Дүйнө чемпионатына тандоо: Мьянма – Кыргызстан беттешинин өтүүчү күнү айтылды
(жаңыланган 12:19 11.01.2021)
Аталган беттеш улуттук курама команда үчүн пандемиядагы тыныгуудан кийинки алгачкы оюну болот. Кыргызстан өткөн жылы оюн өткөргөн эмес.БИШКЕК, 11-янв. — Sputnik. 2022-жылы Катар өлкөсүндө өтүүчү Футбол боюнча дүйнө чемпионатына тандоо этабынын алкагында Мьянма - Кыргызстан курама командаларынын беттеши 30-мартта Мандалай шаарында өтөт. Бул тууралуу өлкөнүн Футболдук союзунун маалымат кызматы билдирди.
Аталган беттеш улуттук курама команданын пандемиядагы тыныгуудан кийинки алгачкы оюну болот.
"Беттеш Mandalar Thir стадионунда өтөт. Оюн жергиликтүү убакыт боюнча 18:00дө (Бишкек убактысы менен 17:30) башталат", — деп айтылат маалыматта.
Азия футбол конфедерациясы (АФК) тандап алуу оюндары өз убактысында жыйынтыкталбай калса, оюндар "өз үйүндө – конокто" системасы боюнча же борборлоштуруп өткөрүлө тургандыгын маалымдады.
Мурдагы график боюнча Кыргызстан командасынын тандап алуу турдагы оюндары марттан июнь айына чейин өтүшү керек эле, бирок коронавирус пандемиясынан улам жылдырылган.
Улуттук команда F тайпасында Япония, Тажикстан, Мьянма жана Монголия менен жолдомо талашууда. Кыргызстан учурда тайпада экинчи орунда келе жатат.
Коронавирус пандемиясына байланыштуу улуттук команда өткөн жылы оюн өткөргөн жок. Эл аралык футбол федерациясы (FIFA) 2020-жылы чыгарган рейтингинде Кыргызстан 96-орунга жайгашты.
Жети жашар сноубордчу кыз лыжа трассаларын багындырган видео
Анын ийгилигине чоңдор да суктанышат. Василиса болгону жети жашка чыкса да сноуборд боюнча көптөгөн мелдештерде жеңүүчү болуп, алтын медалдарды тагынган. Канчалаган чакырымдык тоо лыжа трассаларын багындырып, Россияда үч рекорд койгон.
Посмотреть эту публикацию в Instagram
Өспүрүм спортчу кыз алгачкы ирет үч жашында сноуборддун тактайына бут койгон. Ошондон бери ал аталган спортто албан ийгиликтерди жаратып келет.
Белгилер:
Макгрегор нокаут болгондо. UFC мелдешинин бүйүр кызыткан видеолору
(жаңыланган 13:01 25.01.2021)
Кечээ Абу-Дабиде UFC 257 мелдеши жыйынтыкталды. Ал промоушендин 2021-жылдагы алгачкы чоң окуяларынан болду.Бир учурда эки дивизиондун чемпиону болгон Конор Макгрегор менен Дастин Порьенин реванш беттеши мелдештин эң башкы кармашы болду. Жеңил салмакта Майкл Ченлер менен Дэн Хукердин кармашы да көрүүчүлөргө өзүнчө кызык тартуулады.
Порье беттештин экинчи раундунда атаандашы Макгрегорду нокаутка сулатып, мөөнөтүнөн мурда утту. Бул ирландиялык мушкердин ММА спортундагы карьерасында биринчи бүк түшүүсү болду.
Турнирде Bellator уюмунун экс-чемпиону Майкл Чендлердин бет ачар таймашы ийгиликтүү аяктады. Ал экинчи башкы беттеш деп саналган кармашта Дэн Хукерди биринчи эле раундда нокаутка кетирип утуп алды.
©
Sputnik / Виталий Тимкив
Россиялык мушкер Арман Царукян америкалык Мэтт Фревол менен таймашып, калыстардын бир добуштан берген чечими менен утуп алды.
Баштапкы карддын алкагында октагонго дагы бир россиялык атлет Мовсар Евлоев чыгып, америкалык Ник Ленц менен кармашты. Үч раунддун жыйынтыгында калыстардын чечими менен жеңүүчү деп табылды.
Эркек кишини интимдик видео менен шантаж кылган аял кармалды. Бишкектеги окуя
БИШКЕК, 26-янв. — Sputnik. Бишкек шаарынын тургунун интимдик видео менен шантаж кылып акча талап кылган аял кармалды. Бул тууралуу Бишкек ШИИБдин маалымат кызматы билдирди.
©
Sputnik / Илья Питалев
Ыкчам-тергөө иштеринин жүрүшүндө шектүү катары 36 жаштагы аял 15 миң сом өлчөмүндө акча алып жаткан учурда кармалган.
Бул факт боюнча Кылмыш-жаза кодексинин 203-беренеси ("Пара талап кылуу") менен тергөө амалдары башталган.
Белгилер: