Футзал боюнча Кыргызстандын улуттук курама командасы. Архив

Кыргызстан футзал боюнча дүйнөлүк рейтингде 42-орунга жайгашты

159
Амиржан Муканов башында турган улуттук команда 1071 упай топтоп, эки сапка жогорулаган. Дүйнөлүк тизмеде Азиядагы курамалардын арасында Кыргызстан 7-катарда турат.

БИШКЕК, 4-янв. — Sputnik. Футзал боюнча Кыргызстандын улуттук курама командасы дүйнөлүк рейтингде 42-орунга жайгашты. Бул тууралуу futsalworldranking сайтына жарыяланган рейтингде айтылат.

Амиржан Муканов башында турган улуттук команда 1071 упай топтоп, эки сапка жогорулаган.

Рейтингдеги алдыңкы ондукта Испания, Бразилия, Аргентина, Россия, Португалия, Иран, Казакстан, Италия, Парагвай жана Хорватия турат.

Тизмеде Азиядагы курамалардын арасында Кыргызстан 7-катарда. Алдыда Иран (дүйнөлүк рейтингде 6-орун), Япония (16), Таиланд (17), Өзбекстан (28), Австралия (31) жана Ливан (40) турат.

2021-жылы өтүүчү Азия чемпионатында Кыргызстандын улуттук командасы Япония (дүйнөдө он алтынчы, Азияда 2-орун), Ливан (дүйнөдө 40ынчы, Азияда алтынчы орун) жана Кувейт (дүйнөдө 43үнчү, Азияда сегизинчи орун) командалары менен бир тайпада ат салышат.

Эске салсак, континенталдык чемпионат 2021-жылдын 23-мартынан 3-апрелге чейин өтөт.

Улуттук команда Азия биринчилигине даярдыктын алкагында ноябрь айында Ташкент шаарында Өзбекстан жана Тажикстан менен жолдоштук беттештерди өткөргөн.

159
Белгилер:
рейтинг, Кыргызстан, футзал
Тема боюнча
Кыргызстандык футзалчы Ильяс Чотбаев Тажикстанда чемпион болду
Кыргызстандын желеги. Архив

Таластык Куценко, токмоктук Бивол. Кыргызстанда төрөлүп чет жакта атагы чыккандар

169
(жаңыланган 16:38 20.01.2021)
Кыргызстанда төрөлгөн Денис Логунов COVID-19га каршы дүйнөдө биринчи түзүлгөн россиялык вакциналардын бири "Спутник V" препаратынын түзүүчүсү экени белгилүү болду.

Sputnik агенттиги Кыргызстанда туулуп, кийин чет мамлекеттерге көчүп кетип, азыр аты таанылган адамдарды тизмектеди.

Денис Логунов

© Sputnik / Рамиль Ситдиков
Кыргызстанда төрөлгөн Денис Логунов (солдо) COVID-19га "Спутник V" препаратынын түзүүчүсү экени белгилүү болду

Жергиликтүү ЖМКлардын көбү коронавирустан коргогон дүйнөдөгү алгачкы "Спутник V" вакцинасынын түзүүчүсү Денис Логунов Кыргызстанда туулганын жазышууда.

Маалыматтарга караганда, Логунов 1978-жылы 13-октябрда Фрунзе шаарында туулган. 43 жашында Россиянын Илимдер академиясынын мүчө-корреспонденти болууга жетишкен. Учурда ал Гамалея атындагы илимий борбордо директордун орун басары, клеткалык микробиология лабораториясынын жетекчиси болуп иштейт.

Виталий Кличко

© Sputnik / Стрингер
Белгилүү украин спортчусу Чүйдүн Беловодское айылында 1971-жылы 19-июлда туулган

Белгилүү украин спортчусу да биздин жердеш. Ал Чүйдүн Беловодское айылында 1971-жылы 19-июлда туулган. Профессионалдык бокс боюнча WBO версиясында дүйнө чемпиону болгон. Азыр саясат менен алектенип, Киев шаарын башкарып келет.

Светлана Назаренко

Уроженка Кыргызстана, солистка группы Город 312 Светлана Назаренко в редакции Sputnik Кыргызстан
© Sputnik / Табылды Кадырбеков
"Город 312" тобунун солисти Светлана Назаренко Бишкекте туулган

"Город 312" тобун кимдер гана билбейт. Аталышы да жөн жерден эмес, 312 — Бишкектин эл аралык телефондук коду. Топтун башкы солисти Светлана Назаренко 1970-жылы 17-октябрда Бишкекте туулган. Москвада жашаган ырчы мекениндеги концерттик иш-чараларга келип турат.

Эже-сиңди Шевченколор

Чемпионка мира по смешанным единоборствам по версии UFC Валентина Шевченко с сестрой бойцом UFC Антониной Шевченко во время тренировок
© Фото / предоставлено Валентиной Шевченко
UFC чемпиону жана мушкери Валентина менен Антонина Шечвенчолор мелдештерде Кыргызстан менен Перунун желегин көтөрүп чыгышат

Аралаш мушташ боюнча турнир өткөргөн Абсолюттук мушкерлер уюмунун (UFC) чемпиону Валентина Шевченко менен ушул лиганын спортчусу, эжеси Антонина Шевченко да Бишкекте төрөлгөнүн билебиз. Учурда АКШда турушат. Алар мелдештерде Кыргызстан менен Перунун желегин көтөрүп чыгышат.

Жаннат Керимбаев

Посмотреть эту публикацию в Instagram

Публикация от Жаннат Керимбаев (@zhannatkerimbaev)

"Кухня", "Отель Элеон" сериалдарынын сценаристи Жаннат Керимбаев айтылуу Асанкалый Керимбаевдин уулу. Башында КВНге аралашып жүрүп, кийин азыркы "Азия Микс" командасынын капитаны Элдияр Кененсаров жана дагы бир КВНчи Василий Куценко үчөө Россиянын телеканалдарында эмгектенишкен. Алар СТС каналындагы "6 кадров", "Даешь молодежь" берүүлөрүн даярдап, "Кухня" сериалынын сценарийин жазып жүрүп, кыргызстандык Айнуранын образынын пайда болушуна себепкер болгон.

Илзат Ахметов

Футбол. РПЛ. Матч ЦСКА - Зенит
© Sputnik / Алексей Филиппов
Футбол дүйнөсүнүн белгилүү оюнчусу, Россиянын курама командасында ойногон Илзат Ахметов Бишкекте төрөлгөн.

Илзат Ахметов Бишкекте төрөлүп, "Алга" футбол командасында тарбияланган. Учурда москвалык ЦСКА командасы менен келишим түзүп, Россиянын футбол боюнча курамасына кошулган.

Ахметов Россиянын улуттук "Биринчи бештик" сыйлыгынын лауреаты жана УЕФАнын рейтинги боюнча келечеги кең 50 оюнчунун тобуна кирет.

Михаил Швыдкой

Художественный руководитель Московского театра мюзикла Михаил Швыдкой
© Sputnik / Евгений Одиноков
Россиянын президентинин эл аралык маданий кызматташтык боюнча атайын өкүлү Михаил Швыдкой Кант шаарында төрөлгөн

Россиянын президентинин эл аралык маданий кызматташтык боюнча атайын өкүлү, медиаменеджер, коомдук жана маданий ишмер Михаил Швыдкой Кант шаарында төрөлгөн. Ал иш сапары менен Кыргызстанга келип турат.

Татьяна Колпакова

Олимпийская чемпиона по прыжкам в длину Татьяна Колпакова
© Пресс-служба президента КР / Султан Досалиев
Аламүдүндүк Татьяна Колпакова Москва Олимпиадасында Кыргызстанга алтын алып берген

Аламүдүндүк Татьяна Колпакова Москва Олимпиадасында Кыргызстанга алтын алып келип берген. Ал 90-жылдары Бишкекте машыктыруучу болуп иштеген. Бир топ жылдан бери Колпакова Россияда турат, бирок туулган жерин, Кыргызстанды эстен чыгарбайт. Былтыр Бишкекке келгенинде өлкө президенти Сооронбай Жээнбеков менен кезиккен.

Геннадий Онищенко

© Sputnik / Владимир Федоренко
Роспотребнадзордун мурдагы жетекчиси Геннадий Онищенко Оштун Чаңгыр-Таш айылынан болот

Россиянын Илимдер академиясынын академиги, Мамдуманын депутаты, Роспотребнадзордун (Россиядагы керектөөчүлөрдүн укугун коргоо жана адамдын бакубатчылыгы боюнча федералдык кызмат) мурдагы жетекчиси Геннадий Онищенко да жердешибиз экенин билгендер аз чыгар. Ал 1950-жылы 21-октябрда Ош облусунун Чаңгыр-Таш айылында туулган.

Талант Дүйшөбаев

Тренер сборной Польши Талант Дуйшебаев во время матча по гандболу среди мужчин за бронзовые медали на матче Польша - Германия на Олимпийских играх 2016 года в Рио. 21 августа 2016 года
© AFP 2021 / JAVIER SORIANO
Испаниянын гандбол боюнча кесипкөй машыктыруучусу, олимпиада чемпиону Талант Дүйшөбаев да фрунзелик экенин эстей жүрөлү

Испаниянын гандбол боюнча кесипкөй машыктыруучусу, олимпиада чемпиону Талант Дүйшөбаев да фрунзелик экенин эстей жүрөлү. Ал 2000-жылы эл аралык федерациянын версиясы боюнча ХХ кылымдагы эң мыкты гандбол оюнчуларынын бири деп таанылган.

Юлия Ахмедова

Посмотреть эту публикацию в Instagram

Публикация от Ахмедова Юлия (@yakhmedova)

Сатиралык жанрдагы россиялык актриса, КВН командасынын продюсери, Stand Up шоусунун мурдагы катышуучусу Юлия Ахмедова Бишкектин четинде жайгашкан Кант шаарынан. Маектеринде да балалыгы Кыргызстанда өткөнүн айтканды унутпайт.

Андрей Курнявка

Посмотреть эту публикацию в Instagram

Публикация от Курнявка Андрей Петрович (@kurnyavka_a_p)

Бокс боюнча Евпопанын, дүйнөнүн чемпиону, СССРдин спорт чебери Андрей Курнявка да фрунзелик. Кийин Россиянын жарандыгын алган. Ал рингде 350 беттеш өткөрүп, анын 150сүн нокаут менен жеңген.

Салижан Шарипов

Кыргызстанский и российский космонавт, Герой Кыргызской Республики, Герой Российской Федерации Салижан Шарипов. Архивное фото
© AFP 2021 / TONY RANZE
Кыргызстан менен Россиянын баатыры наамын алган космонавт Салижан Шарипов Өзгөн районунда төрөлгөн

Кыргызстан менен Россиянын баатыры наамын алган Салижан Шариповду укканда дароо көзүбүзгө космонавт элестейт. Кыргыздын алгачкы космонавты Ош облусунун Өзгөн районунда 1964-жылы 24-августта төрөлгөн.

Дмитрий Бивол

Боксерский бой Дмитрия Бивола и Айзека Чилембу
© AP Photo / Mel Evans
Профессионалдык бокстун WBA версиясы боюнча дүйнөнүн чемпиону Токмоктон болот

Профессионалдык бокстун WBA версиясы боюнча дүйнөнүн чемпиону, Россиядагы жана Америкадагы беделдүү турнирлердин жеңүүчүсү Дмитрий Бивол Токмоктон болот. 2017-жылы Биволду ошол кездеги премьер-министр Сапар Исаков кабыл алган.

Азиз Бейшеналиев

Актер Азиз Бейшеналиев во время фотосессии
© Фото / Илья Назаренко
Айтылуу актер Болот Бейшеналиевдин уулу Азиз атасынын жолун жолдоп, Россияда жана Казакстанда карьерасын улантууда

Айтылуу актер Болот Бейшеналиевдин уулу Азиз атасынын жолун жолдогон. Анын аты Кыргызстанда, Өзбекстанда, Россияда жана Казакстанда өзгөчө таанымал. Анткен менен ушул тапта Россиянын кино тармагында өз ордун таап, "Лектор", "Дом на Озерной", "Дворик", "Судьба на выбор", "Снайперы: Любовь под прицелом" сыяктуу тасмаларга тартылган. Актер 2015-жылы өзүн режиссер катары сынап көрүү максатында Москвадан Алматы шаарына көчүп кеткен.

Юрий Мельниченко

Заслуженный мастер спорта и заслуженный тренер Казахстана Юрий Мельниченко. Двукратным чемпионом Азии (1996 и 1997) и дважды чемпионом мира (1994 и 1997)
© AP Photo / MICHEL PROBST
Жалал-Абаддык балбан Юрий Мельниченкон өлкөдө ага колдоо жок болгондуктан Казакстандын туусун көтөрүп, Олимпиада оюндарынан алтын алып берген

Жалал-Абад шаарында туулган Юрий Мельниченконун ысымы 1990-жылы эл аралык аренада "дүңк" эле дей түшкөн. Ал жаштар арасына дүйнө чемпиону аталып, Венгрияда, Израилде, Францияда өткөн эл аралык мелдештерде байге алып келген. Бирок өлкөдө ага колдоо жок болгондуктан Казакстандын туусун көтөрүп, олимпиада оюндарынан алтын алып берген.

Василий Куценко

Сценарист сериала Кухня Василий Куценко.
Sputnik
Россиянын КВН оюнчусу, сценарист Василий Куценко таластык жигиттердин бири

Россиянын КВН оюнчусу, "Кухня" аттуу белгилүү сериалдын авторлорунун бири, көркөм фильмдердин сценарийлеринин автору Василий Куценко таластык жигиттердин бири.

169
Белгилер:
Фрунзе, Россия, Кыргызстан
Тема боюнча
Өзгө жердин өнөр дүйнөсүн багынткан кыргызстандыктар
Германияда илимдин доктору болгон Аксана: патриархалдык коомду аялдар кармап турат
Депутат, мэр, миллиардер... Борбор Азия ажолорунун уул-кыздары эмне иш кылат
Ирландиянын UFC мушкери Конор Макгрегор. Архивдик сүрөт

Макгрегордун үстүнөн зордуктоо боюнча миллиондогон долларлык эки арыз түштү

120
(жаңыланган 10:55 20.01.2021)
Жабырлануучу делген кыз бир нече миллион евролук доо койгон. Ал эми анын энеси азыраак суммада дагы бир арыз жазган.

БИШКЕК, 20-янв. — Sputnik. Ирландиянын Жогорку соту UFC мушкери Конор Макгрегорго байланышкан эки арызды каттады. Бул тууралуу Р-Спорт жазды.

Арыздын чоо-жайы тууралуу азырынча кенен айтыла элек. Деген менен кайрылуулар спортчунун 2018-жылдагы зордуктоого айыпталган окуясына байланыштуу экени белгиленет. Жабырлануучу делген кыз бир нече миллион евролук доо коюп, сотко кайрылган. Ал эми анын энеси азыраак суммада дагы бир арыз жазган.

Өз кезегинде Макгрегордун өкүлү Карен Кесслер бул иш мушкердин катышуусу менен толук иликтенгенин белгилеп, тергөөдөн кийин мушкерге тагылган айыптар алып салынганын айтууда.

"Доо койгондор өз арызында келтирилген жүйөлөргө карама-каршы келген фактыларды билишет. Макгрегор ар кандай дооматтарды сот аркылуу чечет. Ал адилеттик жеңерине ишенет", — деди Кесслер.

Белгилеп кетсек, 24-январда ирландиялык мушкер промоушендеги кезектеги беттешине чыгат. Конор Макгрегор менен америкалык Дастин Порьенин кармашы Абу-Дабидеги "Мушкерлер аралы" спорттук жайында өтүүчү UFC 257 мелдешинин башкы таймашы болот.

120
Белгилер:
доо арыз, сот, кылмыш, зордуктоо, Конор Макгрегор, UFC
Тема боюнча
UFC Макгрегор менен Нурмагомедовдун беттештерин бир күндө өткөрүүдөн баш тартты
Футболчу Серхио Рамос мушкер Конор Макгрегорго чакырык таштады. Видео
Москванын көчөлөрүнүн биринде маскачан жүргөн киши. Архивдик сүрөт

РФте жүргөн мигранттар 15-мартка чейин документтерин иретке келтириши керек

0
(жаңыланган 18:25 20.01.2021)
Эгер Россияда туруктуу же убактылуу жүргөн кыргыз жарандары коюлган талаптарды аткарбаса, өлкөдөн чыгарылып, кайра кирүүгө тыюу салынмакчы.

БИШКЕК, 20-янв. — Sputnik. Кыргызстандын Россияда иштеп жүргөн жарандары ушул жылдын 15-мартына чейин документтерге байланыштуу иштерин бүтүрүп алышы керек. Бул тууралуу Кыргызстандын РФтеги элчилигинен билдиришти.

Маалыматка караганда, Россия президенти "COVID-19 инфекциясынын андан ары жайылуу коркунучуна байланыштуу чет өлкөлүк жарандардын укуктук абалын жөнгө салуу боюнча убактылуу чараларды узартуу жөнүндө" жарлыкка кол койгон. Документтеги талаптарга ылайык, төмөнкүлөрдү аткаруусу зарыл:

  • ID-card же жалпы жарандык паспортту жарактуу мөөнөтү бүткөн соң өз убагында алмаштыруу;
  • Россиянын аймагында жүрүү үчүн документтерин (убактылуу жашоого уруксат, мөөнөтү бүткөндүгү тууралуу белгиси менен миграциялык карта, каттоосу) Россиянын мыйзамдарына ылайык калыбына келтирүү;
  • зарыл болгон учурда жумуш берүүчүлөр менен эмгек келишимдерин жана контрактыларын узартуу;
  • административдик укуктарды бузгандыгы үчүн салынган айыптарын жоюу;
  • Россиянын аймагынан өз эрки менен чыгып кетүү (эгер мурда өлкөдөн чыгаруу боюнча чечим кабыл алынган болсо).

Эгер Россияда туруктуу же убактылуу жүргөн кыргыз жарандары жогорудагы талаптарды аткарбаса, өлкөдөн чыгарылып, кайра кирүүгө тыюу салынмакчы.

0
Белгилер:
документ, мыйзам, талап, Кыргызстан, Россия
Тема боюнча
Россия Кыргызстанга кезектеги гумжардамын жөнөттү
Путин мигранттарды курулушка жумушка алуу тартибин жеңилдетүүнү тапшырды
Россиянын курулуш компаниялары мигранттарга муктаж болууда