Бишкектеги Каба уулу Кожомкул атындагы спорт ордосунда алыш бел боо күрөшүнүн эркин жана классикалык түрү боюнча өлкө чемпионаты жыйынтыкталды

Кыргызстандын алыш бел боо күрөшүнүн жеңүүчүлөрү аныкталды. Сүрөт

145
Чемпионатка республика боюнча жалпысынан 250 балбан катышты. 90 спортчу (эркектер) 70 килограмм салмакта күч сынашты.

БИШКЕК, 22-фев. — Sputnik. Бишкектеги Каба уулу Кожомкул атындагы спорт ордосунда алыш бел боо күрөшүнүн эркин жана классикалык түрү боюнча өлкө чемпионаты жыйынтыкталды. Бул тууралуу аталган спорттун федерациясынын башкы катчысы Белек Усенбеков Sputnik Кыргызстан агенттигине билдирди.

  • Награждение победителей чемпионата Кыргызстана по классической борьбе алыш
    Бишкектеги Каба уулу Кожомкул атындагы спорт ордосунда алыш бел боо күрөшүнүн эркин жана классикалык түрү боюнча өлкө чемпионаты жыйынтыкталды
    © Фото / пресс-служба ГАМФКиС
  • Награждение победителей чемпионата Кыргызстана по классической борьбе алыш
    12 салмак боюнча 20-февралда күрөштүн классикалык түрүнөн жеңүүчүлөр аныкталса, 21-февралда эркин стилинин балбандары кармашкан
    © Фото / пресс-служба ГАМФКиС
  • Награждение победителей чемпионата Кыргызстана по классической борьбе алыш
    Классикалык түрү боюнча эркектер арасында Марлен Абдурасулов (60 килограмм), Бекмамат Бейшенов (70), Мадаминбек Шаршеналы уулу (80), Жаныбек Аллакулов (90), Акылбек Торобеков (100) жана андан оор салмактагылар арасында Кадыр Келсинбеков чемпион болушту
    © Фото / пресс-служба ГАМФКиС
  • Награждение победителей чемпионата Кыргызстана по классической борьбе алыш
    Ал эми алыш күрөшүнүн эркин түрүнөн Роман Сапаров (60 килограмм), Адилет Кубатбек уулу (70), Азизхан Мусабек уулу (80), Чыңгыз Чалабаев (90), Исламбек Алик уулу (100) жана эң оор салмакта Ымангазы Койлуев жеңүүчү деп табылды
    © Фото / пресс-служба ГАМФКиС
  • Награждение победителей чемпионата Кыргызстана по классической борьбе алыш
    Кыз-келиндерден классикалык күрөштө Мадина Сартбаева (55 килограмм), Бегайым Акбалаева (60), Элза Абдыкадырова (65), Жумагүл Нурмырзаева (70), Гульзат Мырзабекова (75) жана эң оор салмактагы балбан кыздар арасында Зарина Байтерекова биринчи орунду камсыздады.
    © Фото / пресс-служба ГАМФКиС
1 / 5
© Фото / пресс-служба ГАМФКиС
Бишкектеги Каба уулу Кожомкул атындагы спорт ордосунда алыш бел боо күрөшүнүн эркин жана классикалык түрү боюнча өлкө чемпионаты жыйынтыкталды

Анын айтымында, 12 салмак боюнча 20-февралда күрөштүн классикалык түрүнөн жеңүүчүлөр аныкталса, 21-февралда эркин стилинин балбандары кармашкан.

Классикалык түрү боюнча эркектер арасында Марлен Абдурасулов (60 килограмм), Бекмамат Бейшенов (70), Мадаминбек Шаршеналы уулу (80), Жаныбек Аллакулов (90), Акылбек Торобеков (100) жана андан оор салмактагылар арасында Кадыр Келсинбеков чемпион болушту.

Ал эми алыш күрөшүнүн эркин түрүнөн Роман Сапаров (60 килограмм), Адилет Кубатбек уулу (70), Азизхан Мусабек уулу (80), Чыңгыз Чалабаев (90), Исламбек Алик уулу (100) жана эң оор салмакта Ымангазы Койлуев жеңүүчү деп табылды.

Кыз-келиндерден классикалык күрөштө Мадина Сартбаева (55 килограмм), Бегайым Акбалаева (60), Элза Абдыкадырова (65), Жумагүл Нурмырзаева (70), Гульзат Мырзабекова (75) жана эң оор салмактагы балбан кыздар арасында Зарина Байтерекова биринчи орунду камсыздады.

Ал эми эркин стили боюнча Элзада Момунжанова (55 килограмм), Мээрим Момунова (60), Нурзат Бактияр кызы (65), Нурзада Мыктыбек кызы (70), Адина Нурматова (75) жана эң оор салмак даражасында Нагира Сарбашева чемпион болушту.

"Чемпионатка республика боюнча жалпысынан 250 балбан катышты. 70 килограмм салмакта 90 спортчу (эркектер) күч сынашты. Мелдештин жыйынтыгы менен Дүйнөлүк Көчмөндөр оюндарында, дүйнө жана Азия чемпионатында намыс талаша турган спортчулар тандалат", — деди Усенбеков.

Биринчи, экинчи жана үчүнчү орунду ээлеген балбандар медалдар жана дипломдор менен сыйланды.

Турнир спорттун улуттук түрлөрүн өнүктүрүү боюнча дирекция менен "Алыш" күрөш федерациясы тарабынан уюштурулду.

145
Белгилер:
чемпионат, бел боо күрөшү, алыш, спорт
Тема боюнча
Мейрамбек Ахметов Венгрияда өтчү күрөш турнирине калыстык кылууга чакырылды
Бишкекте алыш күрөшүнүн чеберлери күч сынашып, ага кыздар да катышууда. Сүрөт
Дүйнө чемпиону Айсулуу Тыныбекова. Архив

Жыгылып, кайра турду. Тыныбекованын Киевде жеңишке жеткен видеосу

2710
(жаңыланган 20:58 28.02.2021)
Тыныбекова 62 килограмм салмактагылар арасында күч сынашты. Алтын үчүн кармашта украиналык күчтүү балбан менен кез келди.

БИШКЕК, 28-фев. — Sputnik. Дүйнө чемпиону Айсулуу Тыныбекова Киев шаарында өтүп жаткан эл аралык турнирдин финалында украиналык Илона Прокопевнюкту 9:7 эсеби менен утуп, алтын медалдын ээси болду. Бул тууралуу аталган өлкөнүн Күрөш федерациясынын расмий сайтында айтылат.

Кыздардын кармашын социалдык тармактагы спорттук баракчалар чыгарды.

"Биздин чемпион үчүн өтө мээнеттүү жеңиш болду", — деп жазылан спорттук баракчада.

Кыргызстандык балбан квалификациялык этапта Мариана Састинди (Венгрия), 1/8 финалда алжирлик Амэль Хаммичени 11:0 эсебинде утса, чейрек финалдагы атаандашы Наталья Кубатынын (Польша) далысын тийгизип, таза жеңишти камсыздаган. Жарым финалда ал өзбекстандык спортчу Раяна Абдурасулованы 10:0 эсебинде техникалык артыкчылык менен жеңип алган.

2710
Белгилер:
видео, жеңиш, күрөш, балбан, Айсулуу Тыныбекова, Киев
Тема боюнча
Жеңишти алдырып ийди! Жоламан Шаршенбеков Киевдеги турнирде утулган видео
Грек-рим күрөшүнүн белгилүү балбаны Жоламан Шаршенбеков. Архив

Жеңишти алдырып ийди! Жоламан Шаршенбеков Киевдеги турнирде утулган видео

410
(жаңыланган 18:57 28.02.2021)
Шаршенбеков Кыргызстан эгемендик алгандан бери дүйнө чемпионатынан күмүш медаль тагынган экинчи кыргызстандык. Биринчи жолкусун Канат Бегалиев алган.

