UFC чемпиону Валентина Шевченко. Архив

Кыргызстанга бармакпыз... Шевченко эстен кеткис саякаты тууралуу баяндап берди

295
(жаңыланган 21:30 21.11.2020)
Спортчу коронавирустан улам жарыяланган пандемия пландарына көп деле таасир этпегенин, мекенине келе албаса да убакытты абдан жакшы өткөргөнүн сөз кылган.

БИШКЕК, 21-ноя. — Sputnik. Бул жайда Кыргызстанда болуп, Ысык-Көлгө бармакпыз, бирок, тилекке каршы, оюбуз ишке ашпай калды. Бул тууралуу UFC чемпиону Валентина Шевченко Sport24 сайтына берген маегинде айтып берди.

Ага журналист пандемия жашоосун канчалык өзгөрткөнү тууралуу суроо узаткан.

"Кырдаал катуу таасир этти деп айта албайм, бирок биз башка нерселерди пландаганбыз. Жайды жайлай Кыргызстанда болуп, Ысык-Көлгө баруу тилегибиз бар болчу. Бирок таптакыр башка жактарга саякаттап келдик. Жолубуз оңунан чыгып, сапарыбыз байсалдуу болду", — деди Шевченко.

Кыргызстандык спортчу эки ай бою автоунаа менен жолдо жүрүшкөнүн, күн сайын бейтааныш жерлерде жаңы нерселерге күбө болгонун баяндаган.

"Саякатыбызды Невада штатынан баштап Калифорния, Вашингтондун штаттарын кыдырып чыктык. Тынч океанын бойлой салынган Highway 1 трассасы бар, өтө кооз ажайып жер экен. Ал жакта океан биз көнгөндөй пальмалар, чайыттай тийген күн эмес, туман каптап, толкун болуп, шамал уруп турат экен. Жай экенине карабай күндүн табы 14 градустан ашкан жок, кээде андан да суук болуп жатты", — деди чемпион кыз.

Мушкер бул жерлерди Россиянын жаратылышына окшоштуруп, жергиликтүү тургундар тууралуу айтып берген.

"Эли абдан жөнөкөй экен. Баары тең кара жумушта иштегендер, балыкчылар, моряктар. Балык уулап эле жан баккан бир нече айылдарды көрдүк. Сиэтлге келип дагы бир башкача дүйнөгө туш болдук. Ал жакта бири-бири менен деңиз аркылуу байланышкан көптөгөн аралдар бар экен. Машинаңды жүктөп, кийинки аралга жетип алсаң болот. Биз бул аралдардын баарынан өтүп, Канада менен чектешкен жерге чейин бардык. Бирок чек ара жабык болгондуктан, андан өтө алган жокпуз. Эки жумадай ошол жакта жүрүп, кайра океан аркылуу эмес, Невада штатынын тоолору аркылуу кайттык. Чөл, тоо суулары... Бул да бир ажайып көрүнүш экен", — деди Шевченко.

Кыргызстандык спортчу алгач пландалган эки жумалык саякат эки айга узарып кеткенин кошумчалады.

Эскерте кетсек, эже-сиңди Шевченколор 22-ноябрь күнү эртең менен Лас-Вегаста UFC алкагында кезектеги беттешүүлөрүн өткөрөт. Валентина октагонго чемпиондук курун төртүнчү ирет коргоо үчүн чыкмакчы. Атаандашы — бразилиялык Женнифер Майя.

295
Белгилер:
Ысык-Көл, Кыргызстан, саякат, беттешүү, UFC, Антонина Шевченко, Валентина Шевченко
Тема:
Валентина Шевченконун Женнифер Майя менен беттеши (17)
Тема боюнча
Валентинанын эч кимде жок артыкчылыгы бар. Шевченко — Майя беттешине божомол
Өтө акылдуу жана күчтүү! Бразилиялык спортчу Валентина Шевченко тууралуу
Жакында Шевченко чемпиондук курун коргойт. Спортчунун презентациялык видеосу
Легендарлуу футболчу Диего Марадона. Архив

Легендарлуу футболчу Диего Марадона көз жумду

15
(жаңыланган 22:50 25.11.2020)
Аргентиналык спортчу 60 жашта болчу. Ал 30-октябрда медициналык көзөмөлдөн өтүү үчүн ооруканалардын бирине жаткырылган.

БИШКЕК, 25-ноя. — Sputnik. Футбол боюнча 1986-жылы дүйнө чемпиону болгон легендарлуу футболчу Диего Марадона көз жумду. Бул тууралуу РИА Новости Аргентинанын TN телеканалына таянып кабарлады.

Аргентиналык спортчу 60 жашта болчу.

30-октябрда "Химнасия жана Эсгрима" футбол клубуна башкы машыктыруучулук кылып жаткан Марадона бир катар текшерүүлөрдөн өтүү үчүн ооруканага жаткырылган. Кийинчерээк анын мээсине операция жасалгандыгы кабарланган. Марадона ооруканадан 12-ноябрда чыгарылганы айтылган. Футбол адисинин акыркы жылдары басканы оорлошуп, өзүн начар сезип калган.

15
Тема боюнча
Роналду, Зидан, Марадона... Дүйнөлүк футболчулардын атын алган кыргызстандыктар
Бразилиялык спортчу Женнифер Майя. Архив

Шевченкодон жеңилген Женнифер Майя беттеш тууралуу билдирүү жасады

173
(жаңыланган 10:22 25.11.2020)
Мушкер аны колдогондорго ыраазычылык билдирип, мындан ары дагы Бразилиянын атын сыймыктануу менен тааныта берерин белгилеген.

БИШКЕК, 25-ноя. — Sputnik. Бразилиялык спортчу Женнифер Майя Instagram баракчасына Лас-Вегаста өткөн UFC 255 турниринде кыргызстандык Валентина Шевченкодон жеңилип калганы тууралуу билдирүү жазды.

Посмотреть эту публикацию в Instagram

Публикация от Jennifer Maia (@jennimaiaufc)

Эске салсак, 22-ноябрда өткөн турнирде Шевченко чемпиондук наамын ийгиликтүү коргоп калган. Беш раундга созулган айыгышкан беттеш жүрүп, кыргызстандык мушкер кыз толук артыкчылык көрсөткөн.

"Бул ирет эмес! Ошентсе да улуу спортчулар кармашкан жерге келгениме сыймыктанам. Мындай мүмкүнчүлүк берилгенине кубанычтамын жана бактылуумун. Мен баарынан мыкты экенимди далилдегим келбейт, бирок өзүм үчүн күн сайын мыкты экенимди көрсөтсөм дейм. Жыйынтык дайыма эле биз ойлогондой боло бербейт. Бирок ар бир нерседен көп сабак алып жатам", — деп жазган Майя.

Мушкер аны колдогондорго ыраазычылык билдирип, мындан ары дагы Бразилиянын атын сыймыктануу менен тааныта берерин белгилеген.

173
Белгилер:
билдирүү, мушкер, жеңилүү, беттешүү, Валентина Шевченко, Женнифер Майя
Тема боюнча
Талант Мамытов Валентина Шевченкону жеңиши менен куттуктады
Валентина Шевченконун кийинки беттештеги болжолдуу атаандашы айтылды
Эже-сиңди Шевченколордун энеси дүйнө чемпиону болду. Видео