Шумдук кармашуу! Шевченко Андрадени техникалык нокаут менен утту. Видео

© REUTERS / Jasen Vinlove-USA TODAY SportsUFC 261 в Джексонвилле. Валентина Шевченко и Джессика Андраде
UFC 261 в Джексонвилле. Валентина Шевченко и Джессика Андраде - Sputnik Кыргызстан, 1920, 25.04.2021
Жазылуу
Кыргызстандык спортчу наамын бешинчи ирет коргоп калды. Ал беттештин жүрүшүндө бразилиялык атлетке эч мүмкүнчүлүк берген жок.
БИШКЕК, 25-апр. — Sputnik. Кыргызстандык мушкер кыз Валентина Шевченко кезектеги атаандашы Жессика Андрадени утуп, UFC уюмунун чемпиону наамын коргоп калды.

Посмотреть эту публикацию в Instagram

Публикация от MMA KYRGYZ (@mma_kyrgyz)

Ата мекендик спортчу беттештин экинчи раундунда атаандашын жерге жыгып, эки колун "байлап", бетке чыканагы менен сокку жаадыра баштаганда калыстар беттешти токтотту. Кыргызстандык спортчу ушуну менен бешинчи ирет чемпиондук наамын коргоп калды. Ошентип Шевченко Андрадени техникалык нокаут менен утту.

Посмотреть эту публикацию в Instagram

Публикация от UFC Russia (@ufcrussia)

UFC 261 турнири АКШнын Флорида штатындагы Жексонвилл шаарында болуп жатат.
​Шевченко беделдүү уюмдун бел курун 2018-жылы польшалык Жоанна Енджейчикти уткандан кийин тагынган. 2019-жылы америкалык Жессика Айды, Лиз Кармушту, ал эми былтыр америкалык Кэтлин Чукагянды, бразилиялык спортчу Женнифер Майяны утуп, наамын төрт ирет коргоп калган.
Андраде эң жеңил салмактын чемпиону болгон. Ал буга чейин карьерасында 29 кармашка чыгып, сегиз ирет жеңилген.
Жаңылыктар түрмөгү
0