Кыргызстандык мушкер Антонина Шевченко. Архивдик сүрөт

Антонина Шевченко атаандашын техникалык нокаут менен утту. Видео

1141
(жаңыланган 10:25 22.11.2020)
Экинчи раундда Антонина атаандашын жерге жыгып алып, бети-башына туш тараптан удаасы менен соккондуктан калыс беттешти токтотту.

БИШКЕК, 22-ноя. — Sputnik. Бүгүн, 22-ноябрда, АКШнын Лас-Вегас шаарында өтүп жаткан UFC 255 турниринде кыргызстандык мушкер Антонина Шевченко бразилиялык Адриана Липскини техникалык нокаут менен утуп алды. Беттештин видеосун UFC уюму Twitter баракчасына жарыялады. 

​Беттеш эки раундга созулду. Биринчи бөлүктө кыргызстандык мушкер кыз ыңгайлуу позицияны ээлеп, муунтуу ыкмасын жасаганга аракет кылды.

Экинчи раунд дээрлик партерде (жерде алышып кармашуу) өттү. Антонина атаандашын астына алып, бети-башына туш тараптан соккондуктан калыс беттешти токтотту.

Промоушендин расмий баракчасында Антонина Шевченко UFC уюмундагы беттештеринде алгачкы жолу грэпплинг ыкмасын мыкты колдонгону, биринчи ирет техникалык нокаут менен утканы белгиленди.

Бүгүнкү мелдеште Антонинанын бир тууганы Валентина Шевченко промоушендин эң жеңил салмактагы чемпиондук наамын коргоо үчүн Женнифер Майя менен октагонго чыгат.

1141
Белгилер:
жеңиш, беттешүү, UFC, Антонина Шевченко
Тема боюнча
Беттеш алдында. Эже-сиңди Шевченколор атаандаштарын теше тиктеп... Видео
Валентина Шевченко карьерасын качан жана кантип жыйынтыктай турганын айтты
Кыргызстанга бармакпыз... Шевченко эстен кеткис саякаты тууралуу баяндап берди

Россиянын чемпионатында балбандар мушташа кетти. Видео

159
(жаңыланган 10:50 04.12.2020)
Ингуш балбаны Бабули Цолоев менен осетиялык Алан Багаев чейрек финалда кезиккен. Күрөш башталбай жатып бокска айланган.

Россиянын Смоленск шаарында эркин күрөш боюнча өткөн жаштар арасында өлкө чемпионатында Осетия менен Ингушетиянын балбандары мушташа кетти. Бул тууралуу Sputnik Осетия жазды.

Ингуш балбаны Бабули Цолоев менен осетиялык Алан Багаев чейрек финалда кезиккен. Алардын кармашы башталбай жатып бокска айланган.

Мушташкандарды машыктыруучулар, аренанын кызматкерлери жана атайын даярдыктагы милиция токтотуп калган. Спорттук эрежелерди сактабаган эки балбан тең мелдештен четтетилген.

Кийинчерээк алар элдешип, социалдык тармактарга чогуу түшкөн сүрөттөрүн чыгарышканын Р-Спорт жазды.

159
Белгилер:
мушташ, балбан, Ингушетия, Россия, эркин күрөш
Тема боюнча
Казак футболчусу Улуттар лигасында оюн талаасынын ортосунан гол киргизди. Видео
Өзбекстандагы футболдук беттеш массалык мушташ менен аяктады. Видео
Лондондук Арсенал менен веналык Рапид клубдарынын Европа лигасындагы беттеши

Марттан бери биринчи жолу. "Арсенал" "Рапид" оюнуна 2 миң күйөрман киргизилди

35
(жаңыланган 10:08 04.12.2020)
Улуу Британияда фанаттардын футболдук беттештерди стадиондон көргөн учуру март айынан бери биринчи ирет болуп жатат.

БИШКЕК, 4-дек. — Sputnik. Лондондук "Арсенал" менен веналык "Рапид" клубдарынын Европа лигасындагы беттешине эки миңдей күйөрман киргизилди. Бул тууралуу Р-Спорт жазды.

Улуу Британияда фанаттардын футболдук беттештерди стадиондон көргөн учуру март айынан бери биринчи ирет болуп жатат.

Оюн Лондондогу "Эмирейтс" аянтында өтүп, талаа ээлери 4:1 эсебинде жеңишке жеткен.

"Стадионго келип бизди колдогон эки миң күйөрманга жана биздин дүйнө жүзүндөгү бардык фанаттарга рахмат айтабыз", — деп белгиленет лондондук клубдун билдирүүсүндө.

Британиянын бийлиги буга чейин айрым клубдардын өз стадионундагы оюндарына белгилүү сандагы күйөрмандарды киргизүүгө макулдук берген. Англияда былтыркы сезон коронавируска байланыштуу март айынан тарта күйөрмансыз өткөн. Жаңы сезондо да азырынча фанаттар киргизиле элек.

35
Белгилер:
ФК "Рапид", ФК "Арсенал", пандемия, көрүүчү, Европа лигасы, футбол
Тема боюнча
Чемпиондор лигасындагы футболдук беттешти биринчи жолу аял-калыс тейледи
Салык кызматынын төрагасы Кабыл Абдалиев. Архив

Артем Новиков Салык кызматынын төрагасы Кабыл Абдалиевге сөгүш берди

0
(жаңыланган 19:04 04.12.2020)
Өлкөнүн башкы салыкчысынын сөгүш алышына "Чалдыбар" көзөмөл-өткөрмө пунктундагы иштер себеп болушу ыктымал.

БИШКЕК, 4-дек. — Sputnik. Өкмөттүн маалымат кызматы Салык кызматынын төрагасы Кабыл Абдалиевге сөгүш берилгенин билдирди.

Анда Абдалиев өзүнө жүктөлгөн милдеттерди талаптагыдай аткарбагандыгы белгиленет.

Тийиштүү буйрукка премьер-министрдин милдетин аткаруучу Артем Новиков кол койгон.

Жакында эле өкмөт башчынын милдетин аткаруучу "Чалдыбар" көзөмөл-өткөрүү пунктунда Салык кызматынын төрагасынын орун басары Искендер Асылкуловго каарын төккөн. Анын ачуусун келтиргени — ноябрдын аягында ишке кирип, товарлардын эсебин ала турган системанын алигече үкөктөн чыгарылбай турганы болгон.

Бирок кийин салык кызматы ал иштерге башка мамлекеттик органдар жооптуу экенин айтып билдирүү тараткан.

0
Белгилер:
Мамлекеттик салык кызматы, сөгүш, өкмөт
Тема боюнча
Новиковго жооп бере албай буйдалган салыкчы. Видео
Новиковдон кагуу жеп буйдалган жетекчи. Салык кызматы түшүндүрмө берди