Формула-1 автожарышынын чебери, эки жолку дүйнө чемпиону Фернандо Алонсо. Архив

"Формула-1" жарышынын чебери Алонсо велосипед тээп баратып кырсыкка кабылды

95
(жаңыланган 18:44 12.02.2021)
39 жаштагы пилот үч жылдык тыныгуудан соң быйыл жарышка кайра келгени жаткан. Бул сезондо ал "Альпин" командасынын желегинин астында чыкмак.

БИШКЕК, 12-фев. — Sputnik. "Формула-1" автожарышынын чебери, эки жолку дүйнө чемпиону Фернандо Алонсону унаа коюп кетип жаагы сынды. Бул тууралуу маалыматты Gazzetta dello Sport маалымат булагына таянып eurosport жазды.

Шамалдан озгон унааны айдаган пилот кырсыкка велосипед менен бара жатып учураганын "Альпин" командасынын маалымат кызматы билдирген.

"Алгачкы медициналык кароодо анын жаагы сынып, бир тиши түшкөнү маалым болгон. Жакында башталуучу жарыштын алгачкы мелдештерине катышпай калышы мүмкүн", — деп айтылат маалыматта.

Алонсонун абалы боюнча акыркы медициналык кароо бүгүн, 12-февралда, болору белгиленет.

39 жаштагы пилот үч жылдык тыныгуудан соң быйыл жарышка кайра келгени жаткан. Бул сезондо ал "Альпин" командасынын желегинин астында чыкмак.

Испаниялык спортчу Фернандо Алонсо "Формула-1" автожарышы боюнча эки жолку (2005, 2006) дүйнө чемпиону болуп саналат. Бул титулдарга ал "Рено" командасынын курамында жүрүп жетишкен. Пилот 2001-жылдан 2018-жылга чейин жарышка катышып, "Минарди", "Макларен" жана "Феррари" командаларынын намысын коргогон.

"Формула-1" жарышынын быйылкы мелдештери мартта Бахрейнде башталат.

95
Белгилер:
Формула-1, велосипед, жаракат, кырсык
Тема боюнча
Пакистандык мушкер беттештеги нокауттан кийин көз жумду. Видео
Көк-бөрү ойногон Казакстан жана Кыргызстан улуттук командасы. Архивдик сүрөт

Кыргыз-казак эли спорттун улуттук түрлөрүн, элдик оюндарды өнүктүрөт

44
Эки өлкөнүн тиешелүү министрликтеринин ортосунда спорттун улуттук түрлөрүн жана элдик оюндарын өнүктүрүүдө кызматташууну бекемдөө максатында макулдашуу иштелип чыккан.

БИШКЕК, 3-мар. — Sputnik. Кыргызстан менен Казакстан биргеликте улуттук спорттун түрлөрүн жана элдик оюндарды өнүктүрөт. Буга байланышкан макулдашууга президент Садыр Жапаровдун Казакстанга болгон мамлекеттик иш сапарынын алкагында кол коюлганын Жаштар иши, дене тарбия жана спорт агенттиги билдирди.

Президенттин мамлекеттик иш сапарынын алкагында биринчи жолу Кыргызстандын Маданият, маалымат, спорт жана жаштар саясаты министрлиги менен Казакстандын Маданият жана спорт министрлигинин ортосунда улуттук спорттун түрлөрүн жана элдик оюндарды өнүктүрүү жөнүндө макулдашты.

Кыргыз тараптан документке министр Кайрат Иманалиев кол койду.

Макулдашуу эки өлкөнүн тиешелүү министрликтеринин ортосундагы спорттун улуттук түрлөрүн жана элдик оюндарын өнүктүрүүдө кызматташууну бекемдөө максатында иштелип чыккан. Ага ылайык, эки өлкөнүн министрликтери төмөнкүлөр жөнүндө макулдашышты:

  • улуттук спорттун түрлөрү боюнча эл аралык мелдештерди өткөрүү, ошондой эле Кыргызстандын жана Казакстандын улуттук спорттун түрлөрүн эл аралык аренага жайылтууда бири-биринин демилгелерин колдоо;
  • спорттун улуттук түрлөрү боюнча федерациялар менен ассоциациялардын ортосундагы кызматташтыкты орнотууга, спорттогу эл аралык федерациялардын жана ассоциациялардын иш-аракеттеринин алкагында алардын өз ара аракеттенишине көмөктөшүү;
  • улуттук спорттун түрлөрүнүн стандарттарын жана эрежелерин өркүндөтүү боюнча биргелешкен аракеттерди колдоо;
  • спорттук машыктыруучуларды жана спортчуларды даярдоодо, ошондой эле Кыргызстан жана Казакстандын улуттук спортунун түрлөрү жана элдик оюндары жаатында адистердин тажрыйба алмашуусуна көмөктөшүү;
  • Кыргызстан жана Казакстандын турмушундагы маанилүү даталарга жана окуяларга арналган спорттук иш-чараларды уюштуруу жана өткөрүү боюнча биргелешкен иш-чараларды кубаттоо.
44
Белгилер:
макулдашуу, министрлик, мамлекеттик иш сапар, Казакстан, президент
Тема боюнча
Манас Ниязов Көчмөндөр оюнунда араздашкан казак улакчысы менен элдешти. Видео
Ноорузда өтүүчү көк бөрү мелдешине Казакстандан команда чакырылды
Чемпион Азии по джиу-джитсу Абдурахманхаджи Муртазалиев

Абдурахманхаджи Муртазалиев КРдин эмгек сиӊирген спорт чебери наамын алды

74
(жаңыланган 18:21 02.03.2021)
Муртазалиев 2019-жылы Нур-Султан шаарында өткөн грэпплинг боюнча дүйнө чемпионатында алтын байге уткан. Ошондой эле ачык имараттагы Азия оюндарынан коло медаль алган.

БИШКЕК, 2-мар. — Sputnik. Кыргызстандык жиу-житсучу жана грэпплер Абдурахманхаджи Муртазалиевге "КРдин эмгек сиӊирген спорт чебери" наамы ыйгарылды. Бул тууралуу Жаштар иши, дене тарбия жана спорт агенттиги кабарлады.

Тиешелүү чечим "КРдин 2021-2024-жылдарга карата бирдиктүү спорттук классификациясы" токтомуна ылайык кабыл алынган.

Ошондой эле таэквон-до ИТФ боюнча машыктыруучу Виталий Олейниченкого жана эркин күрөш боюнча машыктыруучу Нурлат Такировго "КРдин эмгек сиӊирген машыктыруучусу" спорттук наамы ыйгарылды.

Муртазалиев 2019-жылы Нур-Султан шаарында өткөн грэпплинг боюнча дүйнө чемпионатында алтын байге уткан. Ошондой эле жиу-житсу боюнча Азия чемпиону, жабык имараттагы Азия оюндарынын алтын байге ээси жана ачык имараттагы Азия оюндарынан коло медаль алган. Мындан тышкары, Жиу-житсу улуттук федерациясынын президенти.

74
Белгилер:
наам, джиу-джитсу, спорт, Абдурахманхаджи Муртазалиев, Кыргызстан
Тема боюнча
Дзюдо боюнча Бишкекте өтчү Азия жана Океания мелдешинин расмий постери чыкты
Жыгылып, кайра турду. Тыныбекованын Киевде жеңишке жеткен видеосу
Рим шаарынын тургундары. Архив

Италияда коронавирустун "нигериялык" штаммы табылды

0
(жаңыланган 10:46 03.03.2021)
Бул штамм улам-улам мутацияланып турат, учурда коронавируска каршы чыгарылган вакциналар таасир этпеши мүмкүн.

БИШКЕК, 3-мар. — Sputnik. Коронавирустун "нигериялык" штаммы Италиянын түндүгүндөгү Ломбардия провинциясынын Брешия шаарында табылды. Бул тууралуу ANSA агенттиги Италиянын вирусологдор коомунун президенти, микробиологиялык лабораториянын директору Арнальдо Карузого таянып билдиргенин РИА Новости жазды.

Адистин билдиришинче, бул штамм улам-улам мутацияланып турат, учурдагы вакциналар натыйжасыз болушу мүмкүн.

Карузо коронавирустун табылган түрүнүн өзгөчөлүктөрү жөнүндө башка эч кандай маалымат берген эмес.

Нигерияда коронавирустун жаңы штаммы табылганы декабрь айында маалым болгон. Африкалык ооруларды көзөмөлдөө жана алдын алуу борборунун (CDC) маалыматы боюнча, жаңы вариант Нигериянын Осун штатында чогултулган үлгүлөрдүн арасында эки бейтаптын анализин изилдөөдө табылган.

Буга чейин декабрдын орто ченинде Улуу Британияда коронавирус — VUI-202012/01 мутациясы табылган. Кийинчерээк ал мурунку вируска салыштырмалуу 56-70 пайызга тезирээк тарай турганы маалым болгон. Ошондой эле бул штамм бейтаптарды өлүмгө алып келиши мүмкүн экени айтылган болчу.

0
Белгилер:
Италия, Нигерия, коронавирус
Тема:
Дүйнөгө жайылган коронавирус
Тема боюнча
ДССУ: коронавирустун ыңгайлашып, көнүшүп кетүүсүнө жол бербейли!
Роспотребнадзор коронавирустун "британиялык" штаммын аныктоочу тест жасады