Бокстун дөө-шаалары Майк Тайсон менен Рой Жонс

Майк Тайсон менен Рой Жонстун кыл чайнашы. Тексттик трансляция

435
(жаңыланган 11:51 29.11.2020)
ЖМКларда айтылган маалыматтарга ылайык, бул беттештен Майк Тайсон 10 миллион доллар гонорар алат, ал эми кенже Рой Жонс үч миллион доллардын тегерегинде пайда табат.

Жакынкы сааттарда кесипкөй бокстун дөө-шаалары Майк Тайсон менен Рой Жонс (кенжеси) беттешет. Беттеш АКШнын Калифорния шаарында өтмөкчү.

Кайрымдуулук беттеш буга чейин 12-сентябрда Калифорнияда болору айтылып, Тайсондун командасынын спорттук иш-чарадан түшүүчү кирешени арттыруу максатында айткан өтүнүчү менен уюштуруучулар аны кийинкиге жылдырышкан.

Беттеш сегиз раундга ылайыкташып, ар бир бөлүк эки мүнөткө белгиленген. Алар шлем кийишпейт, 12 унций салмактагы машыгууда кийилүүчү мээлей менен беттешет. Таймаштагы эсепти Дүйнөлүк бокс кеңешинин (WBC) өкүлдөрү жүргүзөт.

Sputnik Кыргызстан кармаштан тексттик трансляция жүргүзөт.

Жаңы билдирүү
  • 11:51
    Рой Джонс и Майк Тайсон празднуют свою раздельную ничью после боя в Лос-Анджелесе, Калифорния (США) 28 ноября 2020 года

    Тарыхый окуя! Рой Жонс менен Майк Тайсондун кармашы аяктады. Видео

    Ардагер спортчулар рингде эки мүнөттөн сегиз раунд кыл чайнашты. Тайсон рингге акыркы жолу 2005-жылы чыккан.
    Дагы
  • 11:38

    Коментаторлор эң негизгиси кармашта эч ким катуу жабыркап, өмүрүнө жана ден соолугуна зыян тийгизбегенин билдиришти. Ошондой эле көз кандырган беттеши үчүн ыраазычылык айтышты.

  • 11:33

    Спортчулардын тең чыкканы айтылууда. Экөө тең жеңгенин бир ооздон айтып, рингдеги артыкчылыктарын санап жатышат. Ошондой эле күйөрмандары менен жакындарына салам жолдошууда.

  • 11:30

    Беттеш аяктады

    Эки спортчу тең жеңгенин бир ооздон айтууда.

  • 11:26

    Жонс илгери кандай болсо ошондой экенин көрсөткөнү белгиленсе, Майк болсо үмүттү анчейин актабаганы айтылды.

  • 11:24

    Рой Жонс дагы деле күүлүү-күчтүү, шатыра-шатман экенини көрсөтүүдө. Адистер Тайсонго күчтүү соккусу жетпей жатканын айтууда

  • 11:22

    Алдыда акыркы жана чечүүчү раунд калды!

  • 11:18

    Коментаторлор Рой Жонстун коргонуу чеберчилигин белгилей кетишти. Бул кармашта да бир топ соккудан буйтап өттү.

  • 11:15

    Мына сага! Майктын соккулары Жонско тийүүдө. Экинчи спортчу аралыкты сактоого өттү.

  • 11:14

    Бешинчи раунд. Майк Тайсон адаттыгыдай эле клинчке кирүүдө, аны атаандашы булкуп салып жатат.

  • 11:11

    Коментаторлордун айтымында, Жонс кыймылдуулугу менен айырмаланууда, анын аракеттерине Тайсон жетишпей калып жатат.

  • 11:10

    Төртүнчү раунд старт алды

  • 11:08

    Үчүнчү раунддун бүтөрүнө аз калды.

     

  • 11:08

    Майк атаандашын болушунча бурчка такап, клинчке киргенге аракет кылууда.

  • 11:08

    Атактуу спортчулардын катуу жана терең дем алганы таасын байкалып жатат.

  • 11:07

    Тайсон сокку жеп калган учурлар көп болууда.

  • 11:07

    Спортчулардын ардагер экени кыймылдары тастыктап жатат.

  • 11:06

    Башталды!

    Тайсон атаандашына жакын келгенде сокку артынан сокку узатууга жетишип жатат. Жонс болушунча аралыкты сактаганга аракет кылууда.

  • 10:58

    Рой Жонско 70 өнөр аздык кылат

    Дегенибиз америкалык спортчу рингде беттешүүдөн тышкары ырчы катары таанымал, рэп айтат. Бөтөнчө анын "Can't Be Touched" аттуу ыры спорттук иш-чараларда байма-бай жаңырып турат.

  • 10:51

    54 жаштагы Тайсон денесин жибитүүдө

    Тарыхый беттешке аз гана убакыт калды. Комментатор Валуев бул кармашта нокаут болорун убадалап жатат.

  • 10:36

    Тайсон беттешке чейин

    Темир Майк 15 жылдан бери алгачкы жолу рингге чыгууда.

  • 10:29

    Ким утат?..

    Sputnik Кыргызстан ата мекендик көрүнүктүү бокс чеберлери, машыктыруучулардын бул беттешке болгон болжолдорун билип көргөн.

    Американский боксер Майк Тайсон обращается к толпе перед боксерским поединком за титул чемпиона WBC в супертяжелом весе между Деонтей Уайлдером и Артуром Шпилка из Польши, 16 января 2016 года, в Нью-Йорке

    Тайсон Жонсту тез утпаса иш чатак болот. КР боксчуларынын беттешке божомолу

    Күзүндө ааламга атагы чыккан ардагер боксчулар Майк Тайсон менен Рой Жонстун кичүүсү рингде күч сынашканы турат. Sputnik агенттиги Кыргызстандагы белгилүү спортчулар менен машыктыруучулардан болжолдуу жеңүүчүнү жана беттештин жүрүшүн сурады.
    Дагы
  • 10:25

    Тайсон рингде албуутураак...

    Майк Тайсондун муштуму атаандаштарына барскандай эле тиерин жана рингде дулдуң мүнөз экенин бокс дүйнөсү билет. Төмөнкү кадрлар муну тастыктап турат.

  • 10:20

    Баса, Тайсон менен Жонстун кармашына комментаторлордун бири катары мурдагы кесипкөй боксчу Николай Валуев чакырылган.

  • 10:16

    Көз караштар таймашы

    Кечээ атактуу боксчулар беттеш алдында таразага түшүп, көз караштар таймашын өткөргөн. Анда Тайсон атаандашынан 5 килограммга оор болуп калган.

  • 10:15

    Бокс сүйүүчүлөрүнө жалпы салам!
    Болжол менен саат 08:30да легендарлуу боксчулар Майк Тайсон менен Рой Жонс рингден жолугушу керек болчу. Бирок ардагер спортчулардын карааны азырынча көрүнбөйт/

    https://youtu.be/9uChTKo1T_g
435
Белгилер:
Рой Жонс, Майк Тайсон, беттешүү, АКШ
Тема боюнча
Майк Тайсон менен Рой Жонстун көз караштар таймашынын видеосу