Оштун Достук командасы көк бөрү боюнча Нооруз майрамына арналган мелдештин жогорку лигасында Ала-Тоо командасын 7:2 эсебинде утту

"Достук" Манас Ниязов баштаган "Ала-Тоону" жеңип алды. Сүрөт

210
(жаңыланган 17:41 17.03.2021)
Оштун эки командасы кечээ өткөн чүчү кулактын жыйынтыгында "В" тобуна бөлүнгөн. Бүгүн жогорку лигадагы командалардын тайпалык алгачкы оюндары өттү.

БИШКЕК, 17-мар. — Sputnik. Оштун "Достук" командасы көк бөрү боюнча Нооруз майрамына арналган мелдештин жогорку лигасында "Ала-Тоо" командасын 7:2 эсебинде утту. Бул тууралуу аталган спорттун улуттук федерациясы Instagram баракчасына жазды.

Оштун эки командасы кечээ өткөн чүчү кулактын жыйынтыгында "В" тобуна бөлүнгөн болчу. Бүгүн жогорку лигадагы командалардын тайпалык алгачкы оюндары өттү.

  • Спортсмены во время матча кок бору на соревнованиях к празднику Нооруз
    Оштун "Достук" командасы көк бөрү боюнча Нооруз майрамына арналган мелдештин жогорку лигасында "Ала-Тоо" командасын 7:2 эсебинде утту
    © Фото / пресс-служба ГАМФКиС
  • Спортсмены во время матча кок бору на соревнованиях к празднику Нооруз
    Оштун эки командасы кечээ өткөн чүчү кулактын жыйынтыгында "В" тобуна бөлүнгөн болчу
    © Фото / пресс-служба ГАМФКиС
  • Спортсмены во время матча кок бору на соревнованиях к празднику Нооруз
    Бүгүн жогорку лигадагы командалардын тайпалык алгачкы оюндары өттү
    © Фото / пресс-служба ГАМФКиС
  • Спортсмены во время матча кок бору на соревнованиях к празднику Нооруз
    Оюндар Ысык-Көлдүн Чолпон-Ата шаарындагы ат майданында өтүп жатат
    © Фото / пресс-служба ГАМФКиС
  • Спортсмены во время матча кок бору на соревнованиях к празднику Нооруз
    Белгилей кетсек, Нооруз майрамына карата мелдештер Болот Шерниязов, Болот Шамшиев, Темир Дүйшекеевдин жаркын элесине арналды.
    © Фото / пресс-служба ГАМФКиС
1 / 5
© Фото / пресс-служба ГАМФКиС
Оштун "Достук" командасы көк бөрү боюнча Нооруз майрамына арналган мелдештин жогорку лигасында "Ала-Тоо" командасын 7:2 эсебинде утту

"Ала-Тоо" жогорку лигада алгачкы ирет ойноп жатканына карабай беттешти демилгелүү күү менен баштап, Манас Ниязов удаа ыргыткан эки салымы менен алдыга чыккан. Бирок "Достук" тажрыйбасын көрсөтүп, өзүнүн мурдагы оюнчулары Манас Ниязов жана Таши Майлубашевге каршы коргонуу ыкмаларын таап, тай казанга башка бир да улак салдырган жок. Тескерисинче, мыкты чабуул уюштуруп, оюндун аягында салымдарын жетиге жеткиришти.

"А" тобундагы "Сары-Өзөн" менен "Жаш күч" беттешти 11:6 эсеби менен аяктады.

Эртең "Жаш күч" – "Ынтымак" жана "Ала-Тоо" – "Мурас" командаларынын беттеши болот.

Ал эми Биринчи лиганын командаларынын арасында жарым финалга чыккандары аныкталды.

Эртең "Бакубат-Талас" (Талас) – "Жети-Өгүз" (Ысык-Көл) жана "Кара-Буура" (Талас) – "Сокулук" (Чүй) командалары финалга чыгуу үчүн таймашат.

Оюндар Ысык-Көлдүн Чолпон-Ата шаарындагы ат майданында өтүп жатат.

Белгилей кетсек, Нооруз майрамына карата мелдештер Болот Шерниязов, Болот Шамшиев, Темир Дүйшекеевдин жаркын элесине арналды.

210
Белгилер:
беттешүү, Манас Ниязов, мелдеш, Нооруз, Көк бөрү
Тема боюнча
Бүйүр кызыткан беттеш. Бишкекте сумо боюнча чемпионат өткөрүлөт
Даярдангыла! Апрелде өлкөнүн мыкты жиу-житсучулары тандалат
UFC мурдагы чемпиону Хабиб Нурмагомедов. Архив

Өзү деле билчү... Рамзан Кадыров Хабибди UFC уюмунун долбоору деп атады

101
Чеченстандын башчысы Кадыров чемпион Хабиб Нурмагомедовго өзүнүн "Ахмат" клубунда каалаган салмактагы спортчу жана сураган гонорары менен беттеш өткөрүп берүүгө даяр экенин билдирди.

БИШКЕК, 13-май — Sputnik. Хабиб Нурмагомедов Абсолюттук мушкерлер уюмунун (UFC) долбоору экенин Чеченстандын башчысы Рамзан Кадыров айтып чыкты. Бул тууралуу РИА Новости жазды.

Кадыров социалдык тармагындагы баракчасы аркылуу түз эфирге чыккан. Анын видеосун РИА өзүнүн telegram-баракчасына жайгаштырды.

"Хабиб жакшы спортчу, чемпион, бирок ал 100 пайыз UFC уюмунун долбоору. Себеби уюмдун президенти Дэйна Уайт менен мамилеси жакшы. Адатта мушкерлер беттешке чыкпай койсо рейтингден алып салышат, ага болсо (Хабиб) тийишишкен жок. Өзү деле лиганын долбоору экенин билген. Кандай жол менен бара жатканын туйду, ката кетирбеди, анан чемпиондукка жетти. Эгер ошол калп болсо эмнеге Россиянын же Дагестандын желеги менен чыкпайт. Факт деген факт, ал UFC уюмунун долбоору. Менин пикириме өзү деле кошулса керек", — деген Кадыров.

Ошондой эле Хабиб Нурмагомедовго өзү негиздеген "Ахмат" клубунда каалаган гонорарда, каалаган спортчу менен беттеш өткөрүп берүүгө даяр экенин билдирди.

"UFC мушкерлердин сазайын берчү ал, "Ахматта" ошенте алабы деген суроо. Хабиб каалаган салмактагы спортчу менен жана сураган гонорарында беттеш өткөрүп берүүгө даярмын. Мурдагы сый акыларынан да көп төлөп бере алам", — деген Кадыров.

Мындан тышкары, Швециянын атынан чыгып жүргөн чечен мушкер Хамзат Чимаевди колдоого алып, чемпиондук курга татыктуу экенин айткан. Акырында Хабибге сөз ыргытып, "жеңилбес болуп кеткен чемпиондорго ийгилик" деген.

32 жаштагы Нурмагомедов 29 ирет беттешке чыгып, бир да жолу жеңилген эмес. UFC уюмунда 2012-жылдан бери күч сынашып келип, 13 ирет жеңишке жеткен. Үч жыл мурун Хабиб калыстардын бир добуштан кабыл алган чечими менен америкалык Эл Яквинтаны утуп, жеңил салмактагы чемпион болгон. Андан кийин Конор Макгрегорду, Дастин Порьени жана Жастин Гэтжини утуп, үч ирет наамын коргогон.

2020-жылдын октябрында Хабиб Гэтжи менен кез келип, уткандан кийин карьерасын жыйынтыктай турганын жар салган болчу. Өз чечимин спортчу апасына берген убадасы менен түшүндүргөн. Бул мушкердин атасы, машыктыруучусу Абдулманап Нурмагомедовдун өлүмүнөн кийинки биринчи жана акыркы беттешүүсү болгон.

101
Белгилер:
долбоор, беттешүү, Рамзан Кадыров, Хабиб Нурмагомедов, UFC
Тема боюнча
Кайталангыс ирмемдер. Хабибдин UFC уюмундагы кармаштары бир видеого топтолду
Мушкер мелдешүү учурунда. Архив

Спорттун 10 түрү боюнча "Кыргызстандын бермети" турнири өтөт

47
Мелдешке онго чукул мамлекеттин келиши күтүлүп жатат. Уюштуруучулар 8 жаштан 40 жашка чейинки спорчуларды катышууга чакырып өтүштү.

БИШКЕК, 13-май — Sputnik. Өлкөдө спорттун 10 түрү боюнча "Кыргызстандын бермети" турнири өтөрүн уюштуруучулар билдирди.

Посмотреть эту публикацию в Instagram

Публикация от Бекболсун Советбеков (@bekbolsun_sovetbekov)

Мелдеш 5-июлдан 11-июлга чейин Ысык-Көл районунун Чоң-Сары-Ой айылында болот.

