу РИА Новости Аргентинанын TN телеканалына таянып кабарлады.

Аргентиналык спортчу 60 жашта болчу.

30-октябрда "Химнасия жана Эсгрима" футбол клубуна башкы машыктыруучулук кылып жаткан Марадона бир катар текшерүүлөрдөн өтүү үчүн ооруканага жаткырылган. Кийинчерээк анын мээсине операция жасалгандыгы кабарланган. Марадона ооруканадан 12-ноябрда чыгарылганы айтылган. Футбол адисинин акыркы жылдары басканы оорлошуп, өзүн начар сезип калган.

22
Тема боюнча
Роналду, Зидан, Марадона... Дүйнөлүк футболчулардын атын алган кыргызстандыктар
Бразилиялык спортчу Женнифер Майя. Архив

Шевченкодон жеңилген Женнифер Майя беттеш тууралуу билдирүү жасады

173
(жаңыланган 10:22 25.11.2020)
Мушкер аны колдогондорго ыраазычылык билдирип, мындан ары дагы Бразилиянын атын сыймыктануу менен тааныта берерин белгилеген.

БИШКЕК, 25-ноя. — Sputnik. Бразилиялык спортчу Женнифер Майя Instagram баракчасына Лас-Вегаста өткөн UFC 255 турниринде кыргызстандык Валентина Шевченкодон жеңилип калганы тууралуу билдирүү жазды.

Посмотреть эту публикацию в Instagram

Публикация от Jennifer Maia (@jennimaiaufc)

Эске салсак, 22-ноябрда өткөн турнирде Шевченко чемпиондук наамын ийгиликтүү коргоп калган. Беш раундга созулган айыгышкан беттеш жүрүп, кыргызстандык мушкер кыз толук артыкчылык көрсөткөн.

"Бул ирет эмес! Ошентсе да улуу спортчулар кармашкан жерге келгениме сыймыктанам. Мындай мүмкүнчүлүк берилгенине кубанычтамын жана бактылуумун. Мен баарынан мыкты экенимди далилдегим келбейт, бирок өзүм үчүн күн сайын мыкты экенимди көрсөтсөм дейм. Жыйынтык дайыма эле биз ойлогондой боло бербейт. Бирок ар бир нерседен көп сабак алып жатам", — деп жазган Майя.

Мушкер аны колдогондорго ыраазычылык билдирип, мындан ары дагы Бразилиянын атын сыймыктануу менен тааныта берерин белгилеген.

173
Белгилер:
билдирүү, мушкер, жеңилүү, беттешүү, Валентина Шевченко, Женнифер Майя
Тема боюнча
Талант Мамытов Валентина Шевченкону жеңиши менен куттуктады
Валентина Шевченконун кийинки беттештеги болжолдуу атаандашы айтылды
Эже-сиңди Шевченколордун энеси дүйнө чемпиону болду. Видео