Токио Олимпиадасына жолдомо ойнотулуучу мелдештер өтө турган күн бекитилди

© AFP / KIRILL KUDRYAVTSEVБалбандар беттеш учурунда. Архив
Балбандар беттеш учурунда. Архив - Sputnik Кыргызстан
Жазылуу
Бул мелдеш 2020-жылдын март айында Кытайда өтөрү белгиленген. Коронавируска байланыштуу аны Кыргызстанда уюштуруу пландалып, айрым себептер менен өтпөй калган.

БИШКЕК, 24-дек. — Sputnik. Дүйнөлүк күрөш уюму (UWW) Токио Олимпиадасына лицензия берилүүчү мелдештердин күнүн бекитти. Маалымат уюмдун расмий сайтына чыкты.

Уюмдун техникалык комиссиясы кабыл алган расписаниеге ылайык, азиялык тандоо мелдеши 9-11-апрель күндөрү Казакстандын Алматы шаарында өтөт.

Перенос даты Олимпийских игр в Токио - Sputnik Кыргызстан
Токио Олимпиадасынын бюджети 16 миллиард долларга чукулдады
Белгилей кетсек, бул мелдеш 2020-жылдын март айында Кытайдын Сиань шаарына белгиленген болчу. Коронавирус пандемиясынан улам эл аралык уюм мелдешти Кыргызстанда өткөрүүнү пландаган. Бирок эпидемиологиялык абал курчугандан улам турнир токтотулган.

Учурда герк-рим күрөшү боюнча кыргызстандык балбандар Атабек Азисбеков менен кыздар күрөшүнөн Айсулуу Тыныбековада жолдомо бар. Алар лицензияны 2019-жылы Казакстандын Нур-Султан шаарында өткөн Дүйнө чемпионатында алышкан.

2020-жылга белгиленген Токио Олимпиадасы коронавирус пандемиясына байланыштуу 2021-жылга жылдырылган. Жайкы оюндар 23-июлдан 8-август аралыгында өтөт.

Жаңылыктар түрмөгү
0