Балбандар беттеш учурунда. Архив

Токио Олимпиадасына жолдомо ойнотулуучу мелдештер өтө турган күн бекитилди

118
(жаңыланган 21:40 24.12.2020)
Бул мелдеш 2020-жылдын март айында Кытайда өтөрү белгиленген. Коронавируска байланыштуу аны Кыргызстанда уюштуруу пландалып, айрым себептер менен өтпөй калган.

БИШКЕК, 24-дек. — Sputnik. Дүйнөлүк күрөш уюму (UWW) Токио Олимпиадасына лицензия берилүүчү мелдештердин күнүн бекитти. Маалымат уюмдун расмий сайтына чыкты.

Уюмдун техникалык комиссиясы кабыл алган расписаниеге ылайык, азиялык тандоо мелдеши 9-11-апрель күндөрү Казакстандын Алматы шаарында өтөт.

Белгилей кетсек, бул мелдеш 2020-жылдын март айында Кытайдын Сиань шаарына белгиленген болчу. Коронавирус пандемиясынан улам эл аралык уюм мелдешти Кыргызстанда өткөрүүнү пландаган. Бирок эпидемиологиялык абал курчугандан улам турнир токтотулган.

Учурда герк-рим күрөшү боюнча кыргызстандык балбандар Атабек Азисбеков менен кыздар күрөшүнөн Айсулуу Тыныбековада жолдомо бар. Алар лицензияны 2019-жылы Казакстандын Нур-Султан шаарында өткөн Дүйнө чемпионатында алышкан.

2020-жылга белгиленген Токио Олимпиадасы коронавирус пандемиясына байланыштуу 2021-жылга жылдырылган. Жайкы оюндар 23-июлдан 8-август аралыгында өтөт.

118
Белгилер:
жолдомо, Олимпиадалык оюндар, мелдеш, күрөш
Тема:
2020-жылы Токиодо өтө турган Олимпиада оюндары (44)
Тема боюнча
Токиодогу мелдешке катышчулар акысыз эмделет. Чыгымын олимпиада комитети жабат
Кыргызстандык жөө күлүк Мария Коробицкая Токио Олимпиадасына лицензия утту
Кыргызстандык бокс чебери Азат Үсөналиев беттеш учурунда. Архив

Кыргызстандын мыкты боксчулары Украинада окуу-машыгуу өткөрөт

8
(жаңыланган 10:51 16.01.2021)
Спорттук иш-чараны Украинанын Бокс федерациясы уюштуруп, дүйнөлүк аренада көзгө көрүнгөн мыкты мушкерлерди гана чакырган.

БИШКЕК, 16-янв. — Sputnik. Кыргызстандык бокс чеберлери Азат Үсөналиев (52 килограмм) менен Эркин Адылбек уулу (81 килограмм) Украинада өтүүчү биргелешкен окуу-машыгууга чакырылды. Бул тууралуу бокс боюнча Кыргызстандын улуттук командасынын машыктыруучулар кеңешинин мүчөсү Шайлообек Атазов Sputnik Кыргызстанга билдирди.

Алар 2021-жылдын 17-январынан баштап Киев шаарында дүйнөлүк мыкты боксчулар менен чогуу машыгуу өткөрөт.

"Машыгууга Куба, Россия, Украина жана Европа өлкөлөрүнүн мушкерлери катышат. Спорттук иш-чараны Украинанын Бокс федерациясы уюштуруп, дүйнөлүк аренада көзгө көрүнгөн мыкты мушкерлерди гана чакырган. Ага КРден эки мушкер барат. Машыгуу бир айга созулат. Башкы максат Токио Олимпиадасына даярдануу болмокчу", — деп билдирди ал.

Атазов мындай спорттук иш-чара кыргызстандык мушкерлерге пайдалуу болуп, тажрыйба топтоого зор мүмкүнчүлүк жаратарын белгиледи.

8
Белгилер:
машыгуу, Украина, Эркин Адылбек уулу, Азат Үсөналиев, бокс
Тема боюнча
Махмудов, Шаршенбеков, Азисбеков баштаган балбандар Чолпон-Атада машыгууда
Кыргызстандык балбан Улукбек Жолдошбеков беттеш учурунда. Архив

Улукбек Жолдошбеков, Эрназар Акматалиев... Балбандар мелдешке даярданууда

15
Жакынкы айларда атлеттердин Азия чемпионатына жана эл аралык лицензиялык мелдештерге катышуусу күтүлүп жатат.

БИШКЕК, 16-янв. — Sputnik. Кыргызстандын эркин күрөш боюнча курама командасы Бишкекте машыгуу өткөрүп жатканын Жаштар иши, дене тарбия жана спорт агенттиги билдирди.

Ага ылайык, жакынкы айларда атлеттердин Азия чемпионатына жана эл аралык лицензиялык мелдештерге катышуусу күтүлүп жатат.

Балбандар 30-январга чейин машыгат. Ага жалпысынан 23 спортчу тартылган. Арасында белгилүү балбандардан Улукбек Жолдошбеков, Алмаз Сманбеков, Эрназар Акматалиев, Атай Изабеков, Алигаджи Гамигаджиев жана башкалар бар.

Спортчуларды Сүймөнкул Таабалды уулу менен Руслан Мажинов машыктырат. Улукбек Кыдыев  ден соолугуна кам көрөт.

15
Белгилер:
эркин күрөш, машыгуу, балбан, спорт, Кыргызстан
Тема боюнча
Дүйнө чемпионатына тандоо: Мьянма – Кыргызстан беттешинин өтүүчү күнү айтылды
Махмудов, Шаршенбеков, Азисбеков баштаган балбандар Чолпон-Атада машыгууда
Бишкек шаардык мэриясынын Билим берүү башкармалыгынын башкы адиси Чынара Исакова. Архив

Исакова: Бишкекте 18-январдан тарта 1, 5, 9, 11-класстар салттуу окуйт

0
Бишкек шаардык мэриясынын Билим берүү башкармалыгынын башкы адиси Чынара Исакова борбор калаада мэрияга караштуу 97 орто билим берүү мектеби бар экендигин айтты.
Исакова: Бишкекте 18-январдан тарта 1, 5, 9, 11-класстар салттуу окуйт

18-январдан тарта Бишкектеги орто мектептер салттуу режимде окуй башташат. Бул тууралуу Чынара Исакова Sputnik Кыргызстан радиосуна маек куруп жатып билдирди.

Анын айтымында, балдарын мектепке жеткирип барган ата-энелер да эпидемиологиялык абалды эске алып, тиешелүү эрежелерди карманышы шарт.

"18-январдан тарта Бишкек мэриясына караган мектептер айрым класстардын окуучулары үчүн эшигин ачат. Алар 1, 5, 9 жана 11-класстын окуучулары. Жалпысынан 56 миңден ашуун окуучу барып окуйт. Бардык эпидемиологиялык шарттар эске алынды, мектептер даяр", — деди Исакова.

Адис бирдиктүү мектеп формасы талап кылынбастыгын, бирок дресс-кодду сактоо зарылдыгын кошумчалады.

0
Белгилер:
коронавирус, мектеп, Бишкек, Чынара Исакова
Тема боюнча
Абдылдаева: 2100 мектеп реалдуу режимде окуусун баштады