ММА мушкери. Архив

ММА мушкери Кубаныч Абдисалам уулу BRAVE CF уюмунда кезектеги беттешке чыгат

91
Ал ММА уюмундагы эң абройлуу, UFC уюмунун экс-мушкери филиппиндик Роландо Дай менен кез келет. Абдисалам уулу күйөрмандарынан колдоо күтөт.

БИШКЕК, 20-фев. — Sputnik. Кыргызстандык спортчу, BRAVE CF уюмунун мушкери Кубаныч Абдисалам уулунун кезектеги беттеши 11-мартка белгиленди. Бул тууралуу ал өзүнүн Instagram баракчасында билдирди. 

Посмотреть эту публикацию в Instagram

Публикация от Abdisalam uulu Kubanychbek (@abdisalam_uulu_kubanychbek_)

Ал ММА уюмундагы эң абройлуу, UFC уюмунун экс-мушкери филиппиндик Роландо Дай менен кез келет. Абдисалам уулу күйөрмандарына ыраазычылык билдирип, алдыдагы беттеште да колдоо көрсөтөт деп үмүт артат.

"Кезектеги беттешим 11-мартта болот. Тажрыйбалуу спортчу, UFC уюмунун экс-мушкери менен таймашам. Күйөрмандардын колдоосу, ишеничи менен мыкты беттеш көрсөтөм деген ниетим бар. Ар бир жеңиш оңой келбейт. Талыкпаган эмгек керек, сиздердин колдооңуздар керек", — деди мушкер.

Роландо Дай ММА спортунда 18 беттеш өткөрүп, 14үн уткан. Төрт жолу жеңилүү ызасын тарткан. Ал эми Кубанычбек Абдисалам уулу 19 беттешке чыгып, 17 атаандашын жеңген. Эки ирет утулган.

Эскерте кетсек, Абдисалам уулу буга чейинки, 16-январдагы, беттешинде тажикстандык Жагонгир Саиджамалов менен кармашып, экинчи раундда муунтуу ыкмасы менен утуп алган.

91
Белгилер:
Кубаныч Абдисалам уулу, мушкер, ММА, атаандаштык, беттешүү
Тема боюнча
1 млн. рубль сыйлык. Алимардан Абдыкааров OPEN FC уюмунун мелдешине катышат
Кыргызстандык атактуу бильярдчы Каныбек Сагынбаев (оңдо)

Бильярдчы Каныбек Сагынбаев Бишкектеги спорт мектебине директор болду

91
(жаңыланган 18:34 26.02.2021)
Кий чебери үч жолку дүйнө чемпиону болуп саналат. Жаңы директор адистештирилген мектептин жамаатына тааныштырылды.

БИШКЕК, 26-фев. — Sputnik. Кыргызстандык атактуу бильярдчы Каныбек Сагынбаев эркин, грек-рим күрөшү, бильярд жана велоспорт боюнча олимпиадалык резервдеги адистештирилген балдар жана өспүрүмдөр мектебин жетектейт. Мэриянын маалымат кызматы жаңы директор жамаатка тааныштырылганын кабарлады.

Мектеп Бишкек мэриясынын Дене тарбия жана спорт башкармалыгынын карамагына кирет.

Жыйындагы аткаминерлер. Архив
© Пресс-служба правительства / Сабыр Аильчиев
35 жаштагы Сагынбаев Кыргыз Республикасынын эмгек сиңирген спорт чебери болуп саналат. 2007-жылы, 2010 жана 2014-жылы дүйнө чемпионатын жеңип алган. Мындан сырткары, бир катар эл аралык ири мелдештердин жеңүүчүсү.

Адистештирилген мектептин директору кызматын буга чейин Айша Карымшакова аркалап келген.

91
Белгилер:
мектеп, спорт, мэрия, Бишкек, дайындоо, Каныбек Сагынбаев
Тема боюнча
Текебаев Кыргызстандын Бельгиядагы элчиси болобу? Саясатчынын жообу
Бишкекте кайсы мектептин директору кызматында 20 жылдан ашык отурат? Тизме
Кыргызстандык спортчу, UFC уюмунун мушкери Антонина Шевченко. Архив

Антонина Шевченко май айында беттешет. Атаандашы ким

51
(жаңыланган 16:22 26.02.2021)
Антонинанын соңку кармашы былтыр ноябрда UFC 255 турниринин алкагында өтүп, бразилиялык Адриана Липскини техникалык нокаут менен утуп алган.

БИШКЕК, 26-фев. — Sputnik. Кыргызстандык спортчу, UFC уюмунун мушкери Антонина Шевченко америкалык Андреа Ли менен күч сынашарын Yahoo Sport басылмасы жазды.

Посмотреть эту публикацию в Instagram

Публикация от MMA Junkie (@mmajunkiedotcom)

Кармаш 15-майда Лас-Вегаста UFC 262 турниринин алкагында өтөт. Спортчу кыздар 57 килограмм салмак категориясында беттешет.

UFC чемпиону Валентина Шевченконун эжеси Антонина аталган уюмда 2019-жылдан бери күчүн сынап келет. Төрт беттеш өткөрүп, аны экөөсүн уткан.

Соңку беттеши былтыр ноябрда UFC 255 турниринин алкагында өтүп, бразилиялык Адриана Липскини экинчи раундда техникалык нокаут менен жеңип алган. Антонина мыкты, кызыктуу беттеш көрсөткөнү үчүн UFC уюмунан 50 миң доллар бонус алган.

Жаңы атаандашы Андреа Ли башында кикбоксчу болуп жүрүп, кийин аралаш мушташка өткөн. UFC уюмунда 2018-жылдан бери күч сынашып, алты беттешке катышкан. Соңку үчөөндө жеңилүү ызасын тартканы маалым.

Кечээ жакында Валентина Шевченконун чемпиондук наамын коргой турганы аныкталды. Атаандашы уюмдун мурдагы чемпиону Жессика Андраде болмокчу.

51
Белгилер:
беттешүү, Антонина Шевченко, UFC
Тема боюнча
Үч жашар Валентина менен жети жаштагы Антонина. Мушкерлердин сейрек сүрөтү
Валентина Шевченконун жаңы атаандашы. Беттеш жазында болот
Башкы прокуратуранын имараты. Архив

Башкы прокуратура ишкерлер үчүн күнү-түнү жооп берген ишеним номерлерин жарыялады

0
(жаңыланган 22:35 26.02.2021)
Ишеним телефону жеке ишкердик субъектилеринин ишине укук коргоо, фискалдык жана контролдоочу органдардын негизсиз кийлигишүүсү, ошондой эле менчик ээлеринин укуктарынын бузулуусу боюнча кайрылууларды кабыл алары маалым болду.

БИШКЕК, 26-фев. — Sputnik. Башкы прокуратура ишкерлер үчүн күнү-түнү жооп бере турган ишеним телефон номерлерин жарыялады. Бул тууралуу аталган мекеменин маалымат кызматы кабарлады.

"Мамлекет башчы Садыр Жапаровдун "Менчикти коргоо жана ишкерлер менен инвесторлорду колдоо жөнүндөгү" жарлыгын аткаруу максатында ишеним телефону иштеп баштады", — деп айтылат маалыматта.

Эми ишкерлер күнү-түнү (0312) 88-90-33 номерине чала алышат.

Ишеним телефону жеке ишкердик субъектилеринин, чакан бизнестин ишине укук коргоо, фискалдык жана контролдоочу органдардын негизсиз кийлигишүүсү, ошондой эле менчик ээлеринин укуктарынын бузулуусу боюнча кайрылууларды кабыл алары маалым болду. 

0
Белгилер:
текшерүү, ишкердик, ишеним телефону, Башкы прокуратура, Кыргызстан
Тема боюнча
Дарыканаларды текшерүүгө мораторий жоюлат. Мыйзам долбоору даярдалууда