UFC уюмунун жеңилбес чемпиону, россиялык мушкер Хабиб Нурмагомедов. Архив

UFC башчысы: Хабиб Нурмагомедов карьерасын расмий жыйынтыктады

(жаңыланган 12:21 19.03.2021)
Россиялык мушкер 2020-жылдын октябрь айында Гэтжини уткандан соң карьерасын жыйынтыктаганын жар салган.

БИШКЕК, 19-мар. — Sputnik. UFC уюмунун жеңилбес чемпиону, россиялык мушкер Хабиб Нурмагомедов расмий түрдө спорттон кетти. Бул тууралуу промоушендин президенти Дана Уайт өзүнүн Twitter баракчасына жазганын Р-Спорт билдирди.

​Уайт муну мушкердин акыркы чечими деп атаган.

"Ал карьерасын расмий түрдө, 100 пайыз жыйынтыктады. Сенин укмуштуудай беттештериңди көрдүк. Кызматташканыбыз үчүн сага рахмат, менин досум, алдыдагы иштериңден ырахат алып жаша", — деп жазган Уайт.

Нурмагомедов 2018-жылы америкалык Эл Яквинтаны утуп, UFC уюмунун жеңил салмактагы чемпиондук курун тагынган. Кийин ирландиялык Конор Макгрегор, америкалык Дастин Порье жана Жастин Гэтжи менен беттешип, наамын ийгиликтүү коргогон.

Россиялык мушкер 2020-жылдын октябрь айында Гэтжини уткандан соң карьерасын жыйынтыктаганын жар салган эле.

Уайт буга чейин Нурмагомедов октагонго кайра чыгарын билдирген. Анын болжолдуу атаандаштарынын ысымдары да аталган. Март айында UFC уюмунун башчысы россиялык мушкерге сентябрь айында беттешке чыгууну сунуштаса ал күлүп жооп бергенин билдирген.

32 жаштагы Нурмагомедов ММА спортунда 29 ирет беттешке чыгып, баарында тең жеңүүчү болгон.

Белгилер:
карьера, UFC, Хабиб Нурмагомедов, Дана Уайт
Тема боюнча
"UFC сыяктуу": Хабиб Нурмагомедовду "КАМАЗ" футбол клубу катарына чакырды
Хабиб жардам берип. Нурмагомедовдун досу Махачевдин UFC турниринде жеңиши. Видео
Кыргызстандык балбан Айсулуу Тыныбекова. Архив

Сүйүнчү! Айсулуу Тыныбекова төртүнчү ирет Азия чемпиону болду

(жаңыланган 19:19 16.04.2021)
Тыныбекова этаптык беттештерде Индия, Казакстан, Корея жана Өзбекстандын спортчуларын жеңип, финалга чыккан.

БИШКЕК, 16-апр. — Sputnik. Кыргызстандык балбан Айсулуу Тыныбекова Алматы шаарында өтүп жаткан Азия чемпионатынан алтын медаль утуп алды.

Посмотреть эту публикацию в Instagram

Публикация от United World Wrestling Asia (@uww.asia)

Тыныбекова финалда монголиялык балбан менен кез келип, натыйжада 11:0 эсеби менен жеңишти камсыздады.

Ал 62 килограммдык салмак категориясында күрөштү. Этаптык беттештерде Индия, Казакстан, Корея жана Өзбекстандын спортчуларын жеңип, финалга чыккан.

Айсулуу Тыныбекова ушуну менен төртүнчү ирет Азия чемпиондугун багындырууда. Буга чейин Таиланддагы (2016), Индиядагы (2017) жана Кытайдагы (2019) турнирлерден алтын менен кайткан. Ал эми былтыр Нур-Султанда дүйнө чемпиону болуп, Токио Олимпиадасына жолдомо алган.

Белгилер:
жеңиш, күрөш, чемпион, Азия, спорт, Айсулуу Тыныбекова
Тема боюнча
Сүйүнүчтүн көз жашы! Мээрим Жуманазарова Азия чемпионатынан алтын утту. Видео
Ыза аралаш жеңиш... Күмүш алган Айпери көзүнө жаш алды. Видео

Купальникчен лыжа тепкен сулуулар. Сочидеги фестивалдан укмуштуу сүрөттөр

Россиянын Сочи шаарында BoogelWoogel деген аталыштагы тоо карнавалы болуп, пляж костюмун кийген 700 спортчу лыжа жана сноуборд тебишти.

Абанын табы +8 гана градус болгонуна карабай сноубордчулар 1 170 метр бийиктиктен зуулдап түшүштү.

