UFC Хабибдин октагонго кайтышы үчүн мыкты шарттарды сунуштап жатат
(жаңыланган 13:38 29.12.2020)
Хабиб Нурмагомедовдун айтымында, промоушен анын кайтышын каалап, улам-улам мыкты шарттарды жана жаңы атаандаштарды сунуштап жатат.БИШКЕК, 29-дек. — Sputnik. UFC уюмунун жеңил салмактагы чемпиону россиялык мушкер Хабиб Нурмагомедов "Матч ТВ" телеканалына маек берип жатып октагонго кайтышы мүмкүн экенин билдирди.
Анын айтымында, промоушен анын кайтышын каалап, улам-улам мыкты шарттарды жана жаңы атаандаштарды сунуштап жатат.
"UFC жетекчиси менен байланыштабыз. Ал менин октагонго кайтышымды каалап жатат. Мен аларды жакшы түшүнөм. Тогуз жыл рингде жүрдүм, жеңилген жокмун, өз фанаттарым бар. Азыр улам жаңы атаандаштарды сунуштап жатышат. Бирок мени таң калтырып, кызыктыра элек. Сунуштай турган укмуш деле кишиси жок", — деди Нурмагомедов.
Ошондой эле ал январда UFC президенти Дана Уайт менен жолугарын, бирок уюмга кайтууга көңүлү жок экенин айтты.
Октябрда ал америкалык Жастин Гэтжинин утуп, үчүнчү ирет чемпиондук титулун коргогон. Беттештен кийин 32 жаштагы Нурмагомедов спорттук карьерасын жыйынтыктаганын жар салган. Кийинчерээк UFC президенти Дана Уайт бир нече жолу Хабибдин октагонго кайра чыгарын ишенимдүү айткан.
Мушкер профессионалдык карьерасында 29 ирет беттешке чыгып, баарын жеңген. Анын 13үнө дүйнөдөгү эң абройлуу UFC промоушенинде жетишкен.
Жыргап күлүп, кучакташып... Макгрегор менен Порьенин көз караштар таймашы
(жаңыланган 22:32 22.01.2021)
Эки белгилүү мушкердин кармашы жекшембиде Абу-Дабидеги "Мушкерлер аралы" спорттук жайында өтөт. Атлеттер жети жыл мурун октагондо кезигишкен.БИШКЕК, 22-янв. — Sputnik. UFC 257 турниринин алдында атактуу ирландиялык мушкер Конор Макгрегор менен америкалык Дастин Порье көз караштар таймашын өткөрүштү. Видео уюмдун расмий Instagram баракчасына жүктөлдү.
Посмотреть эту публикацию в Instagram
Видеодон Конор Дастинге сес көрсөтүмүш болгону менен акырында экөө тең күлүп, кучакташып, жадагалса тамалашканга да үлгүрүшкөн.
Бул иш-чара спортчулар салмакка түшкөндөн кийин уюштурулган. Таразага түшкөн Макгрегор адатынча кыйкырып алганын көрүүгө болот.
Посмотреть эту публикацию в Instagram
Арадан алты жыл өткөндөн кийин алар чыныгы такшалган мушкер катары кайра беттешип жатышат. Жеңүүчү жеңил салмактагы чемпиондук наамга башкы талапкер болот. Ошондуктан утуп чыгуу экөө үчүн тең өтө маанилүү.
Бороон-чапкынга карабай марага жетем деген лыжачылар. Орловкадагы 12 сүрөт
(жаңыланган 21:49 22.01.2021)
18-январда "Орловка" тоо лыжасы базасында башталган турнир бүгүн, 22-январда, жыйынтыкталып отурат. Анда спортчулар лыжа менен жөн гана ылдый түшпөстөн, жолдогу табигый жана жасалма тоскоолдуктардан өтүшү керек болду.
Турнирге улуттук курама командадан тышкары Казакстан, Өзбекстан жана Тажикстандын спортчулары катышты.
Пандемияга байланыштуу борбор азиялык спортчулар Европадагы турнирге бара албай калып, натыйжада квалификациялык мелдешти Кыргызстанда өткөрүү чечими кабыл алынган. Уюштуруу милдетин КРдин Лыжа спорту федерациясы алган.
