Кыргыз курама командасынын күйөрмандары футболдук беттеш учурунда. Архив

Футбол: КР олимпиадалык курама командасы эл аралык мелдештеги алгачкы оюнда утулду

(жаңыланган 13:16 26.03.2021)
23 жаштан төмөнкү спортчулар ойногон Кыргызстандын курама командасы "Үч улуттун кубогу" мелдешине 22-30-март күндөрү катышып жатат. Аларга Бангладеш жана Непал командалары атаандаш.

БИШКЕК, 23-мар. — Sputnik. Кыргызстандын футбол боюнча курама командасы (U-23)  "Үч улуттун кубогу" аталышындагы эл аралык турнирде биринчи беттешинде Бангладеш командасына утулуп калды. Бул тууралуу Кыргыз футбол союзунан билдиришти.

Посмотреть эту публикацию в Instagram

Публикация от The Kyrgyz Football Union (@kfu_kg)

Оюн Катмандудагы "Дашаратх Рангасала" стадионунда өттү. Биринчи тайм бангладештик футболчулардын пайдасына 1:0 эсебинде аяктады. КР командасынын коргоочусу Кумарбай уулу Баяман өз дарбазасына гол киргизип алды.

23 жаштан төмөнкү спортчулар ойногон Кыргызстандын курама командасы "Үч улуттун кубогу" мелдешине 22-30-март күндөрү катышып жатат. Аларга Бангладеш жана Непал командалары атаандаш. Шарт боюнча бардык командалар бири-бири менен ойноп чыгып, финалда эки команда беттешет.

Посмотреть эту публикацию в Instagram

Публикация от The Kyrgyz Football Union (@kfu_kg)

Алдыда дагы бир оюн бар. Кыргызстандык футболчулар непалдык атаандаштары менен 25-мартта жолугат. 

Белгилер:
мелдеш, футбол, Бангладеш, Кыргызстан
Тема:
2021-жылы Токиодо өтө турган Олимпиада оюндары (62)
Тема боюнча
Дарбазадан тебилген топ экинчисине кирип кеткенде... Видео
Боронбекова: футболчу кыздардын көбү турмушка чыккандан кийин карьерасын токтотот
Аба ырайынан улам футбол боюнча өлкө чемпионатынын беттештери жылды
Кыргызстандык балбан Айсулуу Тыныбекова. Архив

Сүйүнчү! Айсулуу Тыныбекова төртүнчү ирет Азия чемпиону болду

(жаңыланган 19:19 16.04.2021)
Тыныбекова этаптык беттештерде Индия, Казакстан, Корея жана Өзбекстандын спортчуларын жеңип, финалга чыккан.

БИШКЕК, 16-апр. — Sputnik. Кыргызстандык балбан Айсулуу Тыныбекова Алматы шаарында өтүп жаткан Азия чемпионатынан алтын медаль утуп алды.

Посмотреть эту публикацию в Instagram

Публикация от United World Wrestling Asia (@uww.asia)

Тыныбекова финалда монголиялык балбан менен кез келип, натыйжада 11:0 эсеби менен жеңишти камсыздады.

Ал 62 килограммдык салмак категориясында күрөштү. Этаптык беттештерде Индия, Казакстан, Корея жана Өзбекстандын спортчуларын жеңип, финалга чыккан.

Айсулуу Тыныбекова ушуну менен төртүнчү ирет Азия чемпиондугун багындырууда. Буга чейин Таиланддагы (2016), Индиядагы (2017) жана Кытайдагы (2019) турнирлерден алтын менен кайткан. Ал эми былтыр Нур-Султанда дүйнө чемпиону болуп, Токио Олимпиадасына жолдомо алган.

Белгилер:
жеңиш, күрөш, чемпион, Азия, спорт, Айсулуу Тыныбекова
Тема боюнча
Сүйүнүчтүн көз жашы! Мээрим Жуманазарова Азия чемпионатынан алтын утту. Видео
Ыза аралаш жеңиш... Күмүш алган Айпери көзүнө жаш алды. Видео

Купальникчен лыжа тепкен сулуулар. Сочидеги фестивалдан укмуштуу сүрөттөр

Россиянын Сочи шаарында BoogelWoogel деген аталыштагы тоо карнавалы болуп, пляж костюмун кийген 700 спортчу лыжа жана сноуборд тебишти.

Абанын табы +8 гана градус болгонуна карабай сноубордчулар 1 170 метр бийиктиктен зуулдап түшүштү.

Иш-чара өткөн курортко келе албаган спортчулар ага онлайн-форматта катышты. Уюштуруучулар атайын тиркеме иштеп чыгып, иш-чарага дүйнөнүн ар кайсы жеринде туруп катышкандар болду.

BoogelWoogel карнавалы "Роза Хутор" курортунда 2016-жылдан бери өтүп келе жатат. Ага миңдеген спортчулар купальник кийип катышышат. Негизги максат — көңүлдүү убакыт өткөрүү жана Гиннесс рекорддорун жаңылоо.

