Профессионал бокстун легендасы, америкалык Майк Тайсон. Архив

Гонорары 200 млн. доллар. Тайсон менен Холифилд беттеш уюштурмакчы

170
(жаңыланган 10:26 04.02.2021)
Ардагер боксчулар 1997-жылы башталган атаандаштыкты аягына чыгаруу үчүн рингге дагы чыгууну каалашат. Андагы таймашта жинденген Тайсон Холифилддин кулагын тиштеп, мелдештен четтетилген.

БИШКЕК, 4-фев. — Sputnik. Профессионал бокстун легендалары, америкалык Майк Тайсон менен Эвандер Холифилд үчүнчү жолу беттешке чыгуу мүмкүнчүлүгүн талкуулап жатышат. Бул тууралуу The Sun маалымат булагына таянып eurosport.ru сайты жазды.

Акыркы жолу мушкерлер рингде 1997-жылы кездешкен.

Маалыматка ылайык, аларга Дубайдан сунуш келген. Беттеш да дал ошол жерде өтөрү болжолдонууда. Рингге чыккан ардагер боксчуларга ири суммадагы гонорар, экөөнө жалпысынан 200 миллион доллар төлөнөт.

Уюштуруучулар алдыдагы беттеш буга чейин өткөн Тайсон — Рой Жонс таймашынан да кызыктуу болорун белгилешүүдө.

54 жашка чыккан Тайсон менен 52 жаштагы Жонстун беттеши 2020-жылдын ноябрь айында өтүп, тең чыгуу менен аяктаган.

Ушул тапта 58 жашты таяган Эвандер Холифилд буга чейин элдин көзүнчө оор салмактагы абсолюттук чемпион Майк Тайсонго чакырык таштаган.

Холифилд акыркы жолу 2011-жылы даниялык Брайан Нильсен менен рингге чыгып, аны жеңип алган.

170
Белгилер:
Майк Тайсон, бокс
Тема боюнча
Мушкер Федосеев АКШдагы ММА уюмунун беттештерине чыгат
Пакистандык мушкер беттештеги нокауттан кийин көз жумду. Видео
Тай бокс боюнча мелдеш. Архив

Тай бокс чебери атаандашын санга тээп нокаутка кетирди. Видео

62
Бул кармаш эки мушкер үчүн да дебюттук беттеш болгон. Алардын бири таймашта баштан-аяк кубаттуу тепки жасап, атаандашын бүк түшүргөн.

БИШКЕК, 26-фев. — Sputnik. Таиландда муай-тай мушкери атаандашын жоон санына катуу тээп нокаутка кетирди. Бангкоктогу мелдеште болгон окуянын видеосу интернетке чыкты.

"Президент" каймана аты бар тай бокс чебери Роберт Сор Танабавон беттеште баштан-аяк атаандашына кубаттуу соккуларды уруп, чабуул жасаган. Үчүнчү раунддун орто ченинде анын атаандашы Саклека Киатфетчедыга бир катар соккуларды уруп, жоон санына катуу тепкен. Ал кулап, ордунан тура албай калган. Калыс муну нокаут деп эсептеп, беттешти дароо токтоткон.

Жергиликтүү ЖМКлар бул беттеш эки мушкер үчүн да дебюттук экенин жазышты.

62
Белгилер:
нокаут, сокку, беттешүү, тай боксу
Тема боюнча
Жыга чапты. Мушкер Абдыкааровдун OPEN FC беттешинде уткан учурунун видеосу
Бразилиялык мурдагы чемпион Жессика Андраде. Архивдик сүрөт

Шевченконун баш оорусу болом. Чемпиондун жаңы атаандашы тууралуу эмне белгилүү

204
(жаңыланган 12:12 25.02.2021)
Андраде Шевченко үчүн оңой атаандаш эмес. Бразилиялык спортчу эки жыл мурда 52 килограмм салмактагылар арасында чемпиондук титулду алган.

БИШКЕК, 25-фев. — Sputnik. Кечээ кыргызстандык мушкер, UFC уюмунун 57 килограмм салмактагылар арасындагы чемпиону Валентина Шевченко бразилиялык мурдагы чемпион Жессика Андраде менен кармашары белгилүү болду.

Мушкерлер 24-апрелде UFC 261 турниринин алкагында беттешерин уюмдун президенти Дана Уайтка таянуу менен чет элдик басылмалар жазды.

Посмотреть эту публикацию в Instagram

Публикация от ESPN MMA (@espnmma)

Кармашта кыргызстандык спортчу наамын бешинчи ирет коргомокчу. 52 килограмм салмакта мурда чемпион болгон Андраде жакында эле Шевченконун салмагына — 57 килограммга өттү. Бул дивизиондун чемпиондукка талапкерлеринин тизмесинде бразилиялык спортчу биринчи орунду ээлеп турат.

