Кыргызстандык грек-рим күрөшүнүн балбандары Жоламан Шаршенбеков жана Акжол Махмудов. Архивдик сүрөт

Жоламан менен Акжол Олимпиадага лицензия берилчү мелдештин чемпиону болду. Видео

241
(жаңыланган 12:06 10.04.2021)
Учурда Алматы шаарында Токио Олимпиадасына жолдомо берген квалификациялык турнир өтүп жатат. Бүгүн кыз-келиндер күрөшү жүрүүдө. Анда кыргызстандык үч балбан кыз катышууда.

БИШКЕК, 10-апр. — Sputnik. Кыргызстандык грек-рим күрөшүнүн балбандары Жоламан Шаршенбеков жана Акжол Махмудов Олимпиада оюндарына жолдомо ойнотулган квалификациялык Азия мелдешинде чемпион болушту. Финалдык беттештердеги урунттуу учурларды uww.asia уюму Instagram баракчасына чыгарды. 

60 килограмм салмакта Жоламан Шаршенбеков финалда кытайлык Сайлике Валихан менен кармашып, 4:3 эсебинде утуп, чемпион болду. 

Посмотреть эту публикацию в Instagram

Публикация от United World Wrestling Asia (@uww.asia)

Ал эми 77 килограмм салмактагы балбандардан Акжол Махмудов чечүүчү таймашта Шохей Якубуну 7:3 эсебинде утуп, алтын байге тагынды.

Посмотреть эту публикацию в Instagram

Публикация от United World Wrestling Asia (@uww.asia)

97 килограмм салмакта күч сынашкан Үзүр Жузупбеков финалда ирандык Мохаммадхаби Абдоллах Саравиге жеңишти алдырды.

Эскерте кетсек, аталган чемпионатта финалга чыккан атлеттерге Токио Олимпиадасына лицензия берилет.

Мелдеш ушул күндөрү Казакстандын Алматы шаарында өтүп жатат.

Бүгүн кыз-келиндер күрөшү башталды. Кыргызстандык балбан кыздар Айпери Медет кызы (76 килограмм), Мээрим Жуманазарова (68 килограмм) жана Назира Марсбек кызы (57 килограмм) өз салмактарында олимпиадалык лицензия үчүн таймашышат.

241
Белгилер:
мелдеш, Жоламан Шаршенбеков, Акжол Махмудов, грек-рим күрөшү, күрөш
Тема:
2021-жылы Токиодо өтө турган Олимпиада оюндары (66)
Тема боюнча
Сүйүнчү! Акжол, Жоламан, Үзүр Олимпиада оюндарына жолдомо алды
Кыргызстандык оор салмактагы эркин күрөш балбаны Айаал Лазарев беттеш учурунда. Архив

Кыргызстандык балбан Лазарев UFC мушкери Романовду көтөрүп чаап утуп алды

157
(жаңыланган 16:11 07.05.2021)
Кыргызстандык балбан эми Тажикстандын Рустам Искандариге көңүл жубатуучу таймашка чыгат. Кармаштын жеңүүчүсү венгриялык балбан менен коло байге талашат.

БИШКЕК, 7-май — Sputnik. Кыргызстандык оор салмактагы эркин күрөш балбаны Айаал Лазарев UFC мушкери, молдовалык Александр Романовду утуп алды. Балбандар Токио Олимпиадасына жолдомо берилүүчү дүйнөлүк лицензиялык мелдеште көңүл жубатуучу этапта кез келишти.

Турнирдин жүрүшүн Дүйнөлүк күрөш уюмунун (United World Wrestling) расмий сайты түз алып көрсөтүүдө.

Турнир ушул күндөрү Болгариянын София шаарында өтүп жатат. Лазарев биринчи бөлүктө 1:0 эсебинде утулуп жатып, тик турган позициядан атаандашын көтөрүп чаап, ошол бойдон килемге басып далысын тийгизип, таза жеңишти камсыздады. Спортчулар экөө тең баштапкы этапта Индия балбаны Сумит Сумитке жеңилген. Ал финалга чыккандыктан Лазарев менен Романов коло байгеге ат салышуу үчүн көңүл жубатуучу беттешке чыгышкан.

Кыргызстандык балбан эми тажикстандык Рустам Искандариге көңүл жубатуучу таймашка чыгат. Кармаштын жеңүүчүсү венгриялык Хосе Даниэль Диас Роберти менен коло байге талашат.

