Балбан Акжол Махмудов Азия чемпионатында

Кыргызстан грек-рим күрөшүнөн Азияда командалык эсепте үчүнчү орунду ээледи

137
(жаңыланган 14:50 15.04.2021)
Азия чемпионатында улуттук курама команданын балбандары 10 салмакта күч сынашып, беш коло, үч күмүш байге утушкан.

БИШКЕК, 15-апр. — Sputnik. Грек-рим күрөшүнөн 2021-жылдагы Азия чемпионатында Кыргызстан жалпы командалык эсепте байгелүү үчүнчү орунду ээледи. Бул тууралуу Азия күрөш уюму өзүнүн Instagram баракчасына жазды. 

Посмотреть эту публикацию в Instagram

Публикация от United World Wrestling Asia (@uww.asia)

Мелдеште улуттук курама команданын балбандары 10 салмакта күч сынашып, беш коло, үч күмүш байге утушкан.

Спорттук күрөштүн түрлөрү (грек-рим, эркин жана кыздар күрөшү) боюнча мелдеш ушул күндөрү (13-18-апрель) Казакстандын Алматы шаарында өтүп жатат. Кечээ, 14-апрелде, грек-рим түрү боюнча жарыш жыйынтыкталды. Ата мекендик спортчулар Руслан Царев (72 килограмм), Калидин Асикеев (82 килограмм) жана Атабек Азисбеков (87 килограмм) өз салмактарында экинчи орунду ээлеп, күмүш медаль тагынышты.

Ал эми Нурмухаммед Абдуллаев (55 килограмм) Амантур Исмаилов (67 килограмм), Кайрат Түгөлбаев (77 килограмм), Бексултан Махмудов (97 килограмм) жана Мурат Рамонов (130 килограмм) коло байге алышты.

Кыргызстан 138 упай топтоп, жалпы командалык эсепте үчүнчү орунга татыды. Экинчиге 141 упай менен Казакстан жетсе, Иран командасы 169 упай менен биринчи орунду ээледи.

Бүгүн кыз-келиндер күрөшү башталып, Айсулуу Тыныбекова, Мээрим Жуманазарова жана Айпери Медет кызы баш болгон спортчулар килемге чыгат.

137
Белгилер:
мелдеш, Азия чемпионаты, курама команда, Кыргызстан, грек-рим күрөшү
Тема боюнча
Качкымбаев: Кыргызстанда сумо күрөшү менен кыздар да машыгат
Эркин күрөштөн биринчи болуп Эрназар Акматалиев Олимпиадага лицензия утту. Видео

Кыргызстандык "Месси" Гүлжигит Алыкулов тууралуу даректүү тасма тартылды

125
Алматылык "Кайрат" футбол клубу жарым коргоочусу, мыкты дриблинги жана шамдагайлыгы менен кыргызстандык "Месси" атыккан Гүлжигит Алыкулов тууралуу даректүү тасма чыгарды.

Кыргызстандын улуттук командасынын 20 жаштагы оюнчусу 2020-жылдын январынан тарта алматылык "Кайрат" клубуна өткөн. Жакында эле клуб менен 2023-жылдын аягына чейин кызматташуу тууралуу келишимге кол койду.

Буга чейин ал беларустук "Неман" клубунун намысын коргогон. Футболчу ар дайым Европа клубдарында ойноону максат кылганын айтат. Учурда алматылыктардын намысын коргоп жатканына ыраазы экенин белгилеген.

Кыргызстанда спорттук карьерасын баштаган оюнчу "Дордой" клубунда тарбияланып, жергиликтүү "Кара-Балта", "Алга" командаларында ойногон. Мындан сырткары, түркиялык "Антальяспор" клубунда өзүн сынаган.

Тасмада Алыкулов Алматыдагы жашоосуна ыраазы экенин айткан. Атасын эстеп, ар тараптан колдогон үй-бүлөсүнө ыраазычылык билдирет.

"Кайраттын" башкы машыктыруучусу Алексей Шпилевский кыргыз футболчусун "Немандын" сабында ойноп, атаандаштын жарым командасын буйтап өтүп гол киргизгенде байкаганын айтат. Гүлжигит Европада ойногусу келген изги тилегине карабай, бир катар сүйлөшүүлөрдөн кийин Казакстанга келген.

Машыктыруучу кыргыз футболчусунун өз алдынчалыгын жана жеңиш үчүн умтулган кайраттуу мүнөзүн өзгөчө белгиледи.

Алыкулов өзү болсо "Кайраттын" сабында дагы бир жолу Казакстандын чемпиону болууну жана Кыргызстандын улуттук курамасы менен дүйнө чемпионатында ойноону самаарын белгиледи.

