Италиялык футболчу 65 метр аралыктан укмуштуудай гол киргизди. Видео
(жаңыланган 10:06 19.03.2021)
Футболчу 65 метрлик аралыктан таамай тээп гол киргизди. Анын командасы беттеште жеңишке жетишип, бул гол Пушкаш сыйлыгына татый турганы айтылууда.БИШКЕК, 19-мар. — Sputnik. Италиянын "Кремонезе" футбол клубунун коргоочусу Микеле Кастаньетти атаандаштын дарбазасына 65 метр аралыктан тээп, фантастикалуу гол киргизди. Бул тууралуу RT маалымат булагы жазып, голдун видеосун чыгарды.
Utterly ridiculous goal by Michele Castagnetti for Cremonese at Virtus Entella in Serie B pic.twitter.com/W1VuXHBlg3
— James Dart (@James_Dart) March 16, 2021
Керемет окуя Серия B чемпионатынын 29-турунда "Энтелла" менен "Кремонезе" командаларынын беттешинде болду. 60-мүнөттө "Энтелланын" дарбазачысы коноктордун кезектеги чабуулунун мизин кайтарып, топту тосуп алган. Заматта каршы чабуул жасап, топту айып аянтынын сызыгынан каршы тарапка ыргыткан.
Бул учурда "Кремонезенин" коргоочусу Кастаньетти бийикте көкөлөп келген топту жерге түшүрбөстөн 65 метр аралыктан "Энтелланын" дарбазасын көздөй тээп, гол киргизген. Дарбазачы күтүлбөгөн каршы чабуулда топту тосууга жетишпей калган.
Бул беттештеги экинчи гол "Кремонезе" командасына жеңиш алып келип, оюн 2:0 менен аяктаган.
Көрүүчүлөр жана спорттук эксперттер гол кооз болгонун, анын Пушкаш сыйлыгына татый турганын белгилешти.
Белгилер:
Сүйүнчү! Айсулуу Тыныбекова төртүнчү ирет Азия чемпиону болду
(жаңыланган 19:19 16.04.2021)
Тыныбекова этаптык беттештерде Индия, Казакстан, Корея жана Өзбекстандын спортчуларын жеңип, финалга чыккан.БИШКЕК, 16-апр. — Sputnik. Кыргызстандык балбан Айсулуу Тыныбекова Алматы шаарында өтүп жаткан Азия чемпионатынан алтын медаль утуп алды.
Посмотреть эту публикацию в Instagram
Тыныбекова финалда монголиялык балбан менен кез келип, натыйжада 11:0 эсеби менен жеңишти камсыздады.
Ал 62 килограммдык салмак категориясында күрөштү. Этаптык беттештерде Индия, Казакстан, Корея жана Өзбекстандын спортчуларын жеңип, финалга чыккан.
Айсулуу Тыныбекова ушуну менен төртүнчү ирет Азия чемпиондугун багындырууда. Буга чейин Таиланддагы (2016), Индиядагы (2017) жана Кытайдагы (2019) турнирлерден алтын менен кайткан. Ал эми былтыр Нур-Султанда дүйнө чемпиону болуп, Токио Олимпиадасына жолдомо алган.
Купальникчен лыжа тепкен сулуулар. Сочидеги фестивалдан укмуштуу сүрөттөр
Абанын табы +8 гана градус болгонуна карабай сноубордчулар 1 170 метр бийиктиктен зуулдап түшүштү.
Иш-чара өткөн курортко келе албаган спортчулар ага онлайн-форматта катышты. Уюштуруучулар атайын тиркеме иштеп чыгып, иш-чарага дүйнөнүн ар кайсы жеринде туруп катышкандар болду.
BoogelWoogel карнавалы "Роза Хутор" курортунда 2016-жылдан бери өтүп келе жатат. Ага миңдеген спортчулар купальник кийип катышышат. Негизги максат — көңүлдүү убакыт өткөрүү жана Гиннесс рекорддорун жаңылоо.
© AP Photo / Artur LebedevКышкы карнавалга 700 сноубордчу жана лыжа тебүүчү катышты
© Sputnik / Artur LebedevАбанын табы +8 гана градус болгону эч кимди чочулаткан жок
© AP Photo / Artur LebedevСноубордчулар 1 170 метр бийиктиктен зуулдап түшүштү
© Sputnik / Artur LebedevМузыканын коштоосунда жүздөгөн спортчу "учуп" жөнөштү
© Sputnik / Artur LebedevИш-чарага онлайн-форматта катышкандар дагы болду
© AP Photo / Artur LebedevОнлайн катышууну каалагандар үчүн уюштуруучулар атайын теркеме иштеп чыккан
© Sputnik / Artur LebedevСууктан коркпогон катышуучулар
© Sputnik / Artur LebedevОнлайн-форматтагы иш-чарага чет өлкөлүк спортчулар гана эмес, россиялыктар дагы катышты
© Sputnik / Artur LebedevBoogelWoogel карнавалы "Роза Хутор" курортунда 2016-жылдан бери өтүп келе жатат
© Sputnik / Artur LebedevКарнавалдын негизги максаты — көңүлдүү убакыт өткөрүү жана Гиннесс рекорддорун жаңылоо
© Sputnik / Artur LebedevКатышуучулар медициналык кароодон өтүп жатат
© Sputnik / Artur LebedevКатышуучу аял
Белгилер:
Бишкектин жаңы башкы планы тез арада иштелип чыкмай болду
(жаңыланган 22:03 16.04.2021)
"Бишкек башкы архитектура" ишканасында өткөн жыйында шаар куруу боюнча документациялык көйгөйлөрдү тезинен чечүү зарылдыгы айтылды.БИШКЕК, 16-апр. — Sputnik. Бишкек мэриясы менен Транспорт, архитектура, курулуш жана коммуникация министрлигине борбор калаанын жаңы башкы планын иштеп чыгуу өтүнүчүн камтыган кат жиберилет. Бул тууралуу "Бишкек башкы архитектура" мекемесинин маалымат кызматы билдирди.
Учурда иштеп жаткан генералдык пландын мөөнөтү бүтө элек болсо да аракеттер көрүлөт.
©
Пресс-служба правительства / Алишер Алиев
Талкуудан соң Транспорт, архитектура, курулуш жана коммуникация министрлигине айрым процедураларды жөнөкөйлөштүрүү максатында тийиштүү ченемдик-техникалык документацияларды тез арада өркүндөтүү зарылдыгы боюнча кайрылуу чечими кабыл алынды.
"Бишкек мэриясына, Транспорт, архитектура, курулуш жана коммуникация министрлигине Бишкектин учурдагы башкы планынын мөөнөтү бүткөнгө чейин эле жаңысын иштеп чыгуу өтүнүчү менен кат жиберилет", — деп айтылат маалыматта.
Мэрдин милдетин аткаруучу Бактыбек Кудайбергенов буга чейин Бишкек шаарынын башкы планынын ачыктыгын камсыздоо негизги милдеттеринин бири экенин билдирген.
Учурда ордо калаада 2025-жылга чейинки генералдык план иштеп жатат. Ал 2006-жылы кабыл алынып, бекитилген.