БИШКЕК, 28-фев. — Sputnik. Грек-рим күрөшүнүн белгилүү балбаны Жоламан Шаршенбеков Киевдеги эл аралык турнирдин финалында ирандык Алиреза Неджатиге 1:5 упай эсебинде утулуп, күмүш медаль тагынмай болду. Бул тууралуу аталган өлкөнүн Күрөш федерациясынын расмий сайтында айтылат.

Балбандар 60 килограмм салмак ченде күч сынашты. Алардын кармашын социалдык тармактагы спорттук баракчалар чыгарды.

"Жеңишти камсыздоого бир нече эле секунд жетпей калды. Ал ыкманы кармашуу аяктагандан кийин жасап калды. Анын үстүнө Кыргызстандын чемпионатынан кийин дароо бул турнирге катышууга туура келди", — деп жазылган спорттук баракчада.

Кыргызстандык балбан 1/16 финалда алжирлик Абдельжеббар Жеббарини утса, 1/8 финалда грузиялык Дато Чхартишвилини, чейрек финалда Иво Ангеловду (Болгария) жеңип алган. Ал эми жарым финалда украиналык Виктор Петрикти 12:4 эсебинде таза техникалык артыкчылык менен уткан болчу.

Украинанын чыгаан балбандарынын жана машыктыруучуларынын элесине арналган XXIV эл аралык мелдеш кечээ башталган.

Жоламан Шаршенбеков Кыргызстан эгемендик алгандан бери дүйнө чемпионатынан (2018) күмүш медаль тагынган экинчи кыргызстандык. Биринчи жолкусун Канат Бегалиев (2006) алган.

Ал эми дүйнө чемпионатынан алтынды 2019-жылы Айсулуу Тыныбекова алганы белгилүү.

410
Белгилер:
жеңилүү, чемпионат, балбан, Жоламан Шаршенбеков, Киев
Тема боюнча
Айсулуу Киев мелдешинде атаандаштарын ишенимдүү утуп, финалга чыкты
Антонина Шевченко май айында беттешет. Атаандашы ким
Кишилер Facebook логотибине заметкаларды жазып жатышат. Архив

Facebook жүздү таануу технологиясын колдонгону үчүн 650 млн. доллар айыпка жыгылды

0
(жаңыланган 15:13 01.03.2021)
2015-жылы штат жашоочулары Facebook компаниясына каршы доо арыз жазышкан. Анда тургундар компанияны биометрикалык маалымат чогултуу үчүн жүзүнөн таануу технологияларын колдонууда мыйзам бузган деп айыпташкан.

БИШКЕК, 1-мар. — Sputnik. Американын Иллинойс штатынын тургундары Facebook компаниясы адамдын жүзүн таануу технологиясын колдонгондугу үчүн сотко берип 650 миллион доллар төлөттүрүп алды. Бул тууралуу Chicago Tribune гезити жазды.

2015-жылы штаттын жашоочулары Facebook компаниясына каршы доо арыз жазышкан. Анда тургундар компанияны биометрикалык маалымат чогултуу үчүн адамды жүзүнөн таануу технологияларын колдонууда мыйзам бузган деп айыпташкан. Facebook талашты жөнгө салуу үчүн 650 миллион доллар сунуштаган, андан мурда компания 550 миллион берерин айткан. Бирок Сан-Францисконун аймактык соту бул сумманын жетиштүү экенинен күмөн санаган.

Соттун чечимине ылайык, штаттагы 1,6 миллион тургундун сотко кайрылгандарынын ар бири компенсация катары 345 доллардан алмай болду. Каражаттын бир бөлүгү юристтин ишине жумшалат.

Маалыматта Facebook мындан ары жүздү таануу автоматтык технологиясын колдонбой турганы белгиленди. Компания колдонуучулар буга чейин деле жүздү таануу функциясын колдонуу же колдонбоону өздөрү чечип келгенин, бирок эми ал кызмат өчүк болорун, каалоочулар баракчанын тескөө бөлүмүнөн иштетип алса болорун айтышты.

0
Белгилер:
айып, Facebook, функция, сот, АКШ
Тема боюнча
Компьютерди талкалап кирген хакер эмнелерди көрө алат. Шок кылган видео
Анжелика, Асел, Самара. Instagram баракчасындагы "миллионер" жылдыздар