Токио шаары. Архивдик сүрөт

Олимпиада: КР командасын Токиого жөнөтүү маршруту иштелип жатат

89
Спортчуларды мелдешке алып баруу үчүн эң ыңгайлуу жол каралып жатканы айтылды. Оюнга чейин Токиодо машыгуу өткөрүү да пландалууда.

БИШКЕК, 26-апр. — Sputnik. Жайкы Олимпиада оюндарына бара турчу курама команданы Токиого жөнөтүү маршруту иштелип жатат. Бул тууралуу Жаштар иши, дене тарбия жана спорт агенттигинин маалымат кызматы кабарлады.

Улуттук Олимпиада комитетинин башкы катчысы Саламат Эргешовдун айтымында, оюнда жолдомо алган спортчулар жана алардын машыктыруучулары чекесинен каттоодон өтүп жатат.

"Оюн 23-июлдан 8-августка чейин өтөт. Бардыгы күчүндө, даярданып жатабыз. Учурда Токиого баруу маршруту иштелип жатат. Түз каттам менен кетирүү да каралууда. Бирок бардык авиакомпаниялар менен транзиттик шаарлар буга ачык эмес. Ошондуктан эң ыңгайлуу жолун тандоо кыйын болууда", — деди Эргешов.

Ал эми УОКтун вице-президенти Канат Аманкулов оюн алдында Токиого барып командаларды машыктыруу аракети көрүлүп жатканын кошумчалаган.

Мелдеш 2021-жылдын 23-июлунан 8-августуна чейин өтөрү пландалган. Япониянын борборунда жай айында өтүүчү оюндар чет элдик көрөрмансыз өтөт. Ага 200дөн ашуун мамлекеттин спортчулары катышары күтүлүп жатат. Өлкө куржунунда азыр 12 лицензия бар.

Sputnik кыргызстандык спортчулардын маанилүү мелдешке даярдыгы жана Олимпиадада медаль алуу мүмкүнчүлүгү тууралуу материал даярдаган. 

89
Белгилер:
каттам, курама команда, олимпиада, Токио, Кыргызстан
Тема:
2021-жылы Токиодо өтө турган Олимпиада оюндары (65)
Тема боюнча
Олимпиадага үч ай калды, Спорт агенттигинин 45 млн. карызы бар. Даярданып жетишеби?
Шамканов: Олимпиадага жолдомо уткан спортчулар катуу көзөмөлдө
Кыргызстандык эки оор атлетчи Олимпиадага жолдомо алууга жан үрөйт
UFCинин эки категория боюнча чемпиону Аманда Нуньес. Архив

UFC Нуньес чемпион болуп турган дивизионду жабат

107
(жаңыланган 11:02 06.05.2021)
Спорттук уюм 65 килограмм салмакта атаандаштык жараткан кыз-келиндер жоктугунан дивизионду жаап салууну карап жатат. Нуньес ушул категорияда жана 61 килограмм салмакта чемпион.

БИШКЕК, 6-май. — Sputnik. UFC президенти Дана Уайт кыз-келиндер арасындагы жарым жеңил салмак дивизионун жабууну чечти. Бул тууралуу Fight Sports TV каналына промоушендин эки категория боюнча чемпиону Аманда Нуньес билдирди.

"Дана бул категорияны жабууну чечти. Мен ал жакта чемпион болгондуктан жабылбай эле турса экен дейм", — деди ал.

Нуньес жарым жеңил салмакта атаандаштык жараткан спортчулар аз экенин белгиледи.

"Бул категорияда таланттуу спортчуларды табуу кыйын болууда. Крис Сайборг (Bellator уюмунун чемпиону) менен беттешкен кыздарга деле бир нерсе жетишпегендей. Мен аларды жамандаган жерим жок, бирок көбүрөөк иштеп, ордун табышы керек", — деди бразилиялык спортчу.