Эске салсак, молдовалык Александр Романов UFC уюмунун мушкери. Ал промоушенде үч ирет октагонго чыгып, баарында жеңишке жеткен. Жалпысынан ММА спортунда 14 жолу таймашка чыккан болсо, бир да жолу жеңиле элек.

157
Белгилер:
лицензия, Олимпиадалык оюндар, мелдеш, эркин күрөш, Айаал Лазарев
Тема:
2021-жылы Токиодо өтө турган Олимпиада оюндары (66)
Тема боюнча
Балбан кыз Нураида Анаркулова лицензиялык турнирге катышат
Фехтование боюнча спортчу Роман Петров Олимпиада оюндарына жолдомо алды
Жаңы зеландиялык трансгендер оор отлетчи Лаурель Хаббард. Архив

Эркек киши Олимпиадада аялдар менен күч сынашат

121
(жаңыланган 10:02 07.05.2021)
Лаурель Хаббард 12 жыл мурда операция жасатып, жынысын алмаштырган. Ага чейин ал Гэвин деген ысым менен жашап, өз өлкөсүндө эркектер арасында алдыңкы оор атлетчи болгон.

БИШКЕК, 7-май — Sputnik. Жаңы зеландиялык оор отлетчи Лаурель Хаббард тарыхта Олимпиада оюндарына катышкан алгачкы трансгендер болуп калганы турат. Бул тууралуу The Guardian жазды.

43 жаштагы спортчу азырынча Жаңы Зеландиянын оор отлетика боюнча кыз-келиндер курама командасына расмий түрдө кабыл алына элек. Бирок Эл аралык олимпиада комитетинин жаңы эрежелерине ылайык, ал аялдар менен күч сынашып калышы толук мүмкүн.

Лаурель Хаббард  12 жыл мурда операция жасатып, жынысын алмаштырган. Ага чейин ал Гэвин деген ысым менен жашап, өз өлкөсүндө эркектер арасында алдыңкы оор атлетчи болгон.

Коомдук уюмдар анын аялдар арасында күч сынашына каршы болуп келет. Анткени спортчу расмий түрдө аял болгону менен факт жүзүндө дене түзүлүшү жана күчү эркектикиндей деп эсептешет.

Ал буга чейин Самоада өткөн кыз-келиндер мелдешине катышып, эки алтын, бир күмүш утуп алган.

121
Белгилер:
аял, оор атлетика, эреже, олимпиада, трансгендер, эркек
Тема боюнча
Модель болгусу келген кечил бала жынысын алмаштырып, подиумга чыкты
Кумтөр алтын кени. Архив

Сот "Кумтөр" компаниясын мамлекетке 262 млрд. сом төлөөгө милдеттендирди

80
(жаңыланган 00:20 08.05.2021)
Жергиликтүү тургундар чет өлкөлүк компания экологияга зыян келтирди деген доомат менен сотко кайрылган.

БИШКЕК, 8-май — Sputnik. Бишкектин Октябрь райондук соту "Кумтөр Голд Компани" компаниясын мамлекетке 261 миллиард 719 миллион 674 сом төлөөгө милдеттендирди. Бул тууралуу Жогорку соттун маалымат кызматы кабарлады.

Сот "Кумтөр Голд Компани" ишканасынын Кумтөр кенин иштетүүдөн чыккан калдыктарды Давыдов жана Лысый мөңгүлөрүнө жыйып келгенин мыйзамсыз деп тапкан. Дээрлик 262 миллиард сомго жеткен негизги суммадан тышкары сот компаниядан 1 миллиард 308 миллион 653 миң 370 сом мамлекеттик алым өндүрүүнү чечкен.

Маалыматта ишкананын үстүнөн сотко Ысык-Көлдүн тургундары арызданганы айтылат. Жергиликтүү жашоочулар "Кумтөр Голд Компани" Кыргызстандын экологиялык мыйзамдарын бузду деп даттанган. Мөңгүлөргө чыгарылган 1 миллиард 200 миллион тонна калдыктан 183 миллион куб муз талкаланганы белгиленди.

Доого жыгылган тарап 30 күндүн ичинде Бишкек шаардык сотуна кайрылса болот.

80
Белгилер:
токтом, чечим, сот, айып, компания, Кумтөр
Тема боюнча
"Кумтөрдү" Акылбек Жапаров жетектеген мамлекеттик комиссия текшермей болду
Үч милдет бар. Президент Жапаров экономика кандай реформаланарын айтты