Биринчи вице-премьер Артём Новиков балдар жана өспүрүмдөр спортун өнүктүрүү боюнча кеңешме учурунда

Артём Новиков өспүрүмдөр спортун жайылтуу үчүн 6 тапшырма берди

(жаңыланган 15:26 16.03.2021)
Новиков Жаштар иши, дене тарбия жана спорт боюнча мамлекеттик агенттиги ушунча жылдан бери спорттун түрүн өнүктүрүү жана сергек жашоо мүнөзүн жайылтуу боюнча кандай иштерди алып барып жаткандыгы түшүнүксүз экенин айтып, сындады.

БИШКЕК, 16-мар. — Sputnik. Өлкөдө балдар жана өспүрүмдөр спорту өнүкпөй жатат, себеби – балдар машыгуучу жайлар жана тийиштүү инфраструктура жок. Бул тууралуу биринчи вице-премьер Артём Новиков балдар жана өспүрүмдөр спортун өнүктүрүү боюнча кеңешмеде айтканын өкмөттөн билдиришти.

  • Первый вице-премьер-министр КР Артем Новиков на совещании по развитию детского и юношеского спорта
    Өлкөдө балдар жана өспүрүмдөр спорту өнүкпөй жатат, себеби – балдар машыгуучу жайлар жана тийиштүү инфраструктура жо
    © Пресс-служба правительства / Алишер Алиев
  • Первый вице-премьер-министр КР Артем Новиков на совещании по развитию детского и юношеского спорта
    Бул тууралуу биринчи вице-премьер Артём Новиков балдар жана өспүрүмдөр спортун өнүктүрүү боюнча кеңешмеде айтканын өкмөттөн билдиришти
    © Пресс-служба правительства / Алишер Алиев
  • Первый вице-премьер-министр КР Артем Новиков на совещании по развитию детского и юношеского спорта
    Новиков спортту өнүктүрүү маселеси четте калганын белгилеген.
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Өлкөдө балдар жана өспүрүмдөр спорту өнүкпөй жатат, себеби – балдар машыгуучу жайлар жана тийиштүү инфраструктура жо

Новиков спортту өнүктүрүү маселеси четте калганын белгилеген.

"Адамдын ден соолугунун сактыгынын 50 пайызы анын кыймыл активдүүлүгүнөн көз каранды. Балдар жана өспүрүмдөр спортун өнүктүрүү маселеси четте калууда. Статистика көрсөткөндөй, 2016-жылдан тарта спорттук объектилердин саны бир нече эсеге кыскарган. Жаштар иши, дене тарбия жана спорт боюнча мамлекеттик агенттиги ушунча жылдан бери спорттун түрүн өнүктүрүү жана сергек жашоо мүнөзүн жайылтуу боюнча кандай иштерди алып барып жаткандыгы түшүнүксүз", — деди вице-премьер.

Новиков программа жана долбоорлордун көпчүлүгү иштебейт.

"Мисалы, өкмөттүн "2018-2022-жылдар аралыгындагы Кыргызстандагы спорт" программасынын биринчи пункту катары тегиз аянттарды куруу милдети коюлган жана анда каржылоо булагы да көрсөтүлгөн. Биздин чечимдер кагазда гана калып, ишке ашырылбай жаткандай туюлат", — деди ал.

Кеңешменин жыйынтыгы боюнча 2021-жылдын март айынын соңуна чейин төмөндөгүлөрдү аткаруу тапшырылды:

