Кыргызстандык "Месси" Гүлжигит Алыкуловдун гол киргизип, кайра пас берген видеосу

© Фото / пресс-служба ФК "Кайрат"Алматылык "Кайрат" клубунун кыргызстандык футболчусу Гүлжигит Алыкулов. Архив
Алматылык Кайрат клубунун кыргызстандык футболчусу Гүлжигит Алыкулов. Архив - Sputnik Кыргызстан, 1920, 14.03.2021
Жазылуу
Командага жеңиш жана үч упай алып келген учурлардын видеосун "Кайрат" өзүнүн Instagram баракчасына чыгарды.
БИШКЕК, 14-мар. — Sputnik. Алматылык "Кайрат" клубунун кыргызстандык футболчусу Гүлжигит Алыкулов "Жетису" командасына гол киргизип, дагы бир голго пас чыгарып берди. Жеңиш жана үч упай алып келген учурлардын видеосун команда өзүнүн Instagram баракчасына чыгарган.
Командалар Казакстандын быйылкы чемпионатынын алкагында кечээ, 13-мартта, Алматыда беттешти.
Оюндун 69-мүнөтүндө алматылыктардан Небойша Косович алыстан тээп гол киргизип, эсепти ачкан. Ага кыргызстандык футболчу топ чыгарып берген.

Посмотреть эту публикацию в Instagram

Публикация от «ҚАЙРАТ» ФК | FC KAIRAT (@f.c.kairat)

Арадан үч мүнөт өтпөй капталдан чабуулга кирген Алыкулов коргоочуну буйтап өтүп, дарбазанын алыскы бурчуна тээп гол киргизген.

Посмотреть эту публикацию в Instagram

Публикация от «ҚАЙРАТ» ФК | FC KAIRAT (@f.c.kairat)

Алыкулов башкы курамга кирип ойноп, 78-мүнөттө алмашууга чыгарылган.
Бул анын Казакстандын быйылкы сезондогу экинчи голу. Кыргызстандык "Месси" өлкө кубогунда "Тобол" клубуна каршы оюнда айып аянтынын сыртынан өйдөңкү бурчка таамай тээп, укмуш гол киргизген. Мындан сырткары, бир голдук пас чыгарып берген.
Жаңылыктар түрмөгү
0