Америкалык белгилүү мушкер Роуз Намаюнас кытайлык Вэйли Жангды жеңди

UFC: Намаюнас кытайлык Жангды сулата тээп уткан соң ыйлап жиберди. Видео

232
(жаңыланган 10:55 25.04.2021)
Америкалык белгилүү мушкер Роуз Намаюнас кытайлык Вэйли Жангды жеңип, кайрадан UFC уюмунун чемпиону болду. Сүйүнгөнүнөн көз жашын тыя алган жок.

БИШКЕК, 25-апр. — Sputnik. Спортчулар АКШнын Жексонвилл шаарында өткөн UFC 261 турниринин алкагында кармашты.

Беттеш бир раундга эле созулду. Намаюнас Жангды башка тээп сулатып, андан кийин ургулап баштаганда беттеш токтотулду.

Натыйжада америкалык спортчу 52 килограмм салмактагылар арасында кайра чемпион болду. Курун 2019-жылы бразилиялык Жессика Андрадеге алдырып жиберген. Ал эми Андраде кытайлык Жангдан коргой албай калган.

Кийинчерээк Намаюнас Андраде менен реванш беттеш өткөрүп утуп алган. Бирок анда атаандашы чемпион эмес эле.

Баса, биз сөз кылган Жессика Андраде менен бүгүнкү UFC турниринде кыргызстандык Валентина Шевченко кармашып, техникалык нокаут менен чемпиондук наамын коргоп калды.

232
Белгилер:
видео, наам, чемпион, UFC
Тема боюнча
Лезгинка жана Кыргызстанга жолдонгон салам. Шевченконун жеңиштен кийинки видеосу
Шумдук кармашуу! Шевченко Андрадени техникалык нокаут менен утту. Видео

Кыргызстандагы спорт тууралуу алгачкы телесериалдын трейлери жарыяланды

152
Кыргызстанда биринчи жолу спорт тууралуу тартылган "Стимул" телесериалынын трейлери Youtube каналына жарыяланды.

Тасманын автору жана режиссёру Темирлан Жумабековдун айтымында, телесериал күрөш, дзюдо, бокс тармагындагы өкүлдөрдүн жашоосун баяндайт. Сериалга актёр катары көбүнчө дасыккан спортчулар тартылган. Фильмди тартуу иштери аягына чыккан. Режиссер телесериал жакынкы аралыкта көрүүчүлөрдүн назарына сунуштала турганын кошумчалады.

152
Белгилер:
спортчу, видео, спорт
Тема боюнча
Жүк ташып иштейм. АКШда чемпион болгон мушкер Зулкарнайн менен маек

Таразага түшө албай калтыраган АКШ мушкеринин беттеши токтотулду. Видео

430
(жаңыланган 19:20 08.05.2021)
Америкалык атлет бутуна тура албай калган абалга жеткени аз келгенсип, салмагы дивизиондогу ченемден үч фунтка ашып кеткен. Мындан улам ага беттешке чыгууга уруксат берилген эмес.

UFC мушкери, америкалык Райан Бенойт менен өзбекстандык Заррух Адашевдин UFC on ESPN 24 мелдешиндеги беттеши токтотулду. Буга АКШлык спортчунун таразага түшүүдө калтырап баса албай калганы себеп болду. Окуянын видеосу Youtube каналына жарыяланды.

Видеодо көрүнүп тургандай, Бенойт салмакка түшүүчү жайга башкалардын жардамы менен жетип, өз күчү менен таразага чыга албай койгон. Америкалык атлет бутуна тура албай калган абалга жеткени аз келгенсип, салмагы дивизиондогу ченемден үч фунтка ашып кеткен. Мындан улам уюмдун жетекчилиги ага беттешке чыгууга уруксат берген эмес. 

UFC уюмунун кезектеги мелдеши 9-майда Лас-Вегаста өтөт.

430
Белгилер:
ден соолук, салмак, Лас-Вегас, АКШ, мелдеш, ESPN, UFC
Тема боюнча
UFC: башкы беттеште Усман атаандашы Масвидалды нокаутка кетирди. Видео
UFC: Намаюнас кытайлык Жангды сулата тээп уткан соң ыйлап жиберди. Видео

Тамак талашып... Бактын башынан кулаган арстан менен кабыландын видеосу

0
(жаңыланган 10:03 10.05.2021)
Бактын башында олжо талашып урушкан кабылан менен арстанды көтөрө албай, бутак сынып кеткен. Окуя Түштүк Африкадагы Крюгер паркында болгон.

Видеонун авторунун айтымында, ургаачы арстан бактын башында жүргөн кабыландын олжосуна кызыгып, эринбей чыгып барган. Тапкан тамагын кызганган берки жырткыч айбат кылып, экөө ошол жерден чапчылашып, уруша кеткен.

Эки ири жырткычтын салмагын көтөрө албаган бутак жоон болгону менен сынып кетип, эки жаныбар жерге күү менен түшкөн. Бак-шак, сынган бутактын арасынан эптеп суурулуп чыккан кабылан артын карабай качкан. Видеодон анын катуу чочуп калганын байкоого болот.

Ал эми арстан эки жагын каранып, ошол жерде турганы менен видео аяктаган.

Маалыматта бир чети таңгалдырып, бир чети күлкүнү келтирген бул окуянын Лондолоза деп аталган аймакта болгону жазылган.

0
Белгилер:
олжо, кабылан, арстан, Түштүк Африка Республикасы
Тема боюнча
Тумшугуна эч нерсе илинбей. Олжосунан ажыраган арстандын видеосу