Кыргызстандык мушкер Антонина Шевченко. Архивдик сүрөт

Антонинанын кармашы эң мыкты деп бааланып, бонус катары 50 миң доллар берилди

370
(жаңыланган 15:28 22.11.2020)
Бүгүнкү беттеште Антонина атаандашын жерге жыгып, башына бир катар соккуларды ургандан кийин жеңишти камсыздаган.

БИШКЕК, 22-ноя. — Sputnik. UFC уюмунун кыргызстандык мушкери Антонина Шевченко бүгүнкү өткөн мелдеште мыкты кармаш көрсөткөнү үчүн 50 миң доллар бонус алат. Бул тууралуу промоушендин башчысы Дана Уайт UFC 255 мелдешинен кийинки маалымат жыйында билдирди.

Посмотреть эту публикацию в Instagram

Публикация от ufc (@ufc)

Турнирде Антонина бразилиялык Ариана Липски менен кез келип, экинчи раундда мөөнөтүнөн мурда техникалык нокаут менен уткан. Пантера каймана атка конгон Антонина Шевченко экинчи бөлүктө атаандашын жерге жыгып, башына удаа-удаасы менен урган соккуларынын жыйынтыгында жеңишти камсыздаган. 

Липски жерде жатып эч кандай каршылык көрсөтө албай калгандыктан калыс беттешти токтоткон.

Жеңиштен кийин UFC адистери Антонина промоушенде алгачкы ирет техникалык нокаут менен утканын, бул ирет ал грэпплинг ыкмасын мыкты колдонгонун белгилешкен.

Эске сала кетсек, бул мелдештин башкы беттештеринин биринде Антонинанын бир тууганы Валентина Шевченко эң жеңил салмактын чемпиондук титулу үчун бразилиялык Женнифер Майяны утту. Муну менен ал чемпиондук наамын төртүнчү ирет коргоп калды.

370
Белгилер:
Антонина Шевченко, бонус, беттешүү, UFC
Тема:
Валентина Шевченконун Женнифер Майя менен беттеши (18)
Тема боюнча
Рафаэль Физиевдин атаандашы коронавируска кабылып, беттештин мөөнөтү жылды
Майянын кашын жарып салды. Шевченко чемпиондугун коргогон беттештин видеосу
Футзал оюнчулары. Архив

Бүгүн футзал боюнча Кыргызстандын кубогунун жеңүүчүсү аныкталат

44
Мелдештин финалында "Ал Халал" менен "Мурас" командалары беттешет. Оюн Бишкектеги "Алай Мурдаш" спорттук жайында өтөт.

БИШКЕК, 1-дек. — Sputnik. Бүгүн, 1-декабрда, футзал боюнча "Кыргызстандын кубогу – 2020" мелдешинин жеңүүчүсү аныкталат. Бул тууралуу аталган спорттук ассоциациянын маалымат кызматы билдирди.

Мелдештин финалында Бишкектин "Ал Халал" менен Ысык-Көлдүн "Мурас" командалары беттешет. Оюн Бишкектеги "Алай Мурдаш" спорттук жайында саат 12:00дө башталат.

Жарым финалда болсо "Ал Халал" "Бакубат Талас" командасын 7:3 эсебинде утуп, "Мурас" Оштун "ЕРЕМ" клубун 2:1 эсебинде жеңген.

Бул мелдеште өткөн жылы Бишкектин "Алга Дордой" клубу алдыга чыккан. "Дордойлуктар" финалда Бишкектин "Строй-Мир" командасын 3:1 эсебинде жеңип алган.

44
Белгилер:
финал, футзал
Тема боюнча
АФК-2021 мелдешинин форматы жана өтө турган күнү бекиди
Спортчу Денис Петрашов. Архивдик сүрөт

11 медаль. КРдин сууда сүзүү боюнча улуттук командасы Өзбекстандан жемиштүү кайтты

91
(жаңыланган 14:46 30.11.2020)
Спортчулардын ичинен Елизавета Рогожникова менен Рамазан Омаров Кыргызстандын да рекордун жаңылаган.

