Кыргызстандык белгилүү футболчу Айдана Оторбаева. Архив

Футболчу Айдана Оторбаева дүйнөлүк беделдүү сыйлыкка көрсөтүлдү

122
(жаңыланган 20:43 16.02.2021)
Кыргызстандык кыз пандемия маалында башкалардын өмүрүн сактоо үчүн өзүнүн жанын тобокелге салып жасаган иштери башкаларга үлгү болгону белгиленет.

БИШКЕК, 16-фев. — Sputnik. Кыргызстандык белгилүү футболчу Айдана Оторбаева беделдүү Merit Award сыйлыгына көрсөтүлдү. Бул туурасында Профессионал футболчулар ассоциациясынын расмий сайтына жарыяланды.

Аталган сыйлык футболго эмгеги сиңген адамдарга берилет. Бул жылы ага сегиз оюнчу көрсөтүлдү. Ассоциация бир гана футболчулар эмес, спортчулар тобун дагы тандаган.

"Айдана Оторбаева пандемия маалында башкалардын өмүрүн сактоо үчүн өзүнүн жанын тобокелге салды. Ал "Бирге" деп аталган ыктыярчылар кыймылын түзгөн. Айдана өзү медик болбосо дагы социалдык тармак аркылуу дарыгерлердин жүгүн жеңилдетүүгө жардам бере алды. Андан көпчүлүгү үлгү алып, жыйынтыгында 500гө чукул ыктыярчы чогулду. Жаштар өз саламаттыгын тобокелге салып стационардагы жана кызыл зонадагы медицина кызматкерлерине жардам беришти. Алардын эмгегин медициналык эксперттер аябай жогору баалады", — деп айтылат сайттын билдирүүсүндө.

Сыйлыктын жеңүүчүсүн 18-февралда Профессионал футболчулар ассоциациясынын башкы ассамблеясы аныктайт.

Кыргызстандык спортчу көрсөтүлгөн номинация алгачкы ирет 1974-жылы дүйнө чемпиону (Англия командасынын курамында) Бобби Чарльтонго берилген. Андан кийин белгилүү футболчулар Пеле, Франк Лэмпард жана Алекс Фергюсонго ыйгарылган. Акыркы лауреат болуп 2017-жылы Дэвид Бекхэм алган.

122
Белгилер:
сыйлык, Айдана Оторбаева, футболчу, Кыргызстан
Тема боюнча
Кыргызстандык футболчу Тамирлан Козубаев россиялык клубга өттү
Казакстандын көк бөрү оюнчулары. Архив

Көк бөрү: Нооруздагы мелдешке Казакстандын командасы келбей турган болду

96
(жаңыланган 13:56 08.03.2021)
Нооруз мелдешине карата чет жактардан команда чакыруу чечими Көк бөрү федерациясынын 2021-жылдагы календарлык планында кабыл алынган.

БИШКЕК, 8-мар. — Sputnik. 21-мартта Нооруз майрамына карата жана Болот Шамшиев, Темир Дүйшөкеев, Болот Шерниязовдун элесине арналган көк бөрү боюнча эл аралык мелдешке Казакстан, Афганистандан чакырылган командалар келбей турган болду. Бул тууралуу аталган спорттун Улуттук федерациясынын башкы катчысы Куватбек Аскарбеков Sputnik Кыргызстан агенттигине билдирди.

Анын айтымында, буга эпидемиологиялык абал жана чек арадагы чектөөлөр себеп болгон.

"Казакстан менен Афганистандан чакырылган командалар эпидемиологиялык абалга байланыштуу оюнга даярданып жетише албай калышты. Ошондуктан келбей турганын билдиришти. Биз аларды өзүнчө мелдеш уюштуруп чакырабыз. Чектөөлөргө байланыштуу чек аралардагы маселелер да буга себеп болду. Чек ара качан ачылары белгисиз болчу. Кыргызстандын президентинин Казакстанга жасаган мамлекеттик сапарынан улам гана чек арада чектөө бир аз жеңилдеди", — деди ал.

Өлкөнүн Көк бөрү боюнча улуттук федерациясы аталган турнирге Казакстан жана Афганистандан командаларды чакырган болчу. Нооруз мелдешине карата чет жактардан команда чакыруу чечими федерациянын 2021-жылга карата каралган календарлык планында кабыл алынган.

96
Белгилер:
Афганистан, Казакстан, ат майдан, Чолпон-Ата, мелдеш, Көк бөрү
Тема боюнча
Кыргыз-казак эли спорттун улуттук түрлөрүн, элдик оюндарды өнүктүрөт
Ноорузда көк бөрү легендаларынын жаркын элесине арналган өлкө чемпионаты өтөт
Көк бөрү оюнчулары. Архив

Ноорузда көк бөрү легендаларынын жаркын элесине арналган өлкө чемпионаты өтөт

129
(жаңыланган 12:38 08.03.2021)
Ат оюндары 13-21-март күндөрү Ысык-Көлдүн Чолпон-Ата шаарындагы ат майданында өтмөкчү. 12-мартта чүчү кулак тартылат.

БИШКЕК, 8-мар. — Sputnik. Нооруз майрамына карата жыл сайын өтүүчү көк бөрү боюнча мелдеш быйыл көк бөрү легендалары Болот Шерниязов, Болот Шамшиев, Темир Дүйшекеевдин жаркын элесине арналган “Ачык чемпионат" деген аталыш менен уюштурулат. Бул тууралуу аталган спорттун Улуттук федерациясы билдирди.

Посмотреть эту публикацию в Instagram

Публикация от Федерация Көк-Бөрү (@kokboru_federation)

Ат оюндары 13-21-март күндөрү Ысык-Көлдүн Чолпон-Ата шаарындагы ат майданында өтмөкчү. 12-мартта чүчү кулак тартылат.

"Нооруз - 2021 турнири аталган улуттук оюндун легендалары Болот Шерниязов, Болот Шамшиев, Темир Дүйшекеевдин жаркын элесине арналган ачык чемпионат катары өткөрүлөт. Бул Көк бөрү федерациясынын башкармалыгында чечилген", — деп айтылат маалыматта.

Командалардын катышуу боюнча билдирүүлөрү 11-март күнү саат 17:00гө чейин Улуттук спорттун түрлөрү боюнча дирекциясына тапшырылышы керек.

Быйылкы мелдешке 26 команда катышары күтүлүүдө, оюндар тайпалык этаптан башталат.

Кыргызстандын Көк бөрү боюнча улуттук федерациясынын башкы катчысы Куватбек Аскарбеков буга чейин Sputnik Кыргызстан агенттигине аталган мелдешке Казакстандан команда чакырылганын билдирген.

129
Белгилер:
ат майдан, Чолпон-Ата, Ысык-Көл облусу, мелдеш, Көк бөрү
Тема боюнча
Байгеге карышкыр да коюлду. Дача СУдагы бүйүр кызыткан аламан улактын видеосу
Ноорузда өтүүчү көк бөрү мелдешине Казакстандан команда чакырылды

Марипов карылар үйүндөгү энелерди көрүп, көзүнө жаш алды. Видео

0
(жаңыланган 17:30 08.03.2021)
Премьер-министр Улукбек Марипов 8-март — Аялдардын эл аралык күнүндө Бишкектеги улгайган жана ден соолугунан мүмкүнчүлүгү чектелгендер жашаган социалдык мекемеге барды.

Өкмөт башчы мекемеде жашаган аялдарды жаз майрамы менен куттуктап, аларга бекем ден соолук, бакыт, жаркын маанай жана күч-кубат каалады. Видеодон ал сүйлөп жатып көзүнө жаш алганын дагы байкоого болот.

"Бул сапар мага аябай көп эмоция берди. Ата-энелер өз балдарынан ушундай мамиле көрүүгө татыктуу эмес", — деп жазган Марипов.

Ошондой эле ал карылар үйүндөгү энелер жалгыз эмес экенин айтып, алар баарыбыздын ата-энебиз катары камкордукка алынарын белгилеген.

"Мен балдар жана карылар үйүнүн жок болушун чын жүрөктөн каалайт элем. Балдар жана улгайган адамдар үй-бүлөдө, сүйүү жана камкордукка бөлөнүп жашашы керек. Биз өсүп келе жаткан муунду улууларга, ата-энесине урмат көрсөтүүгө тарбиялашыбыз керек. Биз сиздердин жашоону жакшыртуу үчүн иштөөгө тийишпиз", — деди өкмөт башчы.

Андан соң премьер-министр боорукердик бөлүмүндөгү саламаттыгынан абалы начар жарандардан кабар алып, ал-жайын сураган.

Ведомство тарабынан скандинавиялык таяктар менен камсыздоо өтүнүчү айтылып, Марипов алып берүүнү убадалаган.

0
Белгилер:
куттуктоо, Карылар үйү, өкмөт, Улукбек Марипов
Тема боюнча
Кыйындыкта бел болуудан тайбадыңар! Марипов аялзатын ыр окуп куттуктады. Видео
Кыргыз аялы үй-бүлө ынтымагынын кам көрүүчүсү. Жапаровдун куттуктоосу