Дзюдочу Кубанычбек Айбек уулу. Архив

Дзюдочу Кубанычбек Айбек уулу Азия жана Океания чемпионатынан коло байге утту

(жаңыланган 20:08 06.04.2021)
Континенталдык чемпионат бүгүн, 6-апрелде, старт алды. Мындай ири мелдеш өлкө тарыхында алгачкы ирет өтүп жатат.

БИШКЕК, 6-апр. — Sputnik. Кыргызстандык дзюдочу Кубанычбек Айбек уулу Бишкекте өтүп жаткан Азия жана Океания чемпионатында коло байге утту. Мелдештин жүрүшүн КТРКнын Спорт каналы түз алып көрсөттү.

60 килограмм салмакта күч сынашкан Айбек уулу коло байге үчүн таймашта өзбекстандык Кемран Нуриллаевди иппон ыкмасы (таза жеңиш) менен утуп алды.

Эскерте кетсек, кыргызстандык спортчу 8/1 финалда түркмөн балбаны Хакберди Жумаевди, чейрек финалда казакстандык Элдос Сметовду уткан. Жарым финалда Кытайдын Тайбэйинин атлети Юнг Вэй Янгга жеңилген болчу.

Дзюдо боюнча Азия жана Океания чемпионаты бүгүн, 6-апрелде, старт алды. Мындай ири мелдеш өлкө тарыхында алгачкы ирет өтүп жатат. Чемпионаттын жыйынтыгы менен спортчулар Олимпиада оюндарына рейтинг топтошот.

Жарыш Эл аралык дзюдо федерациясы бекиткен алгоритмге ылайык өткөрүлүүдө. Бардык санитардык эрежелер сакталып, көрүүчүлөр киргизилген жок.

Программага ылайык, эртең, 7-апрелде, 73 килограмм жана 81 килограмм салмакта эркектер арасында таймаш жүрөт. Кыргызстандан Бексултан Султанов жана Владимир Золоев килемге чыгат.

Ал эми кыз-келиндерден 63 жана 70 килограмм салмактагы балбандар мелдешет. Анда 63 килограмм салмакта ата мекендик спортчу кыздар Ажар Исаева менен Айжан Кадырбекова өлкө намысын коргошот. Квалификациялык беттештер саат 10:00дө башталат. Ал эми 17:00дө финалдык кармаштар өтөт.

Белгилер:
Кубанычбек Айбек уулу, чемпионат, Кыргызстан, Бишкек, дзюдо
Тема боюнча
Бүгүн Бишкекте Азия жана Океания чемпионаты башталат
Мындан 125 жыл мурда Олимпиада оюндарынын оту жанган

Намыска жарап... Шевченконун UFC уюмундагы титулдук беттештери. Видео

Абсолюттук мушкерлер уюму (UFC) кыргызстандык Валентина Шевченконун чемпиондук кур үчүн кармашкан бардык беттештерин топтоду.

Видео UFC Russia YouTube-каналына жүктөлдү.

Валентина Шевченко беделдүү уюмдун бел курун 2018-жылы польшалык Жоанна Енджейчикти уткандан кийин тагынган. Муну менен кыргызстандык мушкер биринчи жолу мурдагы совет өлкөлөрүнүн ичинен кыз-келиндер арасында UFC уюмунун чемпиондук наамына ээ болгон.

2019-жылы 8-июнда АКШнын Чикаго шаарында өткөн UFC 238 мелдешинде америкалык Жессика Айды башка тээп утуп, наамын алгач ирет коргогон

Ошол эле жылы америкалык Лиз Кармушту калыстардын чечими менен жеңген. Ал эми былтыр америкалык Кэтлин Чукагянды техникалык нокаут менен утса, бразилиялык спортчу Женнифер Майяны упайдын эсебинде жеңди.

Ушул дем алышта Шевченко бешинчи ирет титулун коргомокчу. Аны менен минималдык салмак категориясынын мурдагы чемпиону Жессика Андраде беттешет.

Белгилер:
чемпион, мушкер, спорт, UFC, Валентина Шевченко, Кыргызстан
Тема боюнча
Дана Уайт: Шевченко удаасы менен эки супер беттеш өткөрүшү мүмкүн
Жессика Андраде атаандашы Валентина Шевченконун алсыз жактарын атады
UFC Шевченко менен Андраденин беттешине карата проморолик жарыялады
Альпинисттер. Архивдик сүрөт

1-май күнү Кыргызстанда эл аралык "Альпиниада 2021" мелдеши өтөт

Иш-чаранын негизги максаты — спорттун альпинизм, аскага чыгуу сыяктуу түрлөрүн пропагандалоо, спортчулардын квалификациясын жогорулатуу жана элди сергек жашоого үндөө.

БИШКЕК, 22-апр. — Sputnik. 1-майда Ала-Арча капчыгайында "Альпиниада – 2021" эл аралык мелдеши болот. Бул тууралуу Экономика жана финансы министрлигине караштуу Туризм департаментинен билдиришти.

Анын катышуучулары өз тандоосуна жараша Комсомол чокусуна, Рацек үйүнө жана Адигине көлүнө бара алат. Ага чет өлкөлөрдөн жана жергиликтүү спортчулардан 200дөй кишинин катышары күтүлүп жатат.

Иш-чаранын негизги максаты — спорттун альпинизм, аскага чыгуу сыяктуу түрлөрүн пропагандалоо, спортчулардын квалификациясын жогорулатуу жана элди сергек жашоого үндөө.

Комсомол чокусуна жашы 16дан өткөндөр гана бара алат. Жалпысынан жүрүшкө спортчулар топ-топко бөлүнүп катышат. Ар бир топто бештен онго чейин киши болушу керек.

Белгилер:
туризм, мелдеш, иш-чара, Ала-Арча капчыгайы, Кыргызстан
Тема боюнча
Кадыралиев: бизге туристтер көбүнчө Казакстандан жана Россиядан келишет
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар