Мюнхендик Бавария ФК клубдар арасында дүйнө чемпиону болду

Мюнхендик "Бавария" футболдон клубдар арасында дүйнө чемпионатын утту

165
(жаңыланган 10:59 12.02.2021)
Катар өлкөсүнүн Эр-Райян шаарында өткөн финалдык беттеш 1:0 менен актаган. Оюндагы жалгыз голду 59-мүнөттө Бенжамен Павар киргизди.

БИШКЕК, 12-фев. — Sputnik. Мюнхендик "Бавария" футболдук клубу Мексиканын "Тигрес" командасын утуп, клубдар арасында дүйнө чемпиону болду. Бул тууралуу Р-Спорт маалымат булагы жазды.

Катар өлкөсүнүн Эр-Райян шаарында өткөн финалдык беттеш 1:0 менен актаган. Оюндагы жалгыз голду 59-мүнөттө мюнхендиктерден Бенжамен Павар киргизди.

Германиялык команда муну менен экинчи ирет аталган мелдештин жеңүүчүсү болду. "Бавария" алгачкы ирет 2013-жылы клубдар арасындагы дүйнө чемпионатын уткан. Анда финалда Марокконун "Раджа" клубун жеңген болчу.

Посмотреть эту публикацию в Instagram

Публикация от FIFA World Cup (@fifaworldcup)

Бул жаатта испаниялык "Реал Мадрид" эң титулдуу болуп саналат. Падышалык клуб бул трофейге төрт ирет ээ болгон.

"Бавария" быйылкы жылы Европа футболунда ойнотулуучу эң маанилүү делген алты кубоктун баарын утту. Алар Германиянын чемпионатын, өлкөнүн Кубогу жана Суперкубогу мелдешин, ошондой эле УЕФАнын Чемпиондор лигасы жана Суперкубокту жеңип алган.

Муну менен "Бавария Испаниянын "Барселона" клубунун уникалдуу рекордун кайталады. Каталониялык команда 2009/2010-жылдагы сезондо тарыхында алгачкы болуп алты кубокту уткан.

165
Белгилер:
дүйнө, футбол, чемпионат, ФК Мюнхендик "Бавария"
Тема боюнча
Роналдунун командасы Мессинин "Барселонасын" ири эсеп менен утуп алды

Казакстандык жана украиналык футболчулар мушташа кетип, оюн токтоду. Видео

72
(жаңыланган 16:09 01.03.2021)
Казакстандык "Окжетпес" жана украиналык "Верес" футбол клубдарынын беттеши массалык мушташтан улам токтотулду.

Жолдоштук беттеш Түркиянын Белек аймагындагы машыгуу базасында өткөн.

Оюн достук маанайда башталып, казакстандыктар эсепти ачкан. Биринчи бөлүктүн 29-мүнөтүндө украиналыктардын коргоочусу Дмитрий Немчанинов орой ойноп, казакстандык оюнчу ага каршы атырылган. Чырды токтотуунун ордуна алмашууда турган оюнчулар, машыктыруучулар штабы оюн талаасына чуркап чыгып, мушташа кетишкен.

Калыстар оюнду токтотууга аргасыз болушкан. Эсеп 1:1 болчу.

Кийинчерээк "Окжетпес" клубу бул ички чемпионатка карата даярдык иретинде өткөрүлгөн беттеш экенин билдирген.

"Матч бейрасмий экенине карабай орой жана кооптуу өттү. Мындай оюндан кийин жаракат алган оюнчу футболго жараксыз болуп калышы да толук мүмкүн. Беттеш токтотулуп, командалар тарап кетти", — деген казакстандык команда.

Өз кезегинде "Верестин" башкы машыктыруучусу Юрий Вирт мындай чырдын чыкканына казакстандыктардын ашкере орой ойногону себеп болгонун айтты.

72
Белгилер:
мушташ, беттешүү, Түркия, Украина, Казакстан, футбол
Тема боюнча
Бразилия чемпионатынын финалында футболчулар массалык мушташ чыгарышты. Видео
Дүйнө чемпиону Айсулуу Тыныбекова. Архив

Жыгылып, кайра турду. Тыныбекованын Киевде жеңишке жеткен видеосу

2739
(жаңыланган 20:58 28.02.2021)
Тыныбекова 62 килограмм салмактагылар арасында күч сынашты. Алтын үчүн кармашта украиналык күчтүү балбан менен кез келди.

БИШКЕК, 28-фев. — Sputnik. Дүйнө чемпиону Айсулуу Тыныбекова Киев шаарында өтүп жаткан эл аралык турнирдин финалында украиналык Илона Прокопевнюкту 9:7 эсеби менен утуп, алтын медалдын ээси болду. Бул тууралуу аталган өлкөнүн Күрөш федерациясынын расмий сайтында айтылат.