Иш-чара өткөн курортко келе албаган спортчулар ага онлайн-форматта катышты. Уюштуруучулар атайын тиркеме иштеп чыгып, иш-чарага дүйнөнүн ар кайсы жеринде туруп катышкандар болду.

BoogelWoogel карнавалы "Роза Хутор" курортунда 2016-жылдан бери өтүп келе жатат. Ага миңдеген спортчулар купальник кийип катышышат. Негизги максат — көңүлдүү убакыт өткөрүү жана Гиннесс рекорддорун жаңылоо.

 

  • © AP Photo / Artur Lebedev

    Кышкы карнавалга 700 сноубордчу жана лыжа тебүүчү катышты

  • © Sputnik / Artur Lebedev

    Абанын табы +8 гана градус болгону эч кимди чочулаткан жок

  • © AP Photo / Artur Lebedev

    Сноубордчулар 1 170 метр бийиктиктен зуулдап түшүштү

  • © Sputnik / Artur Lebedev

    Музыканын коштоосунда жүздөгөн спортчу "учуп" жөнөштү

  • © Sputnik / Artur Lebedev

    Иш-чарага онлайн-форматта катышкандар дагы болду

  • © AP Photo / Artur Lebedev

    Онлайн катышууну каалагандар үчүн уюштуруучулар атайын теркеме иштеп чыккан

  • © Sputnik / Artur Lebedev

    Сууктан коркпогон катышуучулар

  • © Sputnik / Artur Lebedev

    Онлайн-форматтагы иш-чарага чет өлкөлүк спортчулар гана эмес, россиялыктар дагы катышты

  • © Sputnik / Artur Lebedev

    BoogelWoogel карнавалы "Роза Хутор" курортунда 2016-жылдан бери өтүп келе жатат

  • © Sputnik / Artur Lebedev

    Карнавалдын негизги максаты — көңүлдүү убакыт өткөрүү жана Гиннесс рекорддорун жаңылоо

  • © Sputnik / Artur Lebedev

    Катышуучулар медициналык кароодон өтүп жатат

  • © Sputnik / Artur Lebedev

    Катышуучу аял

Белгилер:
иш-чара, лыжа, тоо, Сочи, Россия
Тема боюнча
Апта ирмеми: ич кийимчен кыздардан Марстагы тик учакка чейин
Кыз Ысык-Көл тамырын бөтөлкөсүн сүрөткө тартып жатат

Акониттин кайнатмасы мамлекеттик резиденцияда жасалат. Видео

(жаңыланган 23:42 16.04.2021)
Президенттик аппараттан аконит кайнатмасын даярдоочу имарат толук тазаланганын жана тийиштүү деңгээлде жабдылганын билдиришти.

БИШКЕК, 16-апр. — Sputnik. Коронавируска кабылган бейтаптарды дарылоо үчүн жасалуучу "Ысык-Көл тамырынын" кайнатмасы "Ала-Арча" мамлекеттик резиденциясында жасалат. Бул тууралуу президенттик аппараттан билдиришти.

"Мамлекеттик резиденцияда атайын имарат бөлүнүп берилди, ал толук тазаланган жана талаптагыдай жабдылган. Кайнатма чөп ошол жерден жасалат, атайын жабдуу бар. Ал жерде медицина кызматкерлери бар, министр өзү да катышууда. Медиктер 300дөй ыктыярчыны дарылап сакайтты. Саламаттык сактоо министри өзү бул аракетти колдоп, акырындык менен пайдаланылып жатат", — дешти президенттик аппараттан.

Алар кайнатма чөп кустардык ыкма менен куюлбай турганын белгилешти.

Посмотреть эту публикацию в Instagram

Публикация от Садыр Жапаров (@sadyr_japarov)

Буга чейин Садыр Жапаровдун Instagram баракчасында дарыгерлер коронавирустун башталгыч стадиясындагы бейтаптарды айыктыруунун ыкмасын тапканы боюнча билдирүү таратылган. Бүгүн саламаттык сактоо министри суюктук жөнүндө айтып, аны түз эфирден ичти.

"Ысык-Көл тамыры" уусу күчтүү чөптөрдүн катарына кирет. Тажрыйбалуу медиктер коронавирустан мурда бекитилген протоколдун негизинде дарыланууну сунушташууда.

Белгилер:
Ысык-Көл тамыры, уу коргошун, дары, коронавирус, чөп
Тема:
Уу коргошун чуусу
Тема боюнча
Уу коргошун коронавирусту сакайта алабы. Россиялык адистин пикири
Бишкекте киши уу коргошунга ууландыбы? Дарыгерлердин жообу
Барыктабасова: "Ысык-Көл тамыры" элдин саламаттыгын коркунучка кептейт