 

  • © AP Photo / Artur Lebedev

    Кышкы карнавалга 700 сноубордчу жана лыжа тебүүчү катышты

  • © Sputnik / Artur Lebedev

    Абанын табы +8 гана градус болгону эч кимди чочулаткан жок

  • © AP Photo / Artur Lebedev

    Сноубордчулар 1 170 метр бийиктиктен зуулдап түшүштү

  • © Sputnik / Artur Lebedev

    Музыканын коштоосунда жүздөгөн спортчу "учуп" жөнөштү

  • © Sputnik / Artur Lebedev

    Иш-чарага онлайн-форматта катышкандар дагы болду

  • © AP Photo / Artur Lebedev

    Онлайн катышууну каалагандар үчүн уюштуруучулар атайын теркеме иштеп чыккан

  • © Sputnik / Artur Lebedev

    Сууктан коркпогон катышуучулар

  • © Sputnik / Artur Lebedev

    Онлайн-форматтагы иш-чарага чет өлкөлүк спортчулар гана эмес, россиялыктар дагы катышты

  • © Sputnik / Artur Lebedev

    BoogelWoogel карнавалы "Роза Хутор" курортунда 2016-жылдан бери өтүп келе жатат

  • © Sputnik / Artur Lebedev

    Карнавалдын негизги максаты — көңүлдүү убакыт өткөрүү жана Гиннесс рекорддорун жаңылоо

  • © Sputnik / Artur Lebedev

    Катышуучулар медициналык кароодон өтүп жатат

  • © Sputnik / Artur Lebedev

    Катышуучу аял

Белгилер:
иш-чара, лыжа, тоо, Сочи, Россия
Тема боюнча
Апта ирмеми: ич кийимчен кыздардан Марстагы тик учакка чейин
Ысык-Көл тамыры чөп кайнатмасы

Бишкекте киши уу коргошунга ууландыбы? Дарыгерлердин жообу

(жаңыланган 22:40 16.04.2021)
"Ысык-Көл тамыры" уусу күчтүү дары чөп болуп эсептелет. Тажрыйбалуу медицина кызматкерлери коронавирустан бекитилген протоколдун негизинде дарыланууну сунуштайт.

БИШКЕК, 16-апр. — Sputnik. Социалдык тармактарда Бишкекте киши "Ысык-Көл тамыры" деген чөптүн кайнатмасын ичип алып ууланып калганы тууралуу маалымат тарап жатат.

Бул тууралуу өзүнүн Facebook баракчасына Кыргыз-Россия Славян университетинин клиникалык фармакология кафедрасынын жетекчиси, медицина илимдеринин кандитаты Аида Зурдинова дагы жазган.

"Мессенджер аркылуу мага маалымат түштү. Тез жардамда иштеген таанышыма саат 14:00дө бир киши чалып "жардам бергиле" деп кыйкырыптыр. Бейтап 10-кичи райондо жашайт экен. Дарыгерлер жерине барганда батирдин ичинен бүгүн жарнамаланган уу коргошундун бөтөлкөсүн көрүшкөн. Бейтаптын жүрөгүнүн согушу бузулуп, дем алуусу кескин начарлаган. Бактыга жараша, Тез жардамды убагында чакырышкан. Бейтап өзү дагы ошол кайнатманы ичкенин билдирген. Жаран токсикологияга жеткирилген, жакшы болуп кетет деп үмүт артуудабыз", - деп жазды ал.

Анткен менен Бишкектеги Травмотология жана ортопедия илим изидөө борборунун токсикология бөлүмүнөн мындай бейтаптар түшпөгөнүн билдиришти.

Ал эми Зурдинов өзүнүн жазган постунун алдына бейтап жеке клиникага жаткырылганын жазып, окуянын чоо-жайы тууралуу маалымат эртең болорун билдирди.

Уу коргошун чуусу

Буга чейин президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй социалдык тармактагы баракчасына он чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Анда бөтөлкөлөрдүн сыртында "Уу коргошун" жана "Иссык-Кульский корень" деген жазуулар бар экенин көрүүгө болот.

Дүйнөлүк саламаттык сактоо уюмунун Кыргызстандагы өкүлчүлүгүнүн башчысы Назира Артыкованын ЖМКларга билдиргенине караганда, "Ысык-Көл тамырынын" кайнатмасы менен коронавирусту дарыласа болот деп ойлоо туура эмес.

Журналисттин "Сөз болуп жаткан кайнатма менен коронавирустан арылса болобу?" деген суроосуна ал: "Мүмкүн эмес. Бардык жерде илимий далил керек", - деп жооп берди.

Ал арада Дүйнөлүк саламаттык сактоо уюмунун (ДССУ) Кыргызстандагы өкүлчүлүгү билдирүү таратып, сыноодон өтпөгөн дарыны каттоо жана калкка кеңири колдонууга сунуштоого болбой турганын эскертти. Клиникалык сыноолордо препараттын натыйжасы жана коопсуздугу аныкталарын эске салган.

Ал эми далилдүү медицина боюнча адис Бермет Барыктабасова "Ысык-Көл тамыры" Кыргызстандагы эң уулуу чөп экенин айтып, анын кайнатмасын пайдалануу элдин саламаттыгына коркунуч жаратарын билдирген.

Белгилер:
бейтап, дары, Ысык-Көл тамыры, уу коргошун, Садыр Жапаров, Кыргызстан
Тема:
Уу коргошун чуусу
Тема боюнча
Садыр Жапаров уу коргошун кайнатканды кимден үйрөнгөн?
Министр: уу коргошунду туура эмес ичкен адам беш мүнөткө жетпей өлөт
Барыктабасова: "Ысык-Көл тамыры" элдин саламаттыгын коркунучка кептейт