Регби оюнчулары. Архивдик сүрөт

Ошто Жеңиш күнүнүн урматына регби боюнча эл аралык мелдеш өтөт

143
Турнирди Кыргызстандын Регби федерациясы өткөрөт. Ага Жаштар иши, дене тарбия жана спорт агенттиги менен Ош шаардык дене тарбия жана спорт комитети көмөк көрсөтөт.

БИШКЕК, 27-апр. — Sputnik. Ош шаарында регби спорту боюнча эл аралык мелдеш өтөт. Бул тууралуу Жаштар иши, дене тарбия жана спорт агенттиги билдирди.

Турнирде курамында жети кишиден турган командалардын таймашы белгиленген.

"2-3-майда Улуу Ата Мекендик согуштагы жеңиштин 76 жылдыгына карата Ош шаарында