Ювентус клубунун жана Португалиянын футбол боюнча курама командасынын чабуулчусу Криштиану Роналду

Роналду XXI кылымдын мыкты футболчусу аталды. Спортчу эмне деди

287
(жаңыланган 15:44 28.12.2020)
Бул наамга "Ливерпулдун" чабуулчусу Мохаммед Салах, бразилиялык футболчу Роналдиньо жана "Барселонанын" капитаны Лионель Месси ат салышкан.

БИШКЕК, 28-дек. — Sputnik. "Ювентус" клубунун жана Португалиянын футбол боюнча курама командасынын чабуулчусу Криштиану Роналду XXI кылымдын мыкты футболчусу катары Globe Soccer Awards сыйлыгына ээ болду. Бул тууралуу сыйлык берүүчү уюмдун Twitter-аккаунтуна жарыяланды.

​35 жаштагы спортчуга сыйлыкты 27-декабрда Дубай шаарында (БАЭ) өткөн салтанат учурунда тапшырышты. Маалыматка караганда, бул наамга "Ливерпулдун" чабуулчусу Мохаммед Салах, бразилиялык футболчу Роналдиньо жана "Барселонанын" капитаны Лионель Месси ат салышкан.

Кийинчерээк футбол жылдызы бул сыйлык ал үчүн өтө маанилүү экенин айтты.

"Мен абдан кубанып жатам! Жакында профессионалдык футболдо жүргөнүмө 20 жыл болот. Кылымдын мыкты футболчусу болуу мен үчүн өтө сыймыктуу жана кубанычтуу нерсе", — деди Роналду.

​Мындан тышкары, бул иш-чарада "Бавария" клубунун чабуулчусу Роберт Левандовски жылдын мыкты футболчусу аталды. Ал эми 2020-жылдын эң алдыңкы командасы деп ошол эле "Бавария" табылды.

Жылдын мыкты машыктыруучусу Ханс-Дитер Флик аталса, кылымдын мыкты машыктыруучусу Хосеп Гвардиола болуп калды.

287
Белгилер:
сыйлык, Криштиану Роналду, футбол
Тема боюнча
КРдин атынан чыккан балбан Лазаревди Якутия башчысы 900 миң рубль менен сыйлады
Месси тарыхта бир клуб үчүн гол киргизген эң мыкты бомбардир болду. Видео
UFC чемпиону Валентина Шевченко. Архивдик сүрөт

Нурмагомедов менен Шевченко UFC уюмунун мыкты мушкерлери деп табылды

106
(жаңыланган 18:42 14.01.2021)
Сурамжылоодо жылдын мыкты мушкери, мыкты мушкер айымы, жылдын ачылышы, сабмишени, нокауту, мыкты беттеши аныкталган.

БИШКЕК, 14-янв. — Sputnik. UFC Russia менен @Championat_com биргеликте уюштурган сурамжылоодо Хабиб Нурмагомедов жана Валентина Шевченко мыкты мушкерлер деп табылды. Добуш берүүнүн жыйынтыгын UFC Russia өзүнүн Instagram баракчасына чыгарды.

Посмотреть эту публикацию в Instagram

Публикация от UFC Russia (@ufcrussia)

Сурамжылоодо жылдын мыкты мушкери, мыкты мушкер айымы, жетишкендиги, сабмишени, нокауту, мыкты беттеши, жылдын апсети (фовариттин жеңилип калышы) номинациялары боюнча тандоо жүргөн.

Анын жыйынтыгы менен жеңил салмактагы россиялык чемпион Хабиб Нурмагомедов "жылдын мушкери", кыргызстандык Валентина Шевченко "мушкер айым" наамына татыган. 

Посмотреть эту публикацию в Instagram

Публикация от UFC Russia (@ufcrussia)

Теги чечен швециялык Хамзат Чимаевге "жылдын ачылышы" номинациясы ыйгарылды. 

Посмотреть эту публикацию в Instagram

Публикация от UFC Russia (@ufcrussia)

Хабиб Нурмагомедовдун АКШлык Жастин Гэтжини "үч бурчтук" муунтуу ыкмасына салып утканы "жылдын сабмишени" болду. 

Посмотреть эту публикацию в Instagram

Публикация от UFC Russia (@ufcrussia)

Ал эми Хоакин Баклинин атаандашын чимирилип сулата тепкенин сурамжылоого катышкандар "мыкты нокаут" деп табышкан. 

Посмотреть эту публикацию в Instagram

Публикация от UFC Russia (@ufcrussia)

Жеңил салмактын алдыңкы бештигиндеги мушкерлер Жастин Гэтжи менен Тони Фергюсондун кармашы "жылдын беттеши" наамына ээ болду. 

Посмотреть эту публикацию в Instagram

Публикация от UFC Russia (@ufcrussia)

Ушул эле беттеш сурамжылоонун катышуучулары тарабынан "Жылдын апсети" деп табылган.

106
Белгилер:
Валентина Шевченко, Хабиб Нурмагомедов, нокаут, мушкер, мыкты, UFC
Тема боюнча
Валентина Шевченко үч дүйнөлүк рейтингде жылдын мушкери деп табылды
UFC мушкер аялдарга жаңы дивизион кошкону жатат

Макгрегордун Нурмагомедов менен кармашканга чейинки жана андан кийинки видеосу

346
(жаңыланган 15:43 14.01.2021)
YouTube каналына Конор Макгрегордун даярдануучу жайындагы Хабиб Нурмагомедов менен беттешине чейинки жана андан кийинки көрүнүштөр тартылган видео жарыяланды.

Роликте Макгрегор таймаш алдында оң колдоп урулган соккудан коргонууга машыгып жатканын көрүүгө болот. Ага карабай Нурмагомедов анын ээк тушуна дал ошондой сокку уруп, нокдаунга түшүргөн.

Кармаштан соң ирландиялык мушкердин жеңилүү ызасына чөмүлүп отурганы, жанында эч нерседен кабары жок уулу башка бирөөлөр менен эркелеп ойноп жатканы тартылган.

UFC 229 турнири 2018-жылдын 6-октябрында АКШнын Лас-Вегас шаарында өткөн. Россиялык мушкер Хабиб Нурмагомедов атаандашы Конор Макгрегорду беттештин төртүнчү раундунда муунтуу ыкмасы менен багындырып, промоушендин жеңил салмактагы чемпиону наамын ийгиликтүү коргогон.

346
Белгилер:
Хабиб Нурмагомедов, Конор Макгрегор, беттешүү, UFC
Тема боюнча
UFC "Мушкерлер аралындагы" мыкты жеңиштердин видео топтомун жарыялады
UFC 2020-жылдагы эң мыкты беттештердин бүйүр кызыткан видеосун жарыялады
Бишкектеги Токтогул Сатылгановтун эстелиги. Архивдик сүрөт

Ишембиге карата аба ырайы

0
16-январга караган түнү республика боюнча күн ачык болуп, жаан-чачын күтүлбөйт. Жолдор тоңуп, тайгак болот.

БИШКЕК, 15-янв. — Sputnik. Ишемби, 16-январда, күндүзү өлкө аймагында күн ачык болот. Бул тууралуу Кыргызгидромет маалымдады.

Түштүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге жетет.

Абанын температурасы Чүй өрөөнүндө +11...+16, Талас жергесинде +13...+18, Ош, Жалал-Абад, Баткен облустарында +12...+17, Ысык-Көлдө +4...+9, ал эми Нарын аймагында -1...-6 градус болору айтылды.

Күндүн табы Бишкекте +13...+15, ал эми Ошто +15...+17 градусту көрсөтөт.

0
Белгилер:
аба ырайы, Кыргызстан, январь
Тема боюнча
Жерге муз доору кайтышы мүмкүн