Мушкер Канат Тайсон Келдибеков. Архив

Мушкер Канат Келдибеков ACA уюмунда беттешке чыгат

Absolute Championship Akhmat уюмунун кезектеги мелдеши Беларустун Минск шаарында өтөт. Келдибековдун атаандашы грузиялык Важа Циптаури болмокчу.

БИШКЕК, 9-апр. — Sputnik. Бүгүн, 9-апрелде, кыргызстандык ММА мушкери Канат Келдибеков ACA уюмунда кезектеги беттешине чыгат. Бул тууралуу аталган промоушендин Instagram баракчасына чыкты.

Посмотреть эту публикацию в Instagram

Публикация от ACA MMA (@aca_mma)

Absolute Championship Akhmat уюмунун ACA 121 мелдеши Беларустун Минск шаарында өтөт. Келдибековдун атаандашы грузиялык Важа Циптаури болмокчу.

Келдибеков ММА спортунда 20 беттешке чыгып, 14үн уткан. Алты ирет жеңилген. Ал эми атаандашы Циптаури 9 жолку беттештин жетөөсүн утуп, бир атаандашына утулган. Дагы бир кармашында тең чыгуу болгон.

Орто салмактын утурумдук чемпиону наамы үчүн россиялык Магомедрасул Гасанов менен болгариялык Никола Дипчиковдун таймашы кеченин башкы беттеши болот.

Дагы бир кыргызстандык мушкер Алтынбек Мамашов алган жаракатына байланыштуу бул мелдешке катышпайт.

Белгилер:
беттешүү, ММА, ACA, мушкер, Канат Келдибеков
Тема боюнча
Кыргыз мушкери Зулкарнай Камчыбеков АКШдагы турнирде чемпион болду. Сүрөт
Brave уюму атаандашын сулата чапкан Немат менен төрт беттешке келишим түздү
Хабибдин Eagle FC уюму Кыргызстанда турнир өткөрүүнү пландап жатат
Кыргызстандык спортчу Дарья Маслова. Архивдик сүрөт

Дарья Маслова Тажикстандагы жарым марафондун жеңүүчүсү болду

(жаңыланган 18:17 17.04.2021)
Жөө күлүк 21 чакырымды бир сааттан ашык убакытта чуркап келген. Спортчунун машыктыруучусу ал бул аралыктагы көрсөткүчүн бир жарым мүнөткө жакшырта алганын айтты.

БИШКЕК, 17-апр. — Sputnik. Кыргызстандык спортчу Дарья Маслова Тажикстандагы эл аралык жарым марафондун жеңүүчүсү болду. Бул тууралуу Sputnik агенттигине спортчунун машыктыруучусу Татьяна Борисова билдирди.

Коңшу өлкөнүн борбору Душанбенин күнүнө арналган мелдеш бүгүн, 17-апрелде, өттү.

Маслова 21,1 чакырымды 1 саат 12 мүнөт 2 секундда чуркап келген. Натыйжада бул аралыктагы көрсөткүчүн бир жарым мүнөткө жакшырта алган. Күмүш медалды өзбекстандык Вероника Гришина, коло байгени тажикстандык Гаффорзода Зулхиджа алган.

Ал эми эркектер арасында коло байгеге кыргызстандык Адилет Кыштакбеков ээ болгон.

Белгилер:
Адилет Кыштакбеков, чуркоо, марафон, Тажикстан, Дарья Маслова
Тема боюнча
Жөө күлүктөр Мария Коробицкая, Дарья Маслова Ташкент марафонунан алтын утушту

Кыргызстандык Эрназар Алматыдагы мелдеште мыкты ыкма жасаган спортчу болду. Видео

(жаңыланган 17:13 17.04.2021)
Бириккен күрөш дүйнөсү Кыргызстандын эркин күрөш боюнча балбаны Эрназар Акматалиевдин Алматыда өткөн лицензиялык турдагы таймаштарынын (чейрек финал, жарым финал жана финал) видеосун жарыялады.

Уюштуруучулар Акматалиевдин эркин күрөш боюнча спортчулардын арасынан ыкмаларды эң мыкты аткарганын айтышты.

65 килограмм салмакта күч сынашкан Акматалиев жарым финалда өзбекстандык тажрыйбалуу спортчу Ильяс Бекбулатов менен кармашты. Кыргыз балбаны 8:0 эсебинде утулуп жатканына карабай аракетин улантып, адегенде эки, анан төрт упайлык ыкма жасап, анын артынан эле атаандашынын далысын жерге тийгизип, таза жеңишке жеткен

Ал эми чейрек финалда түркмөн атлети Керим Ходжаковду 5:1 эсебинде жеңип алган.

Белгилер:
эркин күрөш, видео, мелдеш, Алматы, Эрназар Акматалиев
Тема боюнча
Аягына чейин кармашып. Эрназар Акматалиев Алматы мелдешинен алтын байге утту
Ири эсеп менен утулуп жатып жеңишке жеткен Акматалиевдин кубанган видеосу
Жамгырдуу аба ырайы. Архивдик сүрөт

Жекшембиге карата аба ырайы

Жекшембиге караган түнү Ош, Жалал-Абад жана Баткен облустарынын кээ бир райондорунда жамгыр, тоолуу жерлеринде кар жаайт.

БИШКЕК, 17-апр. — Sputnik. 18-апрель күнү күндүз өлкөнүн көпчүлүк аймактарында мезгил-мезгили менен жаан, тоолуу райондордо кар жаашы күтүлөт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.

Абанын температурасы Чүй менен Таласта +16...+21, Ош, Жалал-Абад жана Баткен облустарында +17..+22, ал эми Ысык-Көл, Нарын жергесинде +11...+16 градус болору айтылды.

Бул күнү Бишкек, Ош шаарларында жамгыр жаашы мүмкүн. Күндүн табы Бишкекте +19...+21, Ошто +20...+22 градуска көтөрүлөт.

Белгилер:
Кыргызстан, апрель, аба ырайы
Тема боюнча
Жайдагыдай ысыйт! Май айына карата аба ырайы