Бойцы UFC Конор МакГрегор (слева) бьет Дастина Пуарье ногой во время их боя в Лас-Вегасе. 27 сентября 2014 года

Макгрегор менен Порье кармаша турчу UFC мелдешине көрүүчүлөр киргизилет

125
(жаңыланган 15:08 09.01.2021)
Чоң спорт акырындап өз ордуна келип жатат. Абу-Дабиде UFC мушкерлери ар тараптуу колдогон көрүүчүлөрдүн көз алдында кармашат.

БИШКЕК, 9-янв. — Sputnik. UFC уюмунун январь айында Абу-Дабинин "Мушкерлер аралы" спорттук жайындагы мелдешине күйөрмандар киргизилет. Бул тууралуу Eurosport маалымат булагы жазып чыкты.

Эң арзан билет 535 дирхам (10 миң сомдон ашык), ал эми эң кымбаты 4 495 дирхамга (90 миң сомдон ашык) туура келет. Күйөрмандарга коронавирус пандемиясына байланыштуу бир катар талаптар коюлган. Ар бир көрүүчүнүн жанында 48 саат мурда тапшырган ПЦР-тесттин анализи болушу керек.

"Мушкерлер аралындагы" мелдештер 16, 20 жана 23-январда өтөт. Акыркы турнирде ирландиялык Конор Макгрегор менен америкалык Дастин Порьенин беттеши болот. Ошол эле турнирде Хабиб Нумагомедовдун тууганы таймашат.

125
Белгилер:
баа, билет, мелдеш, UFC
Тема боюнча
UFC Макгрегор менен Порьенин беттешине карата проморолик жарыялады
Эстеп көрөлү. Макгрегор менен Порьенин алгачкы беттешинин видеосу жарыяланды
Футболчу оюн учурунда. Архив

Азия кубогунда алгачкы голду киргизген футболчу "Алай" клубуна алынды

29
(жаңыланган 09:49 19.01.2021)
26 жаштагы жарым коргоочу менен оштук команданын ортосундагы келишим бир жылдык мөөнөткө түзүлгөнү айтылат.

БИШКЕК, 19-янв. — Sputnik. Оштун "Алай" футбол клубу Кыргызстандын улуттук командасынын жарым коргоочусу Ахлидин Исраиловду курамына алды. Бул тууралуу команданын социалдык тармактардагы баракчасына жарыяланды.

Маалыматка ылайык, 26 жаштагы футболчу менен команданын ортосундагы келишим бир жылдык мөөнөткө түзүлгөн.

Исраилов тарыхта Азия кубогу мелдешинде Кыргызстан улуттук командасынан алгачкы гол киргизген футболчу болуп саналат. 2019-жылы Бириккен Араб Эмирлигинде өткөн континенттик мелдештин тайпалык этабынын биринчи оюнунда ал Кытай командасынын дарбазасына гол киргизип, эсепти ачкан.

Улуттук команданын жарым коргоочусу карьерасында Украинанын "Динамо Киев", "Динамо Киев 2" жана "Днепр Черкасс" командаларында ойногон. Мындан сырткары, Индиянын NEROCA, Индонезиянын PSIS Semarang клубдарынын намысын коргогон.

29
Белгилер:
келишим, трансфер, ФК Алай, футбол
Тема боюнча
Түркиялык команда "көрүнбөгөн" атаандаш менен футбол ойноду. Сүрөттөр
Футбол академиясынын түзүүчүсү: боосун байлай албаган балдар да келип тыңып кетет
Эркин күрөш боюнча мелдеш. Архив

Эркин күрөш. Өлкө биринчилигинде КРдин курама командасы аныкталат

64
Өлкө чемпионатынын жыйынтыгы менен Кыргызстандын улуттук командасы аныкталат. Мыктылардын баары катышары айтылууда.

БИШКЕК, 18-янв. — Sputnik. 29-30-январда Бишкекте эркин күрөш боюнча Кыргызстандын ачык чемпионаты өтөт. Бул тууралуу өлкөнүн Спорттук күрөш федерациясынын вице-президенти Мелис Турганбаев Sputnik Кыргызстан агенттигине билдирди.

Анын айтымында, мелдештин жыйынтыгы менен улуттук курама команда аныкталат.

"Баары катышат. Өлкө чемпионатынын жыйынтыгы менен Кыргызстандын улуттук командасын аныктайбыз. Ошондуктан мыктылардын баары катышышы зарыл. Өткөн жылы дүйнөлүк аренада күрөшүп келген айрым балбандар мелдештен боштулган болчу, быйыл машыктыруучулардан мындай билдирүү бизге келе элек", — деген ал.

Эскерте кетсек, Кыргызстандын эркин күрөш боюнча курама командасынын мүчөлөрү учурда Бишкекте окуу-машыгуу өткөрүп жатышат. 11-январда башталган иш чара 29-январга чейин уланат.

64
Белгилер:
курама команда, Мелис Турганбаев, чемпионат, эркин күрөш
Тема боюнча
Жоламан Шаршенбековдой эч качан багынбаш керек! UWW балбан тууралуу ролик даярдады
Нуска китеп борборунун жетекчиси Анаркан Садыкулова

Садыкулова: кандай китеп окуурун билбеген жаштар көбөйдү

0
"Нуска" китеп борборунун жетекчиси Анаркан Садыкулова учурда жаштар арасында кандай темадагы китеп окуурун билбеген, жашоодогу багытын издегендер көбөйгөнүн айтты.
Садыкулова: кандай китеп окуурун билбеген жаштар көбөйдү

Эмне жөнүндө китеп окуй турганыңды жан дүйнөң менен сезип, билип турушуң керек. Бул абдан маанилүү. Мындай пикирин Анаркан Садыкулова Sputnik Кыргызстан радиосунун эфиринде маек куруп жатып билдирди.

Анын айтымында, китеп окуган адамдын акылы тунук, даражасы бийик, ой-чабыты кенен болот.

"Акыркы 30 жылды алсак, китептен такыр алыстагандар бар. Жаштар эле эмес улуу муундагы адамдар деле эмне окуурун билбейт. Мисалы, дүкөнгө кирип кандай темадагы чыгарма издеп жатканын билишпейт. Азыркы жашоо көбүнесе акчага байланып калды", — деди Садыкулова.

Ошондой эле жетекчи китеп окуу маданиятын калыптандыруу керектигин кошумчалады.

0
Белгилер:
бизнес, жаштар, билим, китеп, нускама
Тема боюнча
Министр: китептерде ката кетпеши үчүн "Окуу китеби" борбору ачылды