Рой Жонстун шоусуна катышкан Эржан Тургумбековдун качан беттешери айтылды
(жаңыланган 10:40 20.03.2021)
Тургумбеков соңку беттештеринин биринде "Рой Жонстун кичүүсү менен жеке кармаштар боюнча РМК Академиясынын шоусу" деп аталган турнирге катышып, атаандашын утуп алган.БИШКЕК, 20-мар. — Sputnik. Профессионалдык бокс боюнча Евразия чемпиону (ЕВР) болгон кыргызстандык спортчу Эржан Тургумбеков 27-мартта беттеш өткөрөт. Бул тууралуу Россиянын бокс федерациясынын сайтында жазылды.
Тургумбеков Екатеринбургда RCC Boxing Promotions бокстук кечесинин алкагында россиялык Гайбатулла Гаджиалиев менен күч сынашат.
Турнир Екатеринбургдагы Мушташ өнөрлөрү академиясында өткөрүлөт. Пандемияга байланыштуу беттеш түз эфирден көрсөтүлөт.
Кыргызстандык спортчу профессионалдык бокста сегиз беттешти утуп, бир ирет жеңилген, 2019-жылы Евразия чемпиону болгон. Соңку беттештеринин биринде "Рой Жонс кичүүсү менен жеке кармаштар боюнча РМК Академиясынын шоусу" деп аталган турнирге катышып, атаандашын утуп алган. Ага атактуу америкалык боксчу Рой Жонстун кичүүсү конок катары келип, Тургумбеков менен атаандашынын салмакка түшүү аземинде ортолорунда турган.
Ал эми атаандашы Гаджиалиев жети беттешти утуп, эки ирет утулган.
Намыска жарап... Шевченконун UFC уюмундагы титулдук беттештери. Видео
Абсолюттук мушкерлер уюму (UFC) кыргызстандык Валентина Шевченконун чемпиондук кур үчүн кармашкан бардык беттештерин топтоду.
Видео UFC Russia YouTube-каналына жүктөлдү.
Валентина Шевченко беделдүү уюмдун бел курун 2018-жылы польшалык Жоанна Енджейчикти уткандан кийин тагынган. Муну менен кыргызстандык мушкер биринчи жолу мурдагы совет өлкөлөрүнүн ичинен кыз-келиндер арасында UFC уюмунун чемпиондук наамына ээ болгон.
©
Sputnik / Александр Гальперин
Ошол эле жылы америкалык Лиз Кармушту калыстардын чечими менен жеңген. Ал эми былтыр америкалык Кэтлин Чукагянды техникалык нокаут менен утса, бразилиялык спортчу Женнифер Майяны упайдын эсебинде жеңди.
Ушул дем алышта Шевченко бешинчи ирет титулун коргомокчу. Аны менен минималдык салмак категориясынын мурдагы чемпиону Жессика Андраде беттешет.
1-май күнү Кыргызстанда эл аралык "Альпиниада – 2021" мелдеши өтөт
Иш-чаранын негизги максаты — спорттун альпинизм, аскага чыгуу сыяктуу түрлөрүн пропагандалоо, спортчулардын квалификациясын жогорулатуу жана элди сергек жашоого үндөө.
БИШКЕК, 22-апр. — Sputnik. 1-майда Ала-Арча капчыгайында "Альпиниада – 2021" эл аралык мелдеши болот. Бул тууралуу Экономика жана финансы министрлигине караштуу Туризм департаментинен билдиришти.
Анын катышуучулары өз тандоосуна жараша Комсомол чокусуна, Рацек үйүнө жана Адигине көлүнө бара алат. Ага чет өлкөлөрдөн жана жергиликтүү спортчулардан 200дөй кишинин катышары күтүлүп жатат.
Иш-чаранын негизги максаты — спорттун альпинизм, аскага чыгуу сыяктуу түрлөрүн пропагандалоо, спортчулардын квалификациясын жогорулатуу жана элди сергек жашоого үндөө.
Комсомол чокусуна жашы 16дан өткөндөр гана бара алат. Жалпысынан жүрүшкө спортчулар топ-топко бөлүнүп катышат. Ар бир топто бештен онго чейин киши болушу керек.
Белгилер:
ЕЭК Кыргызстанга шекерди бажы алымысыз алып келип турууга уруксат берди
(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.
Мындай чечим комиссиянын кеңешинин жыйынында кабыл алынган.
©
Sputnik / Асель Сыдыкова
ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.
Эске сала кетсек, азыр ЕАЭБге кирбеген өлкөлөргө шекер ташуунун бажы алымы тоннасына 340 долларды түзөт.