Кыргызстандык 46 жаштагы жөө күлүк Оболбек Осмонбеков. Архив

Жөө күлүк Оболбек Осмонбеков Нур-Султанга чуркоого камынып жатат

61
(жаңыланган 09:22 20.04.2021)
Жөө күлүк буга чейин Ат-Башыдан Бишкекке чуркап келген. Жакында эле борбор калаадан Ош шаарына чейин чуркап барган болчу.

БИШКЕК, 20-апр. — Sputnik. Кыргызстандык 46 жаштагы жөө күлүк Оболбек Осмонбеков жакынкы аралыкта Бишкектен Казакстандын борбору Нур-Султан шаарына чуркайт. Маалыматты Sputnik агенттигине спортчу өзү тастыктады.

Осмонбековдун айтымында, ал Нур-Султанга кыргыз-казак элдеринин достугун жана спортту даңазалоо максатында чуркамакчы.

"Нур-Султанга Бишкектен орозо аяктаганда, болжол менен май айынын акырында жолго чыгабыз. Азырынча даярдыктар көрүлүүдө. Нур-Султанга чейин эч кандай ашуу жок, жол түз. Болжолдуу эсептөөбүз боюнча, 1 200 чакырым аралыкты түзөт. Коштоп жүрчү унааларга эки элдин достугун жана спортту даңазалаган ураандар жазылат. Ушу тапта демөөрчү да издеп жатабыз", — деди жөө күлүк.

Эске салсак, Оболбек Осмонбеков ушул жылдын 24-мартында Бишкек шаарынан Ошко чуркап, сегиз күндө 671 чакырымды басып өткөн. Ал эми былтыр Ат-Башы районунан Бишкекке 400дөн ашык чакырым чуркаган. Муну менен ал жаштарды дени сак жашоого чакырып, спорт менен достошууга үндөп келет.

Маалым болгондой, Осмонбеков спорттун бул түрү менен 2017-жылдан бери машыгат. Буга чейин ал бир катар ультрамарафондорго катышкан.

61
Белгилер:
Ат-Башы, Ош, Бишкек, Нур-Султан, Казакстан, жөө күлүк, Оболбек Осмонбеков
Тема боюнча
Осмонбеков: чуркоодон эки жылда бүт дартымдан сакайдым
Ат-Башыдан Бишкекке чейин чуркап, 400 чакырымды багынткан Оболбек. Сүрөттөр
Андреа Ли менен Антонина Шевченко беттеш учурунда

UFC Антонина Шевченко менен анын атаандашына бирдей гонорар берди

96
(жаңыланган 14:36 18.05.2021)
Шевченко сый акысынын көп бөлүгүн спорттук иш-чарага катышып бергени үчүн, азыраак суммасын жарнамалык кызмат көрсөткөнү үчүн алган.

БИШКЕК, 18-май — Sputnik. Кыргызстандык спортчу Антонина Шевченко Хьюстондогу UFC 262 турниринде 46 миң доллар тапты. Бул тууралуу SportsDaily спорттук басылмасы жазды.

Дем алыш күнү өткөн турнирде Антонина Шевченко америкалык спортчу Андреа Лиге утулуп калган. Каршылашы экинчи раундда колду кайруу ыкмасын колдонгон.

Кыргызстандык спортчу ММАде жалпысынан тогуз беттеште жеңүүчү болуп, үч жолу жеңилген.

Шевченко соңку кармашы үчүн атаандашы сыяктуу эле 46 миң доллар тапкан. Ал 40 миңин спорттук иш-чарага катышканы үчүн, калган алты миң доллары жарнама үчүн төлөнгөн.

Каршылашы Андреа Ли беттешкени жана жеңиши үчүн 20 миң доллар, медиа жумалыгына катышкандыгы үчүн алты миң доллар алган.

UFC 262 турниринде эң көп сый акыга Хабиб Нурмагомедовдун салмагында жаңы чемпион болгон Чарльз Оливейра алды. Ага 455 миң доллар төлөнгөн. Анын атаандашы Майкл Чендлерге 380 миң доллар берилген.

96
Белгилер:
беттешүү, гонорар, Андреа Ли, Антонина Шевченко, UFC
Тема боюнча
Макгрегор жарыкка келген уулунун сүрөтүн көрсөттү
Антонина Шевченконун каршылашына жеңилген видеосу тарады
Чарльз Оливейра жеңил салмакта чемпион болуп, Хабибдин ордун ээледи. Видео
Кыргызстандык боксчу Азат Усеналиев. Архив

Азат Усеналиев баштаган боксчулар Азия чемпионатында күчүн сынайт

50
Мелдеш 21-майдан 1-июнга чейин Бириккен Араб Эмирлигинде өтөт. Анда улуттук команданын алты мушкери күчүн сынайт.

БИШКЕК, 18-май — Sputnik. Бокс боюнча Кыргызстандын улуттук курама командасы Азия чемпионатына катыша турган спортчулардын тизмесин жарыялады. Бул тууралуу Жаштар иши, дене тарбия жана спорт агенттигинин маалымат кызматы билдирди.

Мелдеш 21-майдан 1-июнга чейин Бириккен Араб Эмирлигинин Дубай шаарында өтөт. Азия чемпионатын багындырууга спорт чеберлери жана эл аралык даражадагы спорт чеберлери Мирлан Түркбай уулу (49 кг), Азат Усеналиев (52 кг), Акылбек Эсенбек уулу (57 кг), Нурадин Рустамбек уулу (69 кг), Өмүрбек Бекжигит уулу (75 кг), Эркин Адылбек уулу (81 кг) аттанышат.

Спортчуларды башкы машыктыруучу Данияр Жусубалиев жетектеген топ алып барат.

Белгилей кетсек, курама команданын мушкерлери мелдешке Жаштар иши, дене тарбия жана спорт агенттигинин алдындагы Олимпиадалык спорттун түрлөрү боюнча дирекциясы тарабынан жиберилүүдө.

Ата мекендик мушкерлер буга чейин Азия чемпионатына Бишкекте даярдык көрүшкөнү айтылган.

50
Белгилер:
Кыргызстан, мелдеш, Азия чемпионаты, бокс
Тема боюнча
Кыргызстандык дзюдочулар Азия кубогунда 3 алтын медаль тагынды. Сүрөт
Автоунаа кум борошосун учурунда. Архив

Жүрөк үшүн алат! Чаңдуу бороон Казакстандын райондорун каптаган видео

0
(жаңыланган 22:18 18.05.2021)
Метеорологдор мындай жаратылыш кубулушу региондо көп убакыт жаан жаабай кургак болуп, температура кескин өзгөрүп кеткенде башталарын айткан.

БИШКЕК, 18-май — Sputnik. Түндүк Казакстан облусунун бир катар райондорунда бүгүн чаңдуу бороон болду. Бул тууралуу Sputnik Казакстан жазды.

Социалдык тармактын колдонуучулары муну "Күн тутулуп жаткандай" деп сүрөттөп, айланада эч нерсе көрүнбөй калганын жазышкан.

Агенттикке Казгидрометтин облустук филиалы чаңдуу бороон аймакта көп убакыт жаан жаабай кургак болуп, температура кескин өзгөрүп кеткенде башталарын айткан.

Посмотреть эту публикацию в Instagram

Публикация от Петропавловск Казахстан СКО (@sko_kz)

Ошондой эле метеорологдор Тайынша районунда шамалдын ылдамдыгы секундасына 33 метрге чейин жеткенин айтышкан. Жакынкы метеорологиялык станциялар дагы шамалдын ылдамдыгы секундасына 20 метрден ашканын каттаган.

0
Белгилер:
видео, аба ырайы, чаң, бороон, Казакстан
Тема боюнча
Индонезиядагы катуу торнадо шаарды жабыркатты. Алай-дүлөйдүн видеосу