Кыргызстандык алты дзюдочу Израилдеги эл аралык турнирге катышат

© Sputnik / Александр Кряжев / Медиабанкка өтүүКыргызстандык дзюдочу Юрий Краковецкий беттеш учурунда. Архив
Кыргызстандык дзюдочу Юрий Краковецкий беттеш учурунда. Архив - Sputnik Кыргызстан, 1920, 05.02.2021
Жазылуу
Спорттук иш-чара 18-20-февраль күндөрү Израилдин Тель-Авив шаарында өтөт. Дзюдочуларды эки машыктыруучу коштоп бармакчы.
БИШКЕК, 5-фев. — Sputnik. Кыргызстандык алты дзюдочу эл аралык Tel Aviv Grand Slam Israel турнирине катышат. Бул тууралуу Жаштар иши, дене тарбия жана спорт агенттиги кабарлады.
Маалым болгондой, спорттук иш-чара 18-20-февраль күндөрү Израилдин Тель-Авив шаарында өтөт.
Аталган мелдешке төмөнкү дзюдочулар барат:
  • Кубанычбек Айбек уулу, КРдин спорт чебери, салмак категориясы – 60 килограмм;
  • Отар Бестаев, КРдин эл аралык даражадагы спорт чебери — 60 килограмм;
  • Артур Те — 66 килограмм;
  • Владимир Золоев — 81 килограмм;
  • Эрлан Шеров — 90 килограмм;
  • Юрий Краковецкий — 100 килограммдан оор.
  • Сергей Мистрюков — улук машыктыруучу;
  • Абдужалил Юнусов — башкы машыктыруучу.
Спорт агенттиги мелдешке катыша турчу дзюдочулар менен машыктыруучулар республикалык жана эл аралык мелдештердин календарлык планына ылайык жөнөтүлгөнүн белгиледи.
Жаңылыктар түрмөгү
0