UFC: мушкер кыз таразага түшүп жатып эси ооп жыгылган видео
(жаңыланган 19:43 20.03.2021)
Спортчу кыз өзүн жаман сезгендиктен эртең боло турган күрөш токтотулду. Ал таразага түшүп жатып эки жолу эсин жоготкон.БИШКЕК, 20-мар. — Sputnik. Литвалык UFC мушкери Юлия Столяренко UFCVegas22 турниринин алдында таразага түшүп жатканда эс-учун жоготуп жыгылган.
Окуянын видеосу социалдык желеге жарыяланууда. Мушкердин мындай абалга жетишине салмак кууганы себеп болушу мүмкүндүгүн Р-Спорт жазды.
Спортчу кыз таразага турганда өзүн кармай албай эстен танып жыгылып, жарнамалык тактаны башы менен сүзгөн. Андан кийин аны эсине келтирип кайрадан таразага тургузууга аракет кылышканы менен экинчи жолу да эсин жоготуп жыгылган. Жыйынтыгында аны дөңгөлөктүү замбилге салып сүйрөп кетишкен.
Scary scene at #UFCVegas22 official weigh-ins as Julija Stoliarenko collapsed multiple times while trying to make weight.
— MMA Junkie (@MMAjunkie) March 19, 2021
Her fight with Julia Avila has been canceled. 🙏 pic.twitter.com/myaDSvkNHP
Столяренконун америкалык Жулия Авила менен жеңил салмактык категориядагы беттешүүсү жокко чыгарылды. Аралаш мушташ өнөрү боюнча карьерасында Столяренко тогуз жолу жеңип, төрт жолу жеңилүү ызасын тарткан.
Толкун менен жарышып сёрфинг тепкен спортчулардын бүйүр кызыткан видеосу
Динамикалуу музыканын ыргагында сёрфинг тепкен спортчулар укмуштуудай трюктарды жасап жатканын көрүүгө болот.
Эки мүнөткө жетпеген видеодо спортчулар океандын толкуну менен жарышкан кереметтүү кадрлар камтылган.
Ролик YouTube компаниясынын расмий баракчасына жарыяланды.
Белгилер:
Дүйнөдөгү эң бай 15 киши. Сүрөттөр
Эң байлардын тизмесинде дагы деле Amazon интернет-ритейлердин башкы директору Жефф Безос көч баштоодо. Анын байлыгы бир жыл ичинде 64 миллиард долларга көбөйгөн. Учурда анын мүлкү 177 миллиард долларды чапчыйт.
Tesla компаниясынын ээси, жеке ишкер Илон Маск экинчи сапта турат. Өткөн жылы анын компаниясынын акциялары 720 пайызга кымбаттап, рейтингдеги 31-катардан дароо экинчиге көтөрүлүүгө мүмкүнчүлүк берди.
LVMH мода үйүнө үй-бүлөсү менен ээлик кылган Бернар Арно үчүнчү сапка жайгашып, мүлкү 150 миллиард долларга бааланууда. Эскерте кетсек, россиялык супермодель Наталья Водянова Бернардын уулу Антуан Арнонун жубайы болот.
Рейтингге бардыгы болуп 2 755 миллиардер кирген. Алар былтыркыдан 660 кишиге көбөйгөн. Миллиардерлердин мүлкү жалпы жонунан 13,08 триллион долларга бааланууда. Бул рекорддук көрсөткүч.
© REUTERS / Joshua RobertsПланетанын эң бай адамы Жефф Безос 2018-жылы Вашингтондо өткөн экономикалык клубдун жыйынында сүйлөп жаткан учуру
© AP Photo / Richard DrewTesla компаниясынын негиздөөчүсү Илон Маск автоунаанын жанында турат. 2020-жылы ал дүйнөдөгү эң бай адамдардын рейтингинде болуп көрбөгөндөй секирик жасаган
© AFP 2021 / Gabriel BouysРейтингде үчүнчү сапта LVMH мода үйүнө ээлик кылган Бернар Арно жана үй-бүлөсү турат. Сүрөттө: Бернар Арно өмүрлүк жары, уулу Антуан жана келини россиялык супермодель Наталья Водянова
© AFP 2021 / Tobias SchwarzMicrosoft компаниясын негиздеген Билл Гейтс 124 миллиард доллар мүлкү менен төртүнчү орунда турат. Ал жубайы менен дүйнөдөгү эң ири кайрымдуулук фондду жетектешет. Мындан сырткары, АКШнын 19 штатында дыйканчылык жерлери бар
© AP Photo / Bob EdmeБешинчи сапты Марк Цукерберг ээлеген. Facebook социалдык тармагынын негиздөөчүсүнүн мүлкү 97 миллиардды чапчыйт
© AP Photo / Eric FrancisУоррен Баффеттин байлыгы Цукербергдикинен бир миллиард долларга аз. Ал белгилүү Berkshire Hathaway инвестициялык мекемеге жетекчилик кылат. Уюм 60тан ашык компаниянын үлүшүнө ээлик кылат
© AFP 2021 / Getty Images North America / Ezra ShawМиллиардер Ларри Эллисондун негизги кирешеси Oracle компаниясынан түшөт. Мекеме программалык камсыздоо менен алектенет. Эллисондун мүлкү 93 миллиард доллар деп бааланат
© AP Photo / Jeff ChiuЛарри Пейж менен Сергей Брин дүйнөдөгү эң популярдуу Google издөө системасын иштеп чыгышкан. Байлардын тизмесинде сегизинчи катарда турган Ларри Пейждин мүлкү 91,5 миллиард доллар
© AFP 2021 / Getty Images North America / Justin SullivanСергей Бриндин 89 миллиард долларлык мүлкү бар. Анын атасы 1977-жылы Советтер Союзунан жер которуп кеткен
© REUTERS / Amit DaveИндиялык Мукеш Амбани ааламдагы эң байлардын тизмесиндеги алдыңкы ондукка кирген азиялык жалгыз өкүл. Ал ири мунай компаниясынын акционери болуп саналат. Мындан сырткары, 4G-интернет кызматын көрсөтүүчү компанияга ээлик кылат
© AP Photo / Iago LopezInditex корпорациясын негиздеген испаниялык Амансио Ортега 11-сапта турат. Ал бир катар дүйнөлүк бренддерди башкарат, алардын эң атактуусу – Zara
© AP Photo / Francois MoriФрансуаза Беттанкур-Майерс L'Oreal косметикалык бизнес-империясын негиздеген адамдын небереси болуп саналат
© AFP 2021 / STR / CNSКытайлык Чжун Шаньшань суусундук чыгаруучу компанияга жана медициналык корпорацияга ээлик кылат
© AP Photo / Mark J. TerrillMicrosoft компаниясынын мурдагы башкы директору Стив Балмер рейтингде 14-сапта
© AP Photo / Kin CheungМа Хуатэн Tencent Holdings интернет-холдингге ээлик кылат. WeChat мессенжери дал ушул уюмга таандык. Кытайлыктын ошондой эле дүйнөдөгү башка ири долбоорлордо да үлүшү бар.
Белгилер:
Кыргызстан жараксыз автоунаа номерлерин темир катары 12 млн. сомго сатты
(жаңыланган 16:30 14.04.2021)
2018-жылдан бери кампаларга салмагы 143 тонналык утилизацияланган автономерлер толуп калган. Аны сатууга аукцион уюштурулду.БИШКЕК, 14-апр. — Sputnik. 143 миң тонна колдонулган жана жарактан чыккан мамлекеттик белгилер темир-тезек катары 11 миллион 920 миң сомго сатылды. Бул тууралуу Мамлекеттик каттоо кызматынан билдиришти.
Маалыматка караганда, бүгүн, 14-апрелде, колдонулган жана жарактан чыккан мамлекеттик белгилерди сатуу боюнча аукцион болуп өттү. Аны Мамлекеттик каттоо кызматынын алдындагы "Унаа" ишканасы уюштурган. 1 килограмм алюминийдин баштапкы баасы 65 сом деп бааланган. Соодалашуунун натыйжасында 83 сом 23 тыйындан сатылды.
"Аукциондун жыйынтыгында 143 миң 280 килограмм болгон темир-тезек 11 миллион 920,9 миң сомго сатылды", — деп айтылат маалыматта.
"Унаа" муниципалдык ишканасынын жетекчисинин орун басары Бакыт Шералиевдин айтымында, 2018-жылдан бери кампаларга салмагы 143 тонналык утилизацияланган автономерлер толуп калган. Түшкөн каражат мамлекеттик бюджетке которулат.