UFC башчысы Дана Уайт мушкер кыздардын апрелдеги кармашы ушул жылдагы супер беттештердин бири болорун белгиледи.

"Бул беттешти чыдамсыздык менен күтүп жатам. Валентина бир кездеги Тайсон (Майк) сыяктуу жеңилбес болуп турган чагы. Жакында эле анын дивизионуна Андраде которулуп, Чукагянды (Кетлин) нокаутка кетирип жеңди. Бул өтө кызыктуу кармаш болмокчу", — деген Уайт.

Кечээ жакында Валентина Instagram баракчасына кезектеги беттешине даярданып жаткан видеосун жүктөп, "Максат коюлду" деп жазган.

Посмотреть эту публикацию в Instagram

Публикация от Valentina Shevchenko (@bulletvalentina)

Жессика Андраде деген ким?

Андраде 30 жашта, Бразилиянын Умуарама шаарында төрөлгөн. Мектепте дзюдо менен алектенип, алгачкы профессионалдык беттешин 2011-жылы өткөргөн. Аралаш мушташка чейин дарыканада, туристтер балык кармаган көлдө, ошондой эле оор жүк ташуучу унаанын айдоочусу болуп иштеген.

ММА спортуна 2013-жылы аралашып, ушул кезге чейин 29 беттештин 21ин уткан. Анын жетөөсүндө жеңишин нокаут менен майрамдаган. Жиу-жутсу, тай боксу боюнча да категориялык курлары бар.

Андраде октагондо чагылгандай тез иштеп, күтүүсүз чабуулдарга өтүп, атаандаштарын бүк түшүргөн соккулары менен айырмаланып келет. Кыргызстандык спортчудан бою кичинекей болгону менен сөөктүү.

2019-жылы жазында америкалык чемпион Роуз Намаюнасты UFC 237 турниринин алкагында өзгөчө нокаут менен утуп, чемпиондук наамга ээ болгон. Анда Роузду өйдөрөөк көтөрүп туруп, башы менен жерге сая жыгып, андан соң сокку узаткан.

Посмотреть эту публикацию в Instagram

Публикация от ufc (@ufc)

Бирок ошол эле жылы күзгө жуук Андраде кытайлык Вэйли Жанг менен күч сынашып, бир мүнөткө жетпеген убакытта нокаут менен утулуп, наамынан ажыраган.

Андраде Шевченко менен беттеши тууралуу комментарий берип жатып, ага оңой атаандаш эмес экенин айткан.

"Мен Шевченкону аябай сыйлайм. Аны жеңүү оор экенин да билем, бирок менин беттештеги стилим ага баш оору жаратат", — деген бразилиялык кыз.
Посмотреть эту публикацию в Instagram

Публикация от Jessica Andrade “Bate Estaca” (@jessicammapro)

Андраде супер беттешке жан үрөп даярданып, күн сайын үч жолудан машыгып жатканын кошумчалаган.

204
Белгилер:
атаандаштык, беттешүү, Жессика Андраде, Валентина Шевченко, UFC
Тема боюнча
UFC мушкер аялдарга жаңы дивизион кошкону жатат
COVID-19 тестирлөө борборунун медициналык кызматкерлери

Өткөн суткада 51 кишиден коронавирус табылды. 20 бейтап өтө оор абалда

7
(жаңыланган 10:05 26.02.2021)
Кечээтен бери Кыргызстанда бир дагы өлүм учуру катталган эмес. Мындан сырткары, бир сутка ичинде Бишкектен бир медиктен коронавирус аныкталган.

БИШКЕК, 26-фев. — Sputnik. Бир суткада 51 кишиден коронавирус табылып, 55 бейтап айыкты. Бул тууралуу Республикалык штаб кабарлады.

Жуктургандар:

  • Бишкек – 10;
  • Ош – 6;
  • Чүй облусу – 22;
  • Талас облусу – 1;
  • Нарын облусу – 2;
  • Баткен облусу – 1.

Ушуну менен коронавирус жуктургандардын жалпы саны 86 142ге жетти.

Айыккандар:

  • Бишкек – 14;
  • Чүй облусу – 20;
  • Ош облусу – 4;
  • Талас облусу – 2;
  • Нарын облусу – 3;
  • Ысык-Көл облусу – 10;
  • Баткен облусу – 2.

Өлкөдө айыккандардын жалпы саны 83 061 болду.

Бактыга жараша, кечээтен бери бир дагы бейтап оорудан көз жумган эмес.

Азыркы тапта ооруканаларда жалпы 368 бейтап дарыланып жатканы айтылды. Анын ичинен 86 адамдын абалы оор болсо, 20 бейтаптын абалы өтө оор деп бааланууда.

Бир сутка ичинде Бишкектен бир медиктен коронавирус табылган.

7
Белгилер:
бейтап, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
COVID жуктурган кош бойлуулар көбүнчө эрте көз жарат. Иликтөө