Дзюдочу Юрий Краковецкий. Архивдик сүрөт

Дзюдочу Юрий Краковецкий Дохадагы рейтингдик мелдешке аттанат

58
(жаңыланган 16:56 06.01.2021)
Кыргызстандык балбан 100 килограммдан жогору салмактагылар менен күч сынашат. Спортчуну машыктыруучу Сергей Мистрюков коштоп барат.

БИШКЕК, 6-янв. — Sputnik. Кыргызстандык дзюдо күрөшүнүн чебери Юрий Краковецкий Доха (Катар) шаарында өтүүчү Doha Masters эл аралык рейтингдик мелдешине катышат. Бул тууралуу Жаштар иши, дене тарбия жана спорт агенттигинин маалымат кызматы билдирди.

Мелдеш 11-13-январь күндөрү болот. Краковецкий спорттун олимпиадалык түрлөрү боюнча дирекциясынын негизги республикалык жана эл аралык мелдештердин календарлык планына ылайык жиберилүүдө.

Кыргызстандык балбан 100 килограммдан жогору салмактагылар менен күч сынашат. Спортчуну машыктыруучусу Сергей Мистрюков коштоп барат.

Алар Спорттун олимпиадалык түрлөрү боюнча дирекциянын эсебинен жөнөтүлүп жатат.

58
Белгилер:
мелдеш, дзюдо, Юрий Краковецкий
Тема боюнча
Салык отчётторун милдеттүү түрдө электрондук форматка өткөрүү мөөнөтү жылды
Тыныбекова Дүйнө кубогундагы мыкты спортчу деп таанылды. Видео

Жети жашар сноубордчу кыз лыжа трассаларын багындырган видео

45
Өспүрүм сноубордчу Василиса Ермакованы Россиянын экстремалдык спортунун келечектеги жылдызы деп аташат. Ал бийиктиктен коркпостон сноуборд менен секирүүнүн ар кыл түрүн жасай алат.

Анын ийгилигине чоңдор да суктанышат. Василиса болгону жети жашка чыкса да сноуборд боюнча көптөгөн мелдештерде жеңүүчү болуп, алтын медалдарды тагынган. Канчалаган чакырымдык тоо лыжа трассаларын багындырып, Россияда үч рекорд койгон. 

Посмотреть эту публикацию в Instagram

Публикация от Vasilisa Ermakova (@vasilisa_board)

Өспүрүм спортчу кыз алгачкы ирет үч жашында сноуборддун тактайына бут койгон. Ошондон бери ал аталган спортто албан ийгиликтерди жаратып келет.

45
Белгилер:
өспүрүм, рекорд, сноуборд, Россия
Тема боюнча
Канадалык жети жашар кыз 80 килограммдык штанга көтөрүп таң калтырды. Видео

Макгрегор нокаут болгондо. UFC мелдешинин бүйүр кызыткан видеолору

244
(жаңыланган 13:01 25.01.2021)
Кечээ Абу-Дабиде UFC 257 мелдеши жыйынтыкталды. Ал промоушендин 2021-жылдагы алгачкы чоң окуяларынан болду.

Бир учурда эки дивизиондун чемпиону болгон Конор Макгрегор менен Дастин Порьенин реванш беттеши мелдештин эң башкы кармашы болду. Жеңил салмакта Майкл Ченлер менен Дэн Хукердин кармашы да көрүүчүлөргө өзүнчө кызык тартуулады.

Порье беттештин экинчи раундунда атаандашы Макгрегорду нокаутка сулатып, мөөнөтүнөн мурда утту. Бул ирландиялык мушкердин ММА спортундагы карьерасында биринчи бүк түшүүсү болду. 

Турнирде Bellator уюмунун экс-чемпиону Майкл Чендлердин бет ачар таймашы ийгиликтүү аяктады. Ал экинчи башкы беттеш деп саналган кармашта Дэн Хукерди биринчи эле раундда нокаутка кетирип утуп алды.

Мелдеште кошуна Казакстан, Өзбекстандын мушкерлери да күч сынашты. Өзбекстандык Махмуд Мурадов америкалык Эндрю Санчез менен кез келип, үчүнчү раундда нокаутка түшүрдү. Мындай ийгилиги үчүн ал промоушенден 50 миң долларлык бонуска ээ болду. Казакстандык Жалгас Жумагулов ирактык Амир Альбази менен үч раунд кармашкан. Жыйынтыгында калыстардын чечими менен жеңиш ирактык спортчуга ыйгарылды.

Россиялык мушкер Арман Царукян америкалык Мэтт Фревол менен таймашып, калыстардын бир добуштан берген чечими менен утуп алды.

Баштапкы карддын алкагында октагонго дагы бир россиялык атлет Мовсар Евлоев чыгып, америкалык Ник Ленц менен кармашты. Үч раунддун жыйынтыгында калыстардын чечими менен жеңүүчү деп табылды.

244
Белгилер:
нокаут, Конор Макгрегор, мелдеш, UFC, Абу-Даби
Тема боюнча
UFC уюмунда өзбекстандык мушкер кубаттуу муштуму менен атаандашын "бийлетти". Видео
UFC: Хабиб Нурмагомедовдун иниси алгачкы беттешинде атаандашын утуп алды. Видео
Кишенделген аял. Архив

Эркек кишини интимдик видео менен шантаж кылган аял кармалды. Бишкектеги окуя

0
Арыз ээсинин айтымында, белгисиз аял андан 30 миң сом өлчөмүндө акча талап кылып, бербесең интимдик мүнөздөгү видеолорду туугандарыңа жиберем деп коркуткан.

БИШКЕК, 26-янв. — Sputnik. Бишкек шаарынын тургунун интимдик видео менен шантаж кылып акча талап кылган аял кармалды. Бул тууралуу Бишкек ШИИБдин маалымат кызматы билдирди.

Билдирүүдө айтылгандай, 11-январда Ленин райондук милициясына М.М. аттуу жаран арыз менен кайрылган. Арызда белгисиз аял "туугандарыңа интимдик видеону көрсөтөм" деп 30 миң сом талап кылып жатканын айтып, ага чара көрүүнү суранган.

Ыкчам-тергөө иштеринин жүрүшүндө шектүү катары 36 жаштагы аял 15 миң сом өлчөмүндө акча алып жаткан учурда кармалган.

Бул факт боюнча Кылмыш-жаза кодексинин 203-беренеси ("Пара талап кылуу") менен тергөө амалдары башталган.

0
Белгилер:
опузалап акча талап кылуу, алдамчылык, шантаж, коркутуу
Тема боюнча
700 миң сомдун дайны жок. Оштогу "Достук" бажы бекетинин тескөөчүсү кармалды