  • бардык спорт аянттарын жана залдарды инвентаризациядан өткөрүү, спорт объектилерин куруу жана оңдоо зарыл болгон объектилердин тизмесин даярдоо;
  • балдар жана өспүрүмдөр спортун өнүктүрүү долбоору боюнча мамлекеттик-жеке өнөктөштүк алкагында сунуштарды киргизүү;
  • 2021-жылдын 1-сентябрынан тарта Кыргызстандын Билим берүү жана илим министрлиги Маданият, маалымат, спорт жана жаштар саясаты министрлиги менен биргеликте мектеп спортун өнүктүрүү боюнча "Мектеп лигасы" биргелешкен долбоорун ишке киргизүү;
  • спортту өнүктүрүү жана жайылтуу үчүн инвесторлорду тартуу боюнча ишти активдештирүү;
  • 2021-жылдын март айынын соңуна чейин балдардын машыгуусу үчүн мектептердин жана мамлекеттик агенттиктин машыктыруучулары менен кызматташууну калыбына келтирүү механизмин даярдап чыгуу;
  • жергиликтүү өз алдынча башкаруу органдары мамлекеттик же муниципалдык менчиктеги спорттук объектилерге карай балдардын акысыз түрдө жеткиликтүүлүгүн камсыздоо.
Белгилер:
тапшырма, спорт, жаштар, Артем Новиков
Тема боюнча
Аба ырайынан улам футбол боюнча өлкө чемпионатынын беттештери жылды
Оор атлетчилер Азия чемпионатына даярданууда. Залдагы сүрөттөр
Футболчу Гүлжигит Алыкулов Азия боюнча "Аптанын оюнчусу" болду

Намыска жарап... Шевченконун UFC уюмундагы титулдук беттештери. Видео

Абсолюттук мушкерлер уюму (UFC) кыргызстандык Валентина Шевченконун чемпиондук кур үчүн кармашкан бардык беттештерин топтоду.

Видео UFC Russia YouTube-каналына жүктөлдү.

Валентина Шевченко беделдүү уюмдун бел курун 2018-жылы польшалык Жоанна Енджейчикти уткандан кийин тагынган. Муну менен кыргызстандык мушкер биринчи жолу мурдагы совет өлкөлөрүнүн ичинен кыз-келиндер арасында UFC уюмунун чемпиондук наамына ээ болгон.

2019-жылы 8-июнда АКШнын Чикаго шаарында өткөн UFC 238 мелдешинде америкалык Жессика Айды башка тээп утуп, наамын алгач ирет коргогон

Ошол эле жылы америкалык Лиз Кармушту калыстардын чечими менен жеңген. Ал эми былтыр америкалык Кэтлин Чукагянды техникалык нокаут менен утса, бразилиялык спортчу Женнифер Майяны упайдын эсебинде жеңди.

Ушул дем алышта Шевченко бешинчи ирет титулун коргомокчу. Аны менен минималдык салмак категориясынын мурдагы чемпиону Жессика Андраде беттешет.

Белгилер:
чемпион, мушкер, спорт, UFC, Валентина Шевченко, Кыргызстан
Тема боюнча
Дана Уайт: Шевченко удаасы менен эки супер беттеш өткөрүшү мүмкүн
Жессика Андраде атаандашы Валентина Шевченконун алсыз жактарын атады
UFC Шевченко менен Андраденин беттешине карата проморолик жарыялады
Альпинисттер. Архивдик сүрөт

1-май күнү Кыргызстанда эл аралык "Альпиниада 2021" мелдеши өтөт

Иш-чаранын негизги максаты — спорттун альпинизм, аскага чыгуу сыяктуу түрлөрүн пропагандалоо, спортчулардын квалификациясын жогорулатуу жана элди сергек жашоого үндөө.

БИШКЕК, 22-апр. — Sputnik. 1-майда Ала-Арча капчыгайында "Альпиниада – 2021" эл аралык мелдеши болот. Бул тууралуу Экономика жана финансы министрлигине караштуу Туризм департаментинен билдиришти.

Анын катышуучулары өз тандоосуна жараша Комсомол чокусуна, Рацек үйүнө жана Адигине көлүнө бара алат. Ага чет өлкөлөрдөн жана жергиликтүү спортчулардан 200дөй кишинин катышары күтүлүп жатат.

Иш-чаранын негизги максаты — спорттун альпинизм, аскага чыгуу сыяктуу түрлөрүн пропагандалоо, спортчулардын квалификациясын жогорулатуу жана элди сергек жашоого үндөө.

Комсомол чокусуна жашы 16дан өткөндөр гана бара алат. Жалпысынан жүрүшкө спортчулар топ-топко бөлүнүп катышат. Ар бир топто бештен онго чейин киши болушу керек.

Белгилер:
туризм, мелдеш, иш-чара, Ала-Арча капчыгайы, Кыргызстан
Тема боюнча
Кадыралиев: бизге туристтер көбүнчө Казакстандан жана Россиядан келишет
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар