Чолпон-Атада өтүп жаткан Көк бөрү боюнча республикалык турнирдин биринчи лигасынын баш байгесин Кара-Буура командасы утуп алды

Көк бөрү: "Кара-Буура" биринчи лиганын баш байгесин утуп алды. Сүрөт, видео

(жаңыланган 12:40 21.03.2021)
Финалда Талас облусунун "Кара-Буурасы" менен Ысык-Көлдүн "Жети-Өгүз" командасы беттешти. Оюн 2:1 эсеби менен жыйынтыкталды.

БИШКЕК, 21-мар. — Sputnik. Чолпон-Атада өтүп жаткан Көк бөрү боюнча республикалык турнирдин биринчи лигасынын баш байгесин "Кара-Буура" командасы утуп алды.

Финалда Талас облусунун "Кара-Буурасы" менен Ысык-Көлдүн "Жети-Өгүз" командасы беттешти. Оюндун биринчи бөлүгүндө атаандаштар бирден улак салууга жетишти. Ал эми экинчи таймда тай казанга улак ыргыта алышкан жок.

  • Команды Кара-Буура и Джети-Огуз во время первой лиги республиканского турнира по кок-бору, который проходит в Чолпон-Ате.
    Чолпон-Атада өтүп жаткан Көк бөрү боюнча республикалык турнирдин биринчи лигасынын баш байгесин "Кара-Буура" командасы утуп алды.
    © Sputnik / Акылбек Батырбеков
  • Команды Кара-Буура и Джети-Огуз во время первой лиги республиканского турнира по кок-бору, который проходит в Чолпон-Ате.
    Финалда Талас облусунун "Кара-Буурасы" менен Ысык-Көлдүн "Жети-Өгүз" командасы беттешти.
    © Sputnik / Акылбек Батырбеков
  • Команды Кара-Буура и Джети-Огуз во время первой лиги республиканского турнира по кок-бору, который проходит в Чолпон-Ате.
    Ал арада улакты эңип чыккан "Жети-Өгүздүн" улакчысы Руслан Чыныбек уулун каршылашы Ниязбек Мадалбек уулу капталдан урдуруп аттан кулап түштү. Жаракат алган оюнчуну тез жардам унаасы алып кетти.
    © Sputnik / Акылбек Батырбеков
1 / 3
© Sputnik / Акылбек Батырбеков
Чолпон-Атада өтүп жаткан Көк бөрү боюнча республикалык турнирдин биринчи лигасынын баш байгесин "Кара-Буура" командасы утуп алды.

Ал арада улакты эңип чыккан "Жети-Өгүздүн" улакчысы Руслан Чыныбек уулун каршылашы Ниязбек Мадалбек уулу капталдан урдуруп аттан кулап түштү. Жаракат алган оюнчуну тез жардам унаасы алып кетти.

Ал эми үчүнчү таймдын бүтөрүнө эки мүнөт калганда "Кара-Буура" командасы бир салым жасоого жетишти.

Натыйжада 2:1 эсеби менен "Кара-Буура" чемпион аталса, "Жети-Өгүз" күмүш байгеге ээ болду.

Ал эми үчүнчү орунду "Бакубат Талас" ээлесе, төртүнчү орун "Сокулук" командасына буюрду.

Белгилей кетсек, биринчи лиганын байге фонду төмөнкүчө болду:

биринчи орун - 100 000 сом;

экинчи орун - 50 000;

үчүнчү орун - 30 000;

төртүнчү орун - 20 000 сом.

Биринчи лигада жалпы жонунан 21 бир команда күч сынашты.

Жогорку лиганын финалында эзелки атаандаштар "Достук" жана "Ынтымак" командасы күч сынашат. Оюн бүгүн саат 15:00дө башталат.

Белгилер:
команда, Кара-Буура, Чолпон-Ата, турнир, Нооруз, Көк бөрү
Тема:
Нооруз-2021 (13)
Тема боюнча
Көк бөрү: Нооруздагы мелдешке Казакстандын командасы келбей турган болду

Намыска жарап... Шевченконун UFC уюмундагы титулдук беттештери. Видео

Абсолюттук мушкерлер уюму (UFC) кыргызстандык Валентина Шевченконун чемпиондук кур үчүн кармашкан бардык беттештерин топтоду.

Видео UFC Russia YouTube-каналына жүктөлдү.

Валентина Шевченко беделдүү уюмдун бел курун 2018-жылы польшалык Жоанна Енджейчикти уткандан кийин тагынган. Муну менен кыргызстандык мушкер биринчи жолу мурдагы совет өлкөлөрүнүн ичинен кыз-келиндер арасында UFC уюмунун чемпиондук наамына ээ болгон.

2019-жылы 8-июнда АКШнын Чикаго шаарында өткөн UFC 238 мелдешинде америкалык Жессика Айды башка тээп утуп, наамын алгач ирет коргогон

Ошол эле жылы америкалык Лиз Кармушту калыстардын чечими менен жеңген. Ал эми былтыр америкалык Кэтлин Чукагянды техникалык нокаут менен утса, бразилиялык спортчу Женнифер Майяны упайдын эсебинде жеңди.

Ушул дем алышта Шевченко бешинчи ирет титулун коргомокчу. Аны менен минималдык салмак категориясынын мурдагы чемпиону Жессика Андраде беттешет.

Белгилер:
чемпион, мушкер, спорт, UFC, Валентина Шевченко, Кыргызстан
Тема боюнча
Дана Уайт: Шевченко удаасы менен эки супер беттеш өткөрүшү мүмкүн
Жессика Андраде атаандашы Валентина Шевченконун алсыз жактарын атады
UFC Шевченко менен Андраденин беттешине карата проморолик жарыялады
Альпинисттер. Архивдик сүрөт

1-май күнү Кыргызстанда эл аралык "Альпиниада 2021" мелдеши өтөт

Иш-чаранын негизги максаты — спорттун альпинизм, аскага чыгуу сыяктуу түрлөрүн пропагандалоо, спортчулардын квалификациясын жогорулатуу жана элди сергек жашоого үндөө.

БИШКЕК, 22-апр. — Sputnik. 1-майда Ала-Арча капчыгайында "Альпиниада – 2021" эл аралык мелдеши болот. Бул тууралуу Экономика жана финансы министрлигине караштуу Туризм департаментинен билдиришти.

Анын катышуучулары өз тандоосуна жараша Комсомол чокусуна, Рацек үйүнө жана Адигине көлүнө бара алат. Ага чет өлкөлөрдөн жана жергиликтүү спортчулардан 200дөй кишинин катышары күтүлүп жатат.

Иш-чаранын негизги максаты — спорттун альпинизм, аскага чыгуу сыяктуу түрлөрүн пропагандалоо, спортчулардын квалификациясын жогорулатуу жана элди сергек жашоого үндөө.

Комсомол чокусуна жашы 16дан өткөндөр гана бара алат. Жалпысынан жүрүшкө спортчулар топ-топко бөлүнүп катышат. Ар бир топто бештен онго чейин киши болушу керек.

Белгилер:
туризм, мелдеш, иш-чара, Ала-Арча капчыгайы, Кыргызстан
Тема боюнча
Кадыралиев: бизге туристтер көбүнчө Казакстандан жана Россиядан келишет
Көк бөрү мелдеши. Архив

Жеңиш күнүнө арналган республикалык көк бөрү мелдеши Таласта өтөт

2-май күнү чүчү кулак тартылып, оюндар 3-майда башталат. Мелдеш Спорттун улуттук түрлөрү боюнча дирекциясы жана Улуттук көк бөрү федерациясы тарабынан уюшулууда.

БИШКЕК, 23-апр. — Sputnik. Улуу Жеңиш күнүнө арналган көк бөрү боюнча республикалык мелдеш Талас облусунда өтөт. Бул тууралуу өлкөнүн Улуттук көк бөрү федерациясы билдирди. https://www.instagram.com/p/CNsDV-YMxdM/

2-май күнү чүчү кулак тартылып, мелдеш 3-майда башталат.

"Улуу Жеңиш күнүнө арналган көк бөрү боюнча республикалык турнир 3-майдан 9-майга чейин Талас облусунун Райкан Алканов атындагы ат майданында өтөт. Командалардын катышуу боюнча арыздары 30-апрель күнү саат 17:30га чейин кабыл алынат", — деп айтылат маалыматта.

Мелдеш Спорттун улуттук түрлөрү боюнча дирекциясы жана Улуттук көк бөрү федерациясы тарабынан уюшулууда.

Белгилер:
Талас облусу, мелдеш, Көк бөрү, Улуу Жеңиш
Тема боюнча
1-май күнү Кыргызстанда эл аралык "Альпиниада – 2021" мелдеши өтөт