Турнирдин программасына ушу-саньда, маст-рестлинг, тай бокс, грэпплинг, кикбокс, кармашуу, таэквондо, К-1, армрестлинг, аралаш мушташ камтылган.

Уюштуруучулар мелдешке 10го чукул мамлекеттин спортчулары келиши күтүлүп жатканын айтты. Ошондой эле 8 жаштан 40 жашка чейинки спортчуларды катышууга чакырып өтүштү.

47
Белгилер:
спорт, турнир, Ысык-Көл
Тема боюнча
Бишкекте 22-23-майда жеңил атлетика боюнча фестиваль өтөт
Индияылк ишкер Сандип Бижауат

Чет өлкөлүктөрдүн кайсы адаты кыжырга тиет. Бишкектеги индиялык ишкердин маеги

0
(жаңыланган 19:41 13.05.2021)
Кыргызстанда Индиядан келген студенттер кандай күн көрөт, мекендештер чет жерден келгендердин кандай жүрүм-турумун көтөрө албайт? Ошондой эле Бишкекте "чоочун" кишинин бизнес жүргүзүшү канчалык оор? Бул суроолорго ишкер Сандип Бижауаттан жооп алдык.

Индиялык Сандип Бижауат Кыргызстанга он жыл мурун медициналык билим алуу үчүн келген. Жаш жигит дарыгер болуп чыккан жок, анткен менен музыкалык топ түзүп, баш калаада жергиликтүү музыканттар да автордук чыгармаларын аткара алчу жай ачууга үлгүргөн.

— Кыргызстанга эмнеге көчүп келдиңиз эле?

— Ата-энем мени медик болсо дешчү. Индияда бул кесип келечектүү болуп эсептелет. Жогорку билим алуу үчүн келгем, бирок медицина көңүлүмө төп келбегенин билчүмүн.

Чыгармачылык менен алектенгим келчү, Болливудду кыялданар элем. Дал ушул себептен Бишкекте бир жыл жашап, мекенге кайткам. Мумбайда өзүмдү сынап көрүүнү пландагам. Атам менен апам мунумду жактырган жок. Көп өтпөй медициналык жогорку билимимди тастыктаган диплом алуу үчүн кайра Бишкекке кайттым. Окууну аяктап, ата-энеме дипломду карматкан соң жан дүйнөм каалаган музыка жана чыгармачылыкта чыйыр саларымды макулдаштык. 

Владелец арт-кафе и музыкант Сандип Бижауа
© Sputnik / Табылды Кадырбеков
Индиялык Сандип Бижауат Кыргызстанга он жыл мурун медициналык билим алуу үчүн келген

— Бишкекке көнүш кыйын болдубу?

— Алгач сентябрь айында келгем, кыйла салкындап калыптыр. 17 жашымда бейтааныш калаада жалгызмын десеңиз. Анда орусча таптакыр билбейм, англис тилдүүлөр менен да тааныша элек кезим.

Бардык нерседе – соода кылууда, маршрутка же такси менен барар жериңе жетип алышта да түшүндүрө албай кыйналасың... Азыр эми ар бир экинчи киши англисче сүйлөйт, он жыл мурун башкача болчу. Мындай шартта бачым көнөсүң, орусчаны үйрөнүп, кыргызчаны чала-була сүйлөп калдым. Албетте, укмуш билбейм, бирок баарлаша алам. Баса, адеп келгенде батирди ижарага алуу да өзүнчө бир машакат эле. Үйдү ижарага берүүчүлөрдүн көбүнө телефон чалып чыктым. Бирок индиялык бир же бир нече студент издеп жатканын угушканда батир эбак берилгенин айта салышат.

Бир жолу менин жолум болбой жатабы же кеп Индиядан келген студенттерге өзгөчө мамиледеби текшерип көрүүнү чечтим. Ижарачылардын бирине кайрадан телефон чалып турак жайды издеп жаткандар америкалык балдар экенин айттым. Эртеси эле күнү батирди берүүгө даяр болушту!

Азыр баары жеңил, жаңы келген студенттерге калаада мурдатан жайгашып калган чет өлкөлүктөр көмөктөшөт. Албетте, акысыз эмес, бирок адамдар эмне үчүн төлөп жатканын түшүнсө төлөп берүүгө даяр. Ошондой эле үйдү ижарага берген жергиликтүү жашоочулар сырттан келген студенттер пайдалуу кардар экенин билишет. Анан да мындай ижарачылар көпчүлүк учурда акыны толук көлөмдө беришет. Алар окууну аяктаганча сиздин батириңизде жашагандыктан жаңы тургундарды издеп убара тартпайсыз. 

Владелец арт-кафе и музыкант Сандип Бижауа
© Sputnik / Табылды Кадырбеков
Владелец арт-кафе Сандип Бижауат

— Кыргызстанда чет өлкөлүктөрдүн коопсуздугу тууралуу маселе көп көтөрүлөт. Дал ошол себептен студенттер топтошуп алып, санаалары тынч жүрөрүн айтышат. Сиз андай жагымсыз жагдайларга кабылган жоксузбу?

— Башында санааркачумун, кээде бейтааныш адамдар негизсиз доомат айтып калышчу. Бир-эки ирет мушташып калган жайым да бар. Кийин андайлар токтоду. Менимче, болгону жашоого болгон мамилемди өзгөрттүм, бир убакта оор сезилген кырдаалдар саламаттык үчүн арзыбай турганын түшүндүм окшойт. Чындап эле Индия жана Пакистандын көп жарандары топ-топ болуп сейилдөөнү ылайык көрөт, анткени ушундай жүргөн коопсуз. Менимче, адамдар бул жакта канчалык узак жашаса, ошончолук жагымсыз жагдайларга кабылбоого тырышат. Балким, бул көбүнесе чет өлкөлүктөр да жергиликтүү маданиятка ыктап калгандыктан болушу мүмкүн. Мисалы, Индияда ушундай маек куруп жатсам, үнүмдү бийик чыгармакмын. Биз телефондон, видеобайланышта катуу сүйлөгөндү жактырабыз. Ал эми бул жакта андай нерсе натуура көрүнүш, чет өлкөлүккө "акырын болуу" эскертилет. Бишкектиктер катуу сүйлөп, алардын тынчтыгын бузгандарга кыжырданат.

— Былтыр чет өлкөлүктөрдүн билим сапаты боюнча маселе абдан курчуду. Кеп Пакистан жөнүндө, КР окуу жайларынын бир тобу кара жана боз тизмеге киргизилген. Сиз медиктерди даярдоо деңгээлин кандай баалайсыз?

— Жеке менин мисалым анчейин ылайык болбос, себеби башынан эле бул кесипти каалаган эмесмин. Дипломду гана колго алып, ата-энеме тапшыруум керек болчу. Улуу муундун өкүлдөрү да, алар качандыр бир анын пайдасы тиерине ишенишет. Жакындарымды кыйбай Индияда медициналык квалификациямды тастыктай турган экзамен тапшыргам. Эки жолу кулап калдым. Дегеле кызыгуум жок эле, дарыгерлик – табият даарыган кесип, ири жоопкерчилик, андайды өз мойнума алууга даяр эмесмин. 

Владелец арт-кафе и музыкант Сандип Бижауа
© Sputnik / Табылды Кадырбеков
Владелец арт-кафе Сандип Бижауат

— Журналисттер ар бир чет өлкөлүк жаранга бере турган суроону сизге да узатайын. Кыргызстан менен мекениңиздин жарандарынын кандай окшош жагы бар?

— Мекенимдегилер шаан-шөкөттүү салтанаттарды жактырышат, бул жакта тойлор өтөт эмеспи. Индиялык үй-бүлөлөрдө, кыргызстандыктардай сымал эле жаштар баш кошкондо кыздын төркүнү сеп берет. Ачыгы, Индияда бул салт терс кабыл алынчу болду, анткени кыз тарап көп оокат берүүгө тийиш. Турмушка чыккан кыз ата төрүнөн узаган соң кийин алар алдан тайып карыганда да бага албайт. Ушундай көрүнүштөрдөн улам кыздуу болорун билишкенде аялдардын бир далайы бойдон алдырышкан. Кайсы бир убакта кырдаал жетер чегине жетип, мамлекеттик деңгээлде медиктерге уул же кыз төрөлөрүн жубайларга алдын ала айтууга тыюу салынган. Азыр кыздарга сеп чогултууда терс жагдай жок. Жаш бүлөгө жардамдашууга жакындарынын чама-чаркы келсе гана көмөктөшөт.

— Frunze Streeets тобун түзүпсүз, ошондон кеп салсаңыз.