Нуньес жарым жеңил салмактагы чемпиондук наамды 2018-жылы ошол кездеги чемпион Крис Сайборгду утуп тагынган. Андан бери эки ирет коргоду. Бразилиялык спортчу 61 килограмм салмактагылар арасында да чемпион экени белгилүү. Бул категорияда кыргызстандык Валентина Шевченко менен эки ирет беттешип утуп алган.

107
Белгилер:
атаандаштык, категория, салмак, Аманда Нуньес, Дана Уайт, UFC
Тема боюнча
Лезгинка жана Кыргызстанга жолдонгон салам. Шевченконун жеңиштен кийинки видеосу
UFC: Намаюнас кытайлык Жангды сулата тээп уткан соң ыйлап жиберди. Видео
UFC: башкы беттеште Усман атаандашы Масвидалды нокаутка кетирди. Видео
Англиянын Челси футбол клубу жарым финалда испаниялык Реал Мадридди утуп, Чемпиондор лигасы мелдешинин финалына чыкты

"Челси" УЕФАнын Чемпиондор лигасы мелдешинин финалисти болду

88
(жаңыланган 09:58 06.05.2021)
Жарым финалдын жооптук беттешинде лондондуктар Реалды 2:0 эсебинде утту. Чечүүчү голдорду Тимо Вернер менен Мэйсон Маунт киргизди.

БИШКЕК, 6-май — Sputnik. Англиянын "Челси" футбол клубу жарым финалда испаниялык "Реал Мадридди" утуп, Чемпиондор лигасы мелдешинин финалына чыкты. Бул тууралуу УЕФАнын расмий сайты жазды.

Жооптук беттеште лондондуктар падышалык клубду 2:0 эсебинде утту. Оюндун 28-мүнөтүндө Тимо Вернер эсепти ачса, 85-мүнөттө Мэйсон Маунт гол киргизип, жеңишти камсыздады. Мадрид шаарында өткөн биринчи оюн 1:1 менен аяктаган болчу.

"Челсинин" жарым коргоочусу Н'Голо Канте беттештин мыкты оюнчусу деп табылды.

Лондондуктардын башкы насаатчысы Томас Тухель "Реал" Чемпиондор лигасында алты жолу беттешип, бир да жолу жеңилбеген жалгыз машыктыруучу болуп саналат. Төрт жолу утуп, эки ирет тең чыккан.

"Челси" Европадагы клубдар арасындагы эң абройлуу мелдештин финалында дагы бир англиялык "Манчестер Сити" клубу менен кездешет. Чемпионду аныктаган оюн 29-майда Түркиянын Стамбул шаарында өтөт.

Эскерте кетсек, УЕФАнын Чемпиондор лигасы мелдешин өткөн жылы Германиянын "Бавария" клубу уткан.

88
Белгилер:
Реал Мадрид ФК, ФК "Челси", Чемпиондор лигасы, УЕФА, футбол
Тема боюнча
Жаңы рекорд! Мессинин 644-голун киргизгенде кийген бутсасы 143 миң еврого сатылды
Футболчу Кайраттын "Каганатка" киргизген голу мыкты деп аныкталды. Видео
Рио-де-Жанейро шаарында метродо атышуу

Бразилияда метродо атышуу болуп, 25 киши көз жумду. Видео

0
(жаңыланган 00:31 07.05.2021)
Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

БИШКЕК, 7-май — Sputnik. Бразилиянын Рио-де-Жанейро шаарында метродо полиция менен баңгизат сатуучулардын арасында атышуу болуп, 25 киши каза болду. Бул тууралуу РИА Новости агенттиги жазды.

Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

Маалыматка караганда, шаар полициясы баңгизат сатуучуларды кармоо үчүн атайын операция жүргүзгөн. Жыйынтыгында 24 шектүү жана полициянын бир офицери каза болгону айтылат. Алардан тышкары төрт адам жаракат алган. Экөө жай тургун экени кошумчаланды.

0
Белгилер:
өлүм, видео, атышуу, полиция, Бразилия
Тема боюнча
Баткендеги үйдөн Ми-24 тик учагынан атылган авиаракета табылды. Видео