UFC чемпиону, кыргызстандык мушкер Валентина Шевченко. Архив

Валентина Шевченко үч дүйнөлүк рейтингде жылдын мушкери деп табылды

174
2020-жылы Шевченко бутунан операция болгонуна карабай чемпиондук наамын эки ирет ийгиликтүү коргогон. Дүйнөлүк басылмалар анын таймашын UFC уюмундагы мушкер кыздардын арасынан мыкты деп баалашкан.

БИШКЕК, 11-янв. — Sputnik. UFC чемпиону, кыргызстандык мушкер Валентина Шевченко 2020-жылдын жыйынтыгы менен дүйнөлүк бир канча ири басылмалар тарабынан мыкты мушкер деп табылды.

Спортчу Helwani Nose Awards сыйлыгында "жылдын мушкери" деп аталды.

Рейтингди ESPN телеканалында иштеген абройлуу ММА журналисттердин бири Ариэль Хельвани түзгөн.

"Чынын айтканда, бир мушкерди өзүнчө бөлүп көрсөтүү кыйынга турду, анткени көпчүлүктүн арасынан эч ким мынчалык айырмалана алган жок. Натыйжада алты айлап тизесинде жаракаты болгонуна карабай чемпиондук наамын эки жолу коргогон Шевченко тандалды", — деген америкалык журналист.
Посмотреть эту публикацию в Instagram

Публикация от Valentina Shevchenko (@bulletvalentina)

Ал арада "Чемпионат" спорттук сайты UFC Russia менен биргеликте 2020-жылдын мыктыларын тандоо боюнча сурамжылоо жүргүзгөн.

Кыргызстандык чемпион "2020-жылдын мыкты мушкер айымы" наамына көрсөтүлгөн. Талапкерлердин катарында учурда эки дивизиондун чемпиондугун ээлеп турган Аманда Нуньес, бразилиялык Аманда Рибас жана Маккензи Дерн, ошондой эле китайлык Вэйли Жанг бар.

Сурамжылоого катышкандардын 65 пайызы Шевченкону колдоп добуш беришкен. Сурамжылоо 24-декабрдан 9-январга чейин жүргөн. ufc.championat.com

Посмотреть эту публикацию в Instagram

Публикация от UFC Russia (@ufcrussia)

Мындан сырткары, көз карандысыз Women"s MMA Rankings басылмасы да UFC уюмунун жеңил салмактагы кыргызстандык чемпионун жылдын мушкери деп атаган.

​Валентина Шевченко жеңил салмактагы чемпиондук наамын төрт ирет коргоого жетишти. Акыркы жолу ал бразилиялык Женнифер Майя менен промоушендин ноябрда Лас-Вегаста өткөргөн мелдешинде кармашып, жеңип чыккан. Беттеш толук беш раундга созулуп, калыстардын бир добуштан берген чечими менен кыргызстандык мушкер жеңүүчү деп табылган.

174
Белгилер:
рейтинг, мушкер, мыкты, жыл жыйынтыгы, Валентина Шевченко, UFC
Тема боюнча
UFC жеңишин өзгөчө майрамдаган мушкерлерди атап, тизмеге Шевченкону кошту
UFC мушкер аялдарга жаңы дивизион кошкону жатат
UFC 2020-жылдагы эң мыкты беттештердин бүйүр кызыткан видеосун жарыялады

Жети жашар сноубордчу кыз лыжа трассаларын багындырган видео

73
Өспүрүм сноубордчу Василиса Ермакованы Россиянын экстремалдык спортунун келечектеги жылдызы деп аташат. Ал бийиктиктен коркпостон сноуборд менен секирүүнүн ар кыл түрүн жасай алат.

Анын ийгилигине чоңдор да суктанышат. Василиса болгону жети жашка чыкса да сноуборд боюнча көптөгөн мелдештерде жеңүүчү болуп, алтын медалдарды тагынган. Канчалаган чакырымдык тоо лыжа трассаларын багындырып, Россияда үч рекорд койгон. 

Посмотреть эту публикацию в Instagram

Публикация от Vasilisa Ermakova (@vasilisa_board)

Өспүрүм спортчу кыз алгачкы ирет үч жашында сноуборддун тактайына бут койгон. Ошондон бери ал аталган спортто албан ийгиликтерди жаратып келет.

73
Белгилер:
өспүрүм, рекорд, сноуборд, Россия
Тема боюнча
Канадалык жети жашар кыз 80 килограммдык штанга көтөрүп таң калтырды. Видео

Макгрегор нокаут болгондо. UFC мелдешинин бүйүр кызыткан видеолору

258
(жаңыланган 13:01 25.01.2021)
Кечээ Абу-Дабиде UFC 257 мелдеши жыйынтыкталды. Ал промоушендин 2021-жылдагы алгачкы чоң окуяларынан болду.

Бир учурда эки дивизиондун чемпиону болгон Конор Макгрегор менен Дастин Порьенин реванш беттеши мелдештин эң башкы кармашы болду. Жеңил салмакта Майкл Ченлер менен Дэн Хукердин кармашы да көрүүчүлөргө өзүнчө кызык тартуулады.

Порье беттештин экинчи раундунда атаандашы Макгрегорду нокаутка сулатып, мөөнөтүнөн мурда утту. Бул ирландиялык мушкердин ММА спортундагы карьерасында биринчи бүк түшүүсү болду. 

Турнирде Bellator уюмунун экс-чемпиону Майкл Чендлердин бет ачар таймашы ийгиликтүү аяктады. Ал экинчи башкы беттеш деп саналган кармашта Дэн Хукерди биринчи эле раундда нокаутка кетирип утуп алды.

Мелдеште кошуна Казакстан, Өзбекстандын мушкерлери да күч сынашты. Өзбекстандык Махмуд Мурадов америкалык Эндрю Санчез менен кез келип, үчүнчү раундда нокаутка түшүрдү. Мындай ийгилиги үчүн ал промоушенден 50 миң долларлык бонуска ээ болду. Казакстандык Жалгас Жумагулов ирактык Амир Альбази менен үч раунд кармашкан. Жыйынтыгында калыстардын чечими менен жеңиш ирактык спортчуга ыйгарылды.

Россиялык мушкер Арман Царукян америкалык Мэтт Фревол менен таймашып, калыстардын бир добуштан берген чечими менен утуп алды.

Баштапкы карддын алкагында октагонго дагы бир россиялык атлет Мовсар Евлоев чыгып, америкалык Ник Ленц менен кармашты. Үч раунддун жыйынтыгында калыстардын чечими менен жеңүүчү деп табылды.

258
Белгилер:
нокаут, Конор Макгрегор, мелдеш, UFC, Абу-Даби
Тема боюнча
UFC уюмунда өзбекстандык мушкер кубаттуу муштуму менен атаандашын "бийлетти". Видео
UFC: Хабиб Нурмагомедовдун иниси алгачкы беттешинде атаандашын утуп алды. Видео
Абактын эшигин ачып жаткан кызматкер. Архив

Коррупцияга айыпталган мурдагы жетекчи 11 млн. сом төлөп үй камагына чыкты

0
(жаңыланган 11:53 26.01.2021)
Мамлекеттик ишкананын мурунку жетекчилиги жана жооптуу адамдары жеке ишканалар менен сүйлөшүп алып коррупциялык схема түзгөнү үчүн кармалган.

БИШКЕК, 26-янв. — Sputnik. Коррупцияга шектелип кармалган "Кыргыз темир жолу" ишканасынын Түштүк бөлүмүнүн мурдагы башчысы мамлекетке келтирилген чыгымды төлөп берип, үй камагына чыкты. Бул тууралуу УКМКнын маалымат кызматы кабарлады.

Бажы кызматкери. Архив
© Фото / пресс-служба правительства / Алишер Алиев
Билдирүүдө айтылгандай, тергөө учурунда мекеменин мурдагы жетекчиси Ю.Б.К. коюлган айыпты толугу менен мойнуна алып, мамлекетке келтирген 11 миллион 700 миң сом өлчөмүндө зыянды төлөп берген.

Мындан улам анын баш коргоо чарасы үй камагына өзгөргөнү айтылат.

Белгилей кетсек, Ю.Б.К. жооптуу адамдар менен биргеликте чарбакер субъектилердин катышуусу менен мамлекеттик сатып алууларды жогорулатылган баада жүргүзгөн туруктуу схеманы түзүп алышканы үчүн 14-декабрда кармалган.

0
Белгилер:
Кыргыз темир жолу, шектүү, коррупция
Тема боюнча
"Кыргыз темир жолунан" 250 миң доллар опузалап алган. УКМК шектүүлөрдү кармады