БИШКЕК, 30-ноя. — Sputnik. Кыргызстандын сууда сүзүү боюнча улуттук курама командасы сууда сүзүү боюнча лицензиялык Өзбекстандын ачык кубогунан 11 медаль менен кайтты. Бул туурасында Жаштар иши, дене тарбия жана спорт боюнча мамлекеттик агенттиктен кабарлашты.

Төрт спортчу ошентип үч алтын, беш күмүш, үч коло медалга ээ болгон.

Мелдешке 300 адам катышса, алардын ичинен алтоо Кыргызстандан болгон. Алардан сырткары, чет өлкөлөрдүн ичинен Чехиядан келген жана жергиликтүү сууда сүзүүчүлөр катышкан.

Кыргызстандык спортчулардын көрсөткөн жыйынтыгы:

Денис Петрашов

  • Брасс түрүндө 50 метр — алтын медаль;
  • Брасс түрүндө 100 м — алтын медаль;
  • Брасс түрүндө 200 м — коло медаль;

Елизавета Рогожникова

  • Чалкасынан сүзүү 200 м — алтын медаль;
  • Чалкасынан сүзүү 100 м — күмүш медаль;
  • Чалкасынан сүзүү 50 м — күмүш медаль, Кыргызстандын рекорду;
  • Комплекстүү сүзүү 200 м — күмүш медаль.

Рамазан Омаров

Эркин стиль 1500 м — күмүш медаль;

Эркин стиль 800 м — күмүш медаль, Кыргызстандын рекорду.

Тенгиз Тюбеев

  • Эркин стиль 1500 м — коло медаль.

Белгилей кетсек, Кубок 2020-жылдын 24-ноябрында Ташкент шаарында (Өзбекстан) старт алып, 29-ноябрда аяктаган.

91
Белгилер:
ийгилик, медаль, сууда сүзүү, Өзбекстан, Кыргызстан
Тема боюнча
Энем кыргыз! Азиядан КРге алтын медаль алып келген Будажаповдун видеосу
Мектеп окуучулары көчөдө баратышат. Архивдик сүрөт

Коронавирус жуктурган мектеп жашындагы балдар. Статистика

0
(жаңыланган 17:08 01.12.2020)
Ооруган өспүрүмдөрдүн көпчүлүгү Бишкек шаарында. Кийинки орунда Чүй жана Ысык-Көл облустары турат.

БИШКЕК, 1-дек. — Sputnik. Акыркы үч айда 7 жаштан 17 жашка чейинки мектеп жашындагы балдар арасында 683 коронавирус (U07,1 жана U07,2) учуру катталган. Бул тууралуу Саламаттык сактоо министрлигине шилтеме берип Республикалык штаб кабарлады.

Илдетке кабылгандардын салыштырмалуу саны:

  • Сентябрда — 48;
  • Октябрда — 315;
  • Ноябрда — 320.

Ооруган өспүрүмдөрдүн көпчүлүгү Бишкек шаарында катталган. Кийинки орунда Чүй жана Ысык-Көл облустары турат. Баарынан азы Нарында.

Ноябрь айындагы маалыматтар:

  • Бишкек — 143;
  • Баткен — 32;
  • Ош — 4;
  • Ош облусу — 9;
  • Жалал-Абад облусу — 31;
  • Талас облусу — 8;
  • Ысык-Көл облусу — 39;
  • Нарын облусу — 0;
  • Чүй облусу — 54.
0
Белгилер:
илдет, окуучу, мектеп, коронавирус
Тема:
Коронавируска байланыштуу Кыргызстандагы кырдаал
Тема боюнча
Санэпидем дарыгери: коронавирустун экинчи толкуну качан бүтөрү белгисиз