Веложүрүш. Архив

Жакында Бишкекте велосипедчилер жүрүшкө чыгат. Убактысы

(жаңыланган 10:18 23.03.2021)
Апрелдин башында велосезон ачылат. Бардык катышуучулар жүрүшкө катышып, андан кийин Орто-Сай айылына пикникке барса болот.

БИШКЕК, 23-мар. — Sputnik. Бишкекте 4-апрелде быйылкы велосезондун расмий ачылышына арналган веложүрүш болот. Бул тууралуу уюштуруучулар Facebook баракчасына жазды.

Катышуучулар саат 10:00дө Чүй проспекти менен Абдрахманов көчөлөрүнүн кесилишиндеги Уркуя Салиеванын эстелигинин жанында чогулушат.

Веложүрүш саат 11:30да башталып, Чүй — Манас — Бөкөнбаев — Байтик баатыр — Түштүк дарбаза багыты боюнча өтөт. Болжолдуу түрдө 12:30да турнирдин расмий бөлүгү жыйынтыкталат. Андан кийин каалоочулар Орто-Сай айылына пикникке барса болот.

Уюштуруучулар белгилегендей, катышуучулар шлем кийип, жол кыймылынын эрежелерин сактап, жол инспекторлорунун талаптарын аткарышы керек.

Белгилер:
турнир, веложарыш, Бишкек
Тема боюнча
Кан басымды дары-дармеги жок кантип түшүрүүгө болот? Кеп-кеңеш
Кыргызстандык балбан кыз Мээрим Жуманазарова. Архивдик сүрөт

Мээрим Жуманазарова Олимпиадага жолдомо ойнотулган мелдештен күмүш байге утту

(жаңыланган 19:41 10.04.2021)
Мээрим Жуманазарова алгачкы кармашында эле кытайлык кыз менен кез келип жеңилип калган болчу. Кийинки баскычтарда өзүнүн мыкты экенин көрсөтүп, финалдык баскычка жетти.

БИШКЕК, 10-апр. — Sputnik. Кыргызстандык балбан кыз Мээрим Жуманазарова Олимпиада оюндарына жолдомо ойнотулган мелдеште күмүш медаль утту. Казакстандын Алматы шаарында өтүп жаткан мелдештин жүрүшүн United World Wrestling (Дүйнөлүк күрөш уюму) уюмунун расмий сайты түз алып көрсөтүүдө.

68 килограмм салмакта күч сынашкан Мээрим Жуманазарова финалда кытайлык Фэн Чжоу менен таймашып, упай айырмасында жеңилип калды.

Кыргызстандык балбан кыз жарым финалда индиялык Ниша Нишаны 13:3 эсебинде, таза техникалык артыкчылык менен уткан. Ага чейин чейрек финалда казакстандык атаандашы Жамила Бакбергенованы 10:3 эсебинде жеңген.

Эскерте кетсек, мелдеш ушул күндөрү Казакстандын Алматы шаарында өтүп жатат. Турнирдин финалына чыккан атлеттерге Токио Олимпиадасына лицензия берилет.

Буга чейин 76 килограмм салмакта күрөшкөн Айпери Медет кызы бардык атаандаштарын утуп, чемпион болгон.

Ал эми 57 килограммда күрөшкөн Назира Марсбек кызы эки жолу удаасы менен жеңилип, байгелүү орун үчүн таймашуу укугунан четтеп калды.

Кечээ грек-рим балбандарынын арасында таймаш жүрүп, ата мекендик спортчулар Жоламан Шаршенбеков (60 килограмм), Акжол Махмудов (77 килограмм) жана Үзүр Жузупбеков Токио Олимпиадасына жолдомо алышкан.

Бүгүнкү күндө Кыргызстанда жалпысынан 12 лицензия болду. Буга чейин балбан Айсулуу Тыныбекова, Атабек Азисбеков, жөө күлүктөр Мария Коробицкая, Дарья Маслова жана Юлия Андреева, ошондой эле суучул Денис Петрашов жолдомо алышкан.

Белгилер:
финал, мелдеш, лицензия, олимпиада, Мээрим Жуманазарова, күрөш
Тема:
2021-жылы Токиодо өтө турган Олимпиада оюндары
Тема боюнча
Жеңилип, кайра өзүн колго алган Мээрим да Олимпиадага жолдомо утту. Видео
Сүйүнчү! Айпери каршылаштарын баш көтөртпөй жеңип, Олимпиадага жолдомо алды
Кыргызстандык балбан кыз Мээрим Жуманазарова. Архивдик сүрөт

Жеңилип, кайра өзүн колго алган Мээрим да Олимпиадага жолдомо утту. Видео

(жаңыланган 15:25 10.04.2021)
68 килограмм салмак категориясы боюнча финалда кыргызстандык кыз кытайлык Фэн Чжоу менен таймашат.

БИШКЕК, 10-апр. — Sputnik. Кыргызстандык балбан кыз Мээрим Жуманазарова да Олимпиада оюндарына жолдомо алды. Анын финалга чыкканы тууралуу маалымат United World Wrestling (Дүйнөлүк күрөш уюму) уюмунун расмий сайтына чыкты.

68 килограмм салмак категориясы боюнча финалда кыргызстандык кыз кытайлык Фэн Чжоу менен таймашат.

Жуманазарова жарым финалда индиялык Ниша Нишаны 13:3 эсебинде, таза техникалык артыкчылык менен утканын uww.asia уюму өзүнүн Instagram баракчасына чыгарды. 

Посмотреть эту публикацию в Instagram

Публикация от United World Wrestling Asia (@uww.asia)

Мээрим алгачкы кармашында кытайлык кыз менен беттешкен. Аны 5:3 эсебинде утуп жатып, кармаштын соңуна 14 секунда калганда 5:7 менен утулуп калды.

Ата мекендик спортчу кыз чейрек финалда казакстандык атаандашы Жамила Бакбергенованы 10:3 менен уткан.

Мелдеш ушул күндөрү Казакстандын Алматы шаарында өтүп жатат. Аталган чемпионатта финалга чыккан атлеттерге Токио Олимпиадасына лицензия берилет.

Эскерте кетсек, 76 килограмм салмакта күч сынашкан Айпери Медет кызы бардык атаандаштарын утуп, чемпион болду.

Ал эми 57 килограммда күрөшкөн Назира Марсбек кызы эки жолу удаасы менен жеңилип, байгелүү орун үчүн таймашуу укугунан четтеп калды.

Белгилер:
финал, мелдеш, лицензия, олимпиада, Мээрим Жуманазарова, күрөш
Тема:
2021-жылы Токиодо өтө турган Олимпиада оюндары
Тема боюнча
Сүйүнчү! Айпери каршылаштарын баш көтөртпөй жеңип, Олимпиадага жолдомо алды
Жоламан менен Акжол Олимпиадага лицензия берилчү мелдештин чемпиону болду. Видео