Шумдук! Кыргызстандык футболчу Роналдиньонун голун кайталаган видео
(жаңыланган 18:59 23.02.2021)
Кыргызстандык спортчунун тепкен тобу бразилиялык Роналдиньонун 2002-жылдагы дүйнөлүк чемпионаттын чейрек финалындагы легендарлуу гол киргизгенин эске салды.БИШКЕК, 23-фев. — Sputnik. Кыргызстандын курама командасынын жана "Бангладеш полис" клубунун оюнчусу Муролимжон Ахмедов Түштүк-Чыгыш Азия премьер-лигасында эсте каларлык топ киргизди.
Посмотреть эту публикацию в Instagram
Беттештин 33-мүнөтүндө Ахмедов "Шейх Джамал" клубунун дарбазасына таамай сокку менен гол киргизген. Топ ага айып сокку катары берилген.
"Бул эмне деген гол! Укмуш гол!" — деген кыргызстандык спортчунун чеберчилигине суктанган комментатор.
Эки клубдун беттешүүсү 3:3 эсеби менен аяктаган.
Бул гол бразилиялык Роналдиньонун 2002-жылдагы дүйнөлүк чемпионаттын чейрек финалындагы легендарлуу гол киргизгенин эске салды. Анда Англия менен Бразилиянын командалары беттешкен. Алгач англиялыктар гол киргизип, андан кийин бразилиялыктар эсепти теңдеген эле. Андан соң Роналдиньо айып соккудан гол киргизип, жыйынтыктоочу эсеп 2:1 болгон. Натыйжада бразилиялыктар жарым финалга чыккан.
Кыргыз-казак эли спорттун улуттук түрлөрүн, элдик оюндарды өнүктүрөт
БИШКЕК, 3-мар. — Sputnik. Кыргызстан менен Казакстан биргеликте улуттук спорттун түрлөрүн жана элдик оюндарды өнүктүрөт. Буга байланышкан макулдашууга президент Садыр Жапаровдун Казакстанга болгон мамлекеттик иш сапарынын алкагында кол коюлганын Жаштар иши, дене тарбия жана спорт агенттиги билдирди.
©
Sputnik / Табылды Кадырбеков
Кыргыз тараптан документке министр Кайрат Иманалиев кол койду.
Макулдашуу эки өлкөнүн тиешелүү министрликтеринин ортосундагы спорттун улуттук түрлөрүн жана элдик оюндарын өнүктүрүүдө кызматташууну бекемдөө максатында иштелип чыккан. Ага ылайык, эки өлкөнүн министрликтери төмөнкүлөр жөнүндө макулдашышты:
- улуттук спорттун түрлөрү боюнча эл аралык мелдештерди өткөрүү, ошондой эле Кыргызстандын жана Казакстандын улуттук спорттун түрлөрүн эл аралык аренага жайылтууда бири-биринин демилгелерин колдоо;
- спорттун улуттук түрлөрү боюнча федерациялар менен ассоциациялардын ортосундагы кызматташтыкты орнотууга, спорттогу эл аралык федерациялардын жана ассоциациялардын иш-аракеттеринин алкагында алардын өз ара аракеттенишине көмөктөшүү;
- улуттук спорттун түрлөрүнүн стандарттарын жана эрежелерин өркүндөтүү боюнча биргелешкен аракеттерди колдоо;
- спорттук машыктыруучуларды жана спортчуларды даярдоодо, ошондой эле Кыргызстан жана Казакстандын улуттук спортунун түрлөрү жана элдик оюндары жаатында адистердин тажрыйба алмашуусуна көмөктөшүү;
- Кыргызстан жана Казакстандын турмушундагы маанилүү даталарга жана окуяларга арналган спорттук иш-чараларды уюштуруу жана өткөрүү боюнча биргелешкен иш-чараларды кубаттоо.
Абдурахманхаджи Муртазалиев КРдин эмгек сиӊирген спорт чебери наамын алды
(жаңыланган 18:21 02.03.2021)
Муртазалиев 2019-жылы Нур-Султан шаарында өткөн грэпплинг боюнча дүйнө чемпионатында алтын байге уткан. Ошондой эле ачык имараттагы Азия оюндарынан коло медаль алган.БИШКЕК, 2-мар. — Sputnik. Кыргызстандык жиу-житсучу жана грэпплер Абдурахманхаджи Муртазалиевге "КРдин эмгек сиӊирген спорт чебери" наамы ыйгарылды. Бул тууралуу Жаштар иши, дене тарбия жана спорт агенттиги кабарлады.
Тиешелүү чечим "КРдин 2021-2024-жылдарга карата бирдиктүү спорттук классификациясы" токтомуна ылайык кабыл алынган.
©
пресс-служба мэрии города Бишкек
Муртазалиев 2019-жылы Нур-Султан шаарында өткөн грэпплинг боюнча дүйнө чемпионатында алтын байге уткан. Ошондой эле жиу-житсу боюнча Азия чемпиону, жабык имараттагы Азия оюндарынын алтын байге ээси жана ачык имараттагы Азия оюндарынан коло медаль алган. Мындан тышкары, Жиу-житсу улуттук федерациясынын президенти.
Италияда коронавирустун "нигериялык" штаммы табылды
(жаңыланган 10:46 03.03.2021)
Бул штамм улам-улам мутацияланып турат, учурда коронавируска каршы чыгарылган вакциналар таасир этпеши мүмкүн.БИШКЕК, 3-мар. — Sputnik. Коронавирустун "нигериялык" штаммы Италиянын түндүгүндөгү Ломбардия провинциясынын Брешия шаарында табылды. Бул тууралуу ANSA агенттиги Италиянын вирусологдор коомунун президенти, микробиологиялык лабораториянын директору Арнальдо Карузого таянып билдиргенин РИА Новости жазды.
Адистин билдиришинче, бул штамм улам-улам мутацияланып турат, учурдагы вакциналар натыйжасыз болушу мүмкүн.
©
Sputnik / Евгений Одиноков
Нигерияда коронавирустун жаңы штаммы табылганы декабрь айында маалым болгон. Африкалык ооруларды көзөмөлдөө жана алдын алуу борборунун (CDC) маалыматы боюнча, жаңы вариант Нигериянын Осун штатында чогултулган үлгүлөрдүн арасында эки бейтаптын анализин изилдөөдө табылган.
Буга чейин декабрдын орто ченинде Улуу Британияда коронавирус — VUI-202012/01 мутациясы табылган. Кийинчерээк ал мурунку вируска салыштырмалуу 56-70 пайызга тезирээк тарай турганы маалым болгон. Ошондой эле бул штамм бейтаптарды өлүмгө алып келиши мүмкүн экени айтылган болчу.