Валентина Шевченко беттештен кийин. Архив

Валентина Шевченко карьерасын качан жана кантип жыйынтыктай турганын айтты

285
(жаңыланган 16:15 21.11.2020)
Эртең, 22-ноябрда, эртең менен Лас-Вегаста эже-сиңди Шевченколор UFC алкагында кезектеги беттешүүлөрүн өткөрөт.

БИШКЕК, 21-ноя. — Sputnik. Азыр көп нерсени жасай ала турган учурум, бул мага оор эмес экенин сезип тургандыктан кармаша берем. Мындай пикирин кыргызстандык спортчу Валентина Шевченко Sport24 сайтына берген маегинде айткан.

Журналист Шевченкого карьерасынын кандай бүтүшүн пландап жатканын сураган.

"Бул жерде бардыгы адамдын өзүнө жараша болот. Ал үчүн атайын эрежелер жок. Биздин, спортчулардын тагдыры, ой-туюмдары, пландары ар кандай. Өзүмө келе турган болсом, потенциал бар чакта аны пайдаланыш керек деп эсептейм. Спорттон шашылыш кадам жасап кетип калган көп спортчуларды көрдүм. Анан убакыт өткөндөн кийин кайра кайтууну, ошол жылдыздуу сааттардагы эмоциялардын даамын кайрадан татууну ойлойт, бирок убакыт өтүп кетти да. Жаңы таланттар өсүп чыкты. Кайра келсең, баягыдай эмессиң. Анан шашылып чечип койгонуна өкүнүшөт. Кетип калбаса жаш болуп турганда, күч-кубаттуу кезинде, ден соолугу чың учурда көп ийгиликтерди жаратат эле. Мен өзүм үчүн чечтим. Азыр көп нерсени жасай ала турган учурум экенин, бул мага оор эмес экенин сезип тургандыктан кармаша берем. Кийин артка кайрылып, "болду, колумдан келгенин буга чейин жасадым" дегендей болушум керек", — деп жооп берген Шевченко.

Эске салсак, эртең, 22-ноябрда, эртең менен Лас-Вегаста эже-сиңди Шевченколор UFC алкагында кезектеги беттешүүлөрүн өткөрөт. Ал эми кечээ турнирдин катышуучулары салмагын тактап, таразага түшкөн.

285
Белгилер:
беттешүү, маек, карьера, Валентина Шевченко, Лас-Вегас
Тема:
Валентина Шевченконун Женнифер Майя менен беттеши (17)
Тема боюнча
Өтө акылдуу жана күчтүү! Бразилиялык спортчу Валентина Шевченко тууралуу
UFC уюмундагы эки салмактын экс-чемпиону Конор Макгрегор америкалык Дастин Порье менен. Архивдик сүрөт

UFC Макгрегор менен Порьенин беттеши өтө турган күндү расмий бекитти

87
(жаңыланган 11:08 24.11.2020)
Кармаш кайсы жерде өтөрү азырынча белгиленген эмес. Алдын ала маалыматта реванш Абу-Дабидеги "Мушкерлер аралы" спорттук жайында болору айтылат.

БИШКЕК, 24-ноя. — Sputnik. UFC уюмундагы эки салмактын экс-чемпиону Конор Макгрегор америкалык Дастин Порье менен январда беттешет. Бул тууралуу аталган уюм өзүнүн Instagram баракчасына расмий жарыялады. 

Посмотреть эту публикацию в Instagram

Публикация от ufc (@ufc)

Буга чейин аталган беттеш тууралуу ЖМКларда айтылган. Таймаш кайсы жерде өтөрүн промоушен азырынча белгилеген эмес. Алдын ала маалыматта реванш Абу-Дабидеги "Мушкерлер аралы" спорттук жайында болору айтылат.

"Реванш расмий белгиленди. Дастин Порье Конор Макгрегор менен 23-январда UFC 257 мелдешинде кез келет", — деп айтылат маалыматта.

Ушул жылдын июль айында Макгрегор спорттон кеткенин жар салган. Ирландиялык мушкер америкалык Порье менен буга чейин 2014-жылы беттешип, биринчи эле раундда техникалык нокаут менен уткан.

87
Белгилер:
беттешүү, Конор Макгрегор, Дастин Порье, UFC
Тема боюнча
Валентина Шевченконун кийинки беттештеги болжолдуу атаандашы айтылды
Миссиямды аткардым. Хабиб кайра октагонго чыгар-чыкпасын айтты
Рафаэль Физиевдин атаандашы коронавируска кабылып, беттештин мөөнөтү жылды
Бокс чемпионаты. Архив

Бокс боюнча Кыргызстандын чемпионаты башталды

47
Чемпионат жаңы олимпиадалык циклге улуттук курама команданы куроо, республиканын аймактарында боксту өнүктүрүү максатында уюштурулуп жатат.

БИШКЕК, 24-ноя. — Sputnik. Бүгүн, 24-ноябрда, эркектер жана аялдар арасында Кыргызстандын бокс боюнча чемпионаты башталат. Бул тууралуу Жаштар иши, дене тарбия жана спорт боюнча мамлекеттик агенттиги кабарлады.

Булгаары мээлей чеберлери 28-ноябрга чейин таймашат. Мелдеш Бишкектеги Каба уулу Кожомкул атындагы спорт ордосунда болмокчу.

"Чемпионат жаңы олимпиадалык циклге улуттук курама команданы куроо, республиканын аймактарында боксту өнүктүрүү жана өлкөнүн жаштарынын арасында бокс спортун кеңири жайылтуу ураанынын алдында өтөт", — деп айтылат агенттиктин маалыматында.

Мелдеш Эл аралык бокс ассоциациясынын (АИБА) эрежелери менен эркектер арасында 10 салмактык категорияда жана аялдар арасында 5 салмактык категорияда өткөрүлөт.

Мелдештердин программасы:

  • 24-27-ноябрь күндөрү — алдын ала беттештер, чейрек финал, жарым финал;
  • 28-ноябрь — финал.
47
Белгилер:
Кыргызстан, мелдеш, бокс
Тема боюнча
Спорт агенттиги Түркияда өтчү Көчмөндөр оюндарына даярдыкты баштады
Новый автомобильный номер. Архивное фото

Мамкаттоо 604 миң сомго автоунаанын бир номерин жана эки "ХАН" сатты

0
Мамкаттоо 7-декабрга автоунаалар үчүн 700дөн ашык өзгөчө номер сатууну пландап жатат. Аукционго бардык айдоочулар катыша алат.

БИШКЕК, 24-ноя. — Sputnik. Кыргызстанда автоунаага тагылуучу "01 888 BBB" сериялык номери аукциондо 604 000 сомго сатылды. Бул туурасында Мамлекеттик каттоо кызматы билдирди.

Кечээ, 23-ноябрда, nomer.srs.kg порталында сандар менен тамгалардын өзгөчө айкалышындагы автономерлерди сатуу боюнча онлайн-аукцион өткөрүлдү. Аталган номер 80 миң сом баштапкы сумма менен аукционго коюлган.

"Жалпысынан өзгөчө номерлерди сатуу боюнча 14 аукцион пландаштырылган. Анын жарымы ээсин тапты. Беш номерди бишкектиктер, экөөнү Жалал-Абад облусунун "04" аймактык коду менен сатып алышкан. Ал эми "ХАН" тамгаларынын айкалышы бар номерлерди борбор калаанын эки тургуну алып кетти", — деп айтылат маалыматат.

Ошондой эле баштапкы наркы 60 миң сомдон башталган "01 555 SSS" номерин алууга кызыккандар арбып, 430 000 сомго чейин көтөрүлгөн.

Ал эми "01 777 XAH" 72 миң, "01 007 XAH" номери 32 миң сомго сатылган.

"01 111 JJJ" номерин 82 миң, "04 111 III" 60 миң жана "04 007 AMG" 32 миң сомго алып кетишкен.

Сатылган жети автономердин жалпы баасы 1 миллион 312 миң сом түздү. Кирешенин 91 пайызы мамлекеттик бюджетке которулат.

Кечээ-бүгүн болуп өткөн аукциондордун жыйынтыгы боюнча дагы 46 кооз унаа номери сатылары күтүлүүдө. Жакында "01 777 ZZZ" номери боюнча аукцион аяктаган. Жеңүүчү ага 810 000 сом сунуштаган, акчасын үч күндүн ичинде төлөшү керек.

Мамлекеттик каттоо кызматы онлайн-аукциондор nomer.srs.kg сайтында баарына жеткиликтүү экендигин белгиледи. 7-декабрга 700дөн ашык өзгөчө номер сатуу пландалууда.

0