Кыздардын кармашын социалдык тармактагы спорттук баракчалар чыгарды.

"Биздин чемпион үчүн өтө мээнеттүү жеңиш болду", — деп жазылан спорттук баракчада.

Кыргызстандык балбан квалификациялык этапта Мариана Састинди (Венгрия), 1/8 финалда алжирлик Амэль Хаммичени 11:0 эсебинде утса, чейрек финалдагы атаандашы Наталья Кубатынын (Польша) далысын тийгизип, таза жеңишти камсыздаган. Жарым финалда ал өзбекстандык спортчу Раяна Абдурасулованы 10:0 эсебинде техникалык артыкчылык менен жеңип алган.

2739
Белгилер:
видео, жеңиш, күрөш, балбан, Айсулуу Тыныбекова, Киев
Тема боюнча
Жеңишти алдырып ийди! Жоламан Шаршенбеков Киевдеги турнирде утулган видео
COVID-19 менен ооругандарды дарылоо үчүн оорукананын жандандыруу бөлүмүндөгү палатасы. Архив

Коронавирус сифилис, сарык, бруцеллез, ичеги-карын ооруларын азайтты. Статистика

10
(жаңыланган 16:55 01.03.2021)
Былтыр кыргызстандыктар коронавирус инфекциясынан коргоном деп тазалыкты сактоо менен башка жугуштуу оорулардын санын азайта алды.

Саламаттык сактоо жана социалдык өнүктүрүү министрлигинин Ооруларды алдын алуу мамлекеттик санитардык эпидемиологиялык көзөмөлдөө департаменти Sputnik Кыргызстан маалымат агенттигинин сурамына жооп берип, 2019-2020-жылдардагы жугуштуу оорулардын статистикалык айырмачылыгын айтып берди.

2020-жылы республикада жалпысынан 313 576 жугуштуу жана паразитардык оору катталган. Анын ичинен 60,7 пайызын сасык тумоо жана курч респиратордук вирустук инфекциялар түзөт. Былтыр 2019-жылга салыштырмалуу 22 оорунун түрүнүн төмөндөшү байкалган.

Маселен, курч кармаган ичеги-карын оорулары үч эсеге аз катталган. Тагыраагы, 2019-жылы көрсөткүч 32 866 болсо, 2020-жылы 11 041 болгон.

Сарык оорусу (вирустук гепатиттин түрлөрү) жалпысынан 55,4 пайызга төмөндөгөн. 2019-жылы 10 579 кишиде оору аныкталса, 2019-жылы 4 805 учур катталган. Вирустук гепатиттин 96,8 пайызын А түрү түзөт.

Жугуштуу жана паразитардык оорулар, анын ичинен курч ичеги-карын илдеттери, вирустук гепатиттин А түрү колду таза жуубагандыктан, кир буюмдардан, жашылча-жемиштерден жугары белгиленет. Ал эми сасык тумоо жана курч респиратордук вирустук инфекциялар коронавирус сыяктуу аба тамчысы аркылуу жугат.

"2020-жылы коронавирус пандемиясына байланыштуу киргизилген карантиндик чаралар, ошондой эле калк арасында санитардык-гигиеналык талаптардын так аткарылышы, башкача айтканда, бет кап тагынуу, социалдык аралыкты сактоо, колду жууп туруу, антисептик колдонуу жана онлайн окуу жугуштуу оорулардын төмөндөшүнүн бирден-бир себеби болуп саналат", — деп билдирди департамент.

Мекеме жугуштуу ооруларды алдын алуу жана жайылтпоо үчүн иш-чаралар уланып жатканын белгиледи.

Мындан тышкары, коронавирустун фонунда азайган жугуштуу жана паразитардык оорулардын катарында бруцеллез (34,8 пайызга төмөндөгөн), эхинококкоз (34 пайыз), туберкулез (31,4 пайыз), сифилис (31,2 пайыз), котур (27,8), ВИЧ-инфекция (22 пайыз), гонорея (16,6 пайыз) бар.

Ошондой эле паротит (свинка) 11,5 эсеге, сальмонеллез 3,9 эсеге, көк жөтөл 4,5 эсеге, кызылча 3,3 эсеге, менингит 3 эсеге азайган.

Ал эми былтыр кара келте (паратиф), кептөөр (дифтерия), кутурма, кызамык, безгек (малярия) вирустук гепатиттин Е жана Д түрлөрү дээрлик катталган эмес.

10
Белгилер:
гепатит, сасык тумоо, жугуштуу инфекция, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Спираль койдуруу рак оорусун чакырабы? Акушер-гинеколог менен маек
Уролог: сүннөттөн жабыркаган баланын интимдик жашоосу трагедияга айланышы мүмкүн
Уролог Усупбаев: жыныс оорулары күчөдү, генофонд коркунучта!