Спортчулар лыжа тебүүнүн атайын жана гигант түрлөрүндө күч сынашты. Медалдар кыздар жана эркектер арасында ойнотулуп, натыйжада казакстандык спортчулар алдыга оозуп чыга алды.
© Sputnik / Табылды КадырбековБишкектин четинде лыжа менен тоодон түшүү боюнча Борбор Азиядан келген спортчулардын катышуусунда турнир өттү
© Sputnik / Табылды Кадырбеков18-январда "Орловка" тоо лыжа базасында башталган турнир бүгүн, 22-январда, жыйынтыкталып отурат
© Sputnik / Табылды КадырбековТурнирге улуттук курама командадан тышкары Казакстан, Өзбекстан жана Тажикстандын спортчулары катышты
© Sputnik / Табылды КадырбековСпортчулар лыжа тебүүнүн атайын жана гигант түрлөрүндө күч сынашты
© Sputnik / Табылды КадырбековМедалдар кыздар жана эркектер арасында ойнотулду
© Sputnik / Табылды КадырбековМелдеште казакстандык спортчулар алдыга озуп чыга алды. Ошондой эле өзбекстандык жана тажикстандык спортчулар жакшы жыйынтык көрсөтө алды.
© Sputnik / Табылды КадырбековКыргызстандык Ольга Палюткина лыжа тебүүнүн эки түрүндө тең үчүнчү орунду алды
© Sputnik / Табылды КадырбековТурнирди КРдин Лыжа спорту федерациясы уюштурду
© Sputnik / Табылды КадырбековБул спорттун түрү боюнча квалификациялык турнир экинчи ирет өтүп жатат
© Sputnik / Табылды КадырбековПандемияга байланыштуу борбор азиялык спортчулар Европадагы турнирге бара албай калып, натыйжада аны Кыргызстанда өткөрүү чечими кабыл алынган
© Sputnik / Табылды КадырбековУюштуруучулар күн жылып кар эрип кетпеши үчүн мелдешти эртең менен башташкан
© Sputnik / Табылды КадырбековСпортчулар лыжа менен жөн гана ылдый түшпөстөн, жолдогу табигый жана жасалма тоскоолдуктардан өтүшү керек болду
Белгилер:
Соңку бир суткада 93 адам коронавирус жугузуп, экөө каза болду
(жаңыланган 11:07 23.01.2021)
Бүгүнкү күндө ооруканаларда 689 бейтап дарыланууда. Алардын 437си орто оордукта, 220сы оор абалда, 28и өтө оор абалда жатат.БИШКЕК, 23-янв. — Sputnik. Кыргызстанда соңку бир сутканын ичинде 93 адам коронавирус жугузуп алса, 108 бейтап ооруну жеңип чыкты. Бул тууралуу Республикалык штаб кабарлады.
Илдеттен эки адам каза болуп, алар Чүй жана Ысык-Көл облусунун тургундары болгону айтылды. Ушуну менен өпкөнү сезгенткен оорудан 1 398 кыргызстандык каза болду.
Бир сутка ичинде катталган жаңы учурлар:
- Бишкек – 27;
- Ош – 2;
- Чүй облусу – 29;
- Ош облусу – 4;
- Талас облусу – 2;
- Нарын облусу – 1;
- Ысык-Көл облусу – 21;
- Жалал-Абад облусу – 5;
- Баткен облусу – 2.
Бүгүнкү статистиканы кошкондо өлкөдө COVID-19 жугузуп алган адамдардын жалпы саны 83 796га жетти.
Айыгып чыккандар:
- Бишкек – 38;
- Ош шаары – 2;
- Чүй облусу – 35;
- Ош облусу – 3;
- Нарын облусу – 3;
- Ысык-Көл облусу – 23;
- Жалал-Абад облусу – 1;
- Баткен облусу – 3.
Ушуну менен коронавирустан сакайгандардын саны 79 772 кишини түздү.
Бүгүнкү күндө ооруканаларда 689 бейтап дарыланууда. Алардын төртөө канааттандырарлык абалда, 437си орто оордукта, 220сы оор абалда, 28и өтө оор абалда жатат.
Мындан сырткары, 1006 бейтап үй шартында дарыланууда.