125
Белгилер:
Казакстан, Алматы, ФК Кайрат, даректүү тасма, Гүлжигит Алыкулов, футбол
Тема боюнча
"Кыргызстандык Месси" алматылык клуб менен келишимин узартты

Гол киргизип, токтоно албай дарбазаны да бузуп кеткен футболчу. Видео

166
(жаңыланган 13:15 11.05.2021)
Футболчу андан жабыр тарткан эмес, тескерисинче, голун майрамдап чуркап кеткен. Ал эми дарбазанын мамысы кыйшайып калган.

Швециянын "Мьельбю" клубунун чабуулчусу Якоб Бергстрем "Эстерсунд" клубуна гол киргизип, атаандаштын дарбазасын да бузуп кетти. Бул тууралуу telegraf.com.ua маалымат булагы жазды.

Өлкө чемпионатынын 5-турунун алкагындагы беттештин 38-мүнөтүндө чабуулчу капталдан чыгарылган топту башы менен сүзүп голго айланткан. Катуу күү менен келген оюнчу өзүн токтото албай дарбаза мамысына урунган. Футболчу андан жабыр тарткан эмес, тескерисинче, голун майрамдап чуркап кеткен. Ал эми дарбаза мамысы кыйшайып калган.

Кызыктуу окуя менен коштолгон бу гол "Мьельбю" үчүн беттештеги жалгыз жана жеңүүчү гол болгон.

"Мьельбю" чемпионатта тогузунчу орунда, ал эми "Эстерсунд" 12-сапта келе жатат.

166
Белгилер:
дарбаза, окуя, гол, футбол
Тема боюнча
Кайра-кайра топ тийип. Германиялык футболчунун оюнда жапа чеккен видеосу
Ош шаары. Архив

Ош шаардык кеңешине кайра шайлоо өтсө кимдер катыша алат. Тартиби

0
Жергиликтүү кеңештин депутаттарын кайра шайлоонун датасы президент тарабынан бир айдын ичинде дайындалууга тийиш.

БИШКЕК, 12-май — Sputnik. Борбордук шайлоо комиссиясы Ош шаардык кеңешине шайлоонун жыйынтыгын жокко чыгарды.

БШК төрайымы Нуржан Шайлдабекова президент Садыр Жапаровдон кайра шайлоо дайындоону суранды.

Эгер кайра шайлоо өтүп калса, анын тартиби кандай болот, кайсы партиялар катыша алат деген суроо туулат.

Бул туурасында “Жергиликтүү кеңештердин депутаттарын шайлоо жөнүндө” мыйзамдын 39-беренесинде жазылган.

  • Жергиликтүү кеңештердин депутаттарын кайра шайлоо президент тарабынан шайлоо жараксыз деп табылган күндөн тартып бир айдын ичинде дайындалат жана тиешелүү шайлоо комиссиялары тарабынан өткөрүлөт;
  • Шайлоону жараксыз деп табуу үчүн негиз болгон талапкерлер кайра шайлоого катыша албайт;
  • Эгерде мамлекеттик же жергиликтүү бийлик органдарынын, шайлоо комиссияларынын кызматкерлеринин чечимдери, аракеттери (аракетсиздиги) добуш берүүнүн жыйынтыктарын жараксыз деп табуу үчүн негиз болсо, эч бир партиянын жарышка катышуусуна чек коюлбайт.

Белгилей кетсек, Ош шаардык кеңешине 11-апрелде өткөн шайлоодо төрт партия утуп чыккан. БШК анда кызмат адамдары добуш берүү процессине кийлигишкени, административдик ресурс колдонулганы, үгүт иштеринде, добуш берүү учурунда, имараттан сырткары добуш берүүдө мыйзам бузуулар аныкталганын айтууда.

АСУнун жыйынтыгы боюнча мандат төмөнкүдөй бөлүштүрүлмөк:

  • "Ата-Журт Кыргызстан" — 48,68 пайыз (27 мандат);
  • "Улуттар биримдиги" — 17,52 пайыз (12 мандат);
  • "Ыйман нуру" — 8,11 пайыз (4-5 мандат);
  • "Ынтымак" — 7,02 пайыз (3-4 мандат).
0
Белгилер:
БШК, тартип, шайлоо, жыйынтык, шаардык кеңеш, Ош
Тема:
Жергиликтүү кеңештерди шайлоо
Тема боюнча
Экс-депутат, мэрия кызматкерлери жүрөт. Ош шаардык кеңешине кимдер баратат
НДПК мандатсыз калды. Кызыл чеке талашка Жогорку сот чекит койду
Депутат Садиков шайлоого келбеген жарандарды жоопко тартууну сунуштады