— Музыкага кызыгып келгем. Кыргызстанда өз демилгелеримди биргеликте ишке ашыра алчу санаалаштарды кезиктирдим. Биз ырдын сөзүн жазып, обон жаратабыз, клип тартабыз. Булардан тышкары, музыкалык тобубуз бар, Бишкекте автордук ыр жазган жамааттарды өз чыгармаларын аткара алчу арт-кафе ачтык.

Каверлерге эч кандай каршылыгым деле жок, кээде биздин музыканттар түп нускасынан кем калбагыдай аткарышат. Бирок мен дайым өзүмдөн чыккан чыгармаларды сунгум келет. Ушундай жол менен гана угармандын жүрөгүнөн түнөк тапчу жаңы бир нерсе жаратууга болот.

— Айрым музыканттар Бишкектеги эс алуучу жайлардын кардарлары автордук музыканы жактырышпайт, көпчүлүгү алигүнчө "Despasito" ырын коюну сурана беришет деп даттанып калышат.

— Баары ошол жай жана анын меймандарына жараша. Өз ырларын аткарышы үчүн музыканттарды атайын чакырабыз. Дал ошолордун ырларын тыңдап, чыгармачылыгынан ырахат алчу адамдар келет. Барды жаңыдан ачып жатканда анын концепциясы кардарларга ушунчалык жагарына анчалык ишенген эмесмин...

Былтыр жайда бар өрттөнүп кетти. Баарын өз колубуз менен жасап, статуэткалар көп эле, эмеректер да кол эмгеги болчу... Бүт күлгө айланды.

Кире бериштеги жазуу жана дубалга тартылган карыянын сүрөтү гана калыптыр. Ошол тушта борбор калаада кафе жана башка көңүл ачуучу жайлардын ишине тыюу салынган. Ошол кырсык биздин ишти жөнгө салып кетүүгө болгон үмүтүбүздү да өчүрүп салды. Социалдык медианы пайдалануу жолу менен тыйын топтоочу аянттардын бирине барды калыбына келтирүүгө көмөктөшүүнү өтүнүп жарыя жайгаштырдык. Автордук ырлар аткарыларын түшүндүрдүк.

Бир нече апта аралыгында 6 миң евронун тегерегиндеги каражат чогулду. Кубанычымда чек жок эле! Акча дүйнөнүн булуң-бурчунан жыйналды: биздин кафени сүйгөн кардарлар, ал түгүл Бишкекке аяк баса элек адамдар да тыйын которушту. Элге арт-кафе концепциясынын өзү жакты.

Биздин музыкалык топ мен үчүн чоң мааниге ээ. Анан да Бишкек мага аябай жагат, бул шаардын руху бар. Биздин эс алуучу жай да сонун. Адамдар Кыргызстанды баалабай бекер кылышат. Бул өлкөгө куштар тааныштарым бар Индияда. Алар кинематограф менен алектенишет, бул жакка тасма тартууга да бир нече ирет келип кетишкен.

Аларга процессти уюштурууга, актёрлорду, массовка жана башкаларды издөөгө көмөктөшкөм. Бул жактын жаратылышы индиялык кинематографтын форматына төп келип калат. Ошондуктан Болливуд режиссёрлору бул жакта иштегиси келет. 

Владелец арт-кафе и музыкант Сандип Бижауа
© Sputnik / Табылды Кадырбеков
Владелец арт-кафе Сандип Бижауат

— Кыргызстанда чет элдик жаранга бизнес жүргүзүү канчалык кыйын?

— Чынын айтсам, көптөн бери өзүмдү чет элдик деп эсептебейм. Менден качан жана дал эмнени күтүшөрүн так билем. Албетте, Индияда иш алып баруу жеңилирээк болмок, бирок бул жакта мыйзамдарды жакшы билсең, салыкты маалында төлөсөң, документтерди өз жайында жүргүзсөң, жашоо кыйла ыңгайлуу.

— Индия менен Пакистандан келген балдардын кышында жупжука кийинип алганын көп көрүп калам! Эмнеге?

— Ачыгын айтайын, ошону билбейм. Аба ырайына карап кийинүүгө аракет кылам, Кыргызстанда айрыкча кышкысын аябай суук. Менин мекенимде ал маалда орточо +15 градус, ал эми Бишкекте –20га чейин жетиши ыктымал!

0
Белгилер:
диплом, медик, кинематография, кафе, ыр, жаратылыш, Кыргызстан, ишкер, Индия
Тема боюнча
Канададагы англис тили мугалими Айдина: кымбат кийинип дүкөндүн алдын шыпыргандар көп
5000 сом менен баштагам! Кирешелүү бизнес ээси Санжардын маеги