Былтыркыдан көп балбан катышты. Эркин күрөш боюнча КР чемпионаты аяктады
БИШКЕК, 31-янв. — Sputnik. Эркин күрөш боюнча 2021-жылдагы өлкө чемпионаты жыйынтыкталды. Бул тууралуу Sputnik Кыргызстан агенттигине мелдештин башкы катчысы Муктар Дуконалиев билдирди.
Анын айтымында, бул жылы өлкө биринчилигине катышкандардын саны былтыркыдан көп болду.
"Быйыл 10 салмакта жалпысынан 315 спортчу ат салышты. Анын ичинен 57, 61, 65 жана 74 килограмм салмакта күч сынашкандар көп болду. Ар биринде кеминде 40тай балбан атаандашты", — деген Дуконалиев.
Ал, ошондой эле, быйылкы жылы топ жарган сенсация болбогонун, тажрыйбалуу балбандар мыктылыгын көрсөткөнүн кошумчалады.
Турнир Бишкектеги Каба уулу Кожомкул атындагы спорт сарайында өтүп, эң оор салмактагы балбандардын кармашы менен жыйынтыкталган. Анын экинчи күнүндө 61, 70, 79, 92 жана 125 килограмм салмактагы спортчулар килемге чыгышып, жыйынтыгы төмөнкүчө болду:
61 килограмм:
- 1-орун: Улукбек Жолдошбеков;
- 2-орун: Икромжон Хаджимурадов;
- 3-орун: Тынчтык Абасбеков;
- 3-орун: Тайырбек Жумашбек уулу.
70 килограмм:
- 1-орун: Исламбек Орозбеков;
- 2-орун: Мансур Сыргак уулу;
- 3-орун: Куштарбек Абдыманап уулу;
- 3-орун: Атай Мамалиев.
79 килограмм:
- 1-орун: Саяк Усупов;
- 2-орун: Нарбек Изабеков;
- 3-орун: Бекжан Камчыбеков;
- 3-орун: Атай Изабеков.
92 килограмм:
- 1-орун: Дөөлөтбек Жамгырбек уулу;
- 2-орун: Чыңгыз Керимкулов;
- 3-орун: Муххаммед Али Умурзаков;
- 3-орун: Магомед Будунов.
125 килограмм:
- 1-орун: Музаффар Жаппуев;
- 2-орун: Бахтияр Мирлан уулу;
- 3-орун: Айбек Касманбетов;
- 3-орун: Арзуубек Карыбеков.
Белгилей кетсек, чемпионаттын жыйынтыгы менен эркин күрөш боюнча Кыргызстандын улуттук курама командасы куралат.
"Кыргызстандык Месси" Казакстанда керемет гол киргизди. Видео
(жаңыланган 19:08 03.03.2021)
Гүлжигит Алыкулов беттештин 90-мүнөтүндө командасы 2:3 эсебинде утулуп жатканда атаандашын буйтап өтүп, алыстан дарбазанын так бурчуна таамай тээп гол киргизген.БИШКЕК, 3-мар. — Sputnik. Кыргызстан курама командасынын жарым коргоочусу, Казакстандын "Кайрат" клубунун футболчусу Гүлжигит Алыкулов кезектеги кооз голу менен өзгөчөлөндү. "Кыргызстандык Месси" Казакстандын кубогу мелдешинде "Тобол" клубу менен беттеште киргизген голунун видеосун КРдин футбол союзу Instagram баракчасына чыгарды.
Посмотреть эту публикацию в Instagram
Алыкулов беттештин 90-мүнөтүндө командасы 2:3 эсебинде утулуп жатканда атаандашын буйтап өтүп, алыстан дарбазанын так бурчуна таамай тээп, керемет гол киргизген. Дарбазачы кыргызстандык футболчунун соккусуна эч кандай каршылык көрсөтө алган эмес.
Буга чейин ал командалашына ыңгайлуу голдук пас чыгарып берген.
Кыргыз-казак эли спорттун улуттук түрлөрүн, элдик оюндарды өнүктүрөт
БИШКЕК, 3-мар. — Sputnik. Кыргызстан менен Казакстан биргеликте улуттук спорттун түрлөрүн жана элдик оюндарды өнүктүрөт. Буга байланышкан макулдашууга президент Садыр Жапаровдун Казакстанга болгон мамлекеттик иш сапарынын алкагында кол коюлганын Жаштар иши, дене тарбия жана спорт агенттиги билдирди.
©
Sputnik / Табылды Кадырбеков
Кыргыз тараптан документке министр Кайрат Иманалиев кол койду.
Макулдашуу эки өлкөнүн тиешелүү министрликтеринин ортосундагы спорттун улуттук түрлөрүн жана элдик оюндарын өнүктүрүүдө кызматташууну бекемдөө максатында иштелип чыккан. Ага ылайык, эки өлкөнүн министрликтери төмөнкүлөр жөнүндө макулдашышты:
- улуттук спорттун түрлөрү боюнча эл аралык мелдештерди өткөрүү, ошондой эле Кыргызстандын жана Казакстандын улуттук спорттун түрлөрүн эл аралык аренага жайылтууда бири-биринин демилгелерин колдоо;
- спорттун улуттук түрлөрү боюнча федерациялар менен ассоциациялардын ортосундагы кызматташтыкты орнотууга, спорттогу эл аралык федерациялардын жана ассоциациялардын иш-аракеттеринин алкагында алардын өз ара аракеттенишине көмөктөшүү;
- улуттук спорттун түрлөрүнүн стандарттарын жана эрежелерин өркүндөтүү боюнча биргелешкен аракеттерди колдоо;
- спорттук машыктыруучуларды жана спортчуларды даярдоодо, ошондой эле Кыргызстан жана Казакстандын улуттук спортунун түрлөрү жана элдик оюндары жаатында адистердин тажрыйба алмашуусуна көмөктөшүү;
- Кыргызстан жана Казакстандын турмушундагы маанилүү даталарга жана окуяларга арналган спорттук иш-чараларды уюштуруу жана өткөрүү боюнча биргелешкен иш-чараларды кубаттоо.
Бейшембиге карата аба ырайы
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.
Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.
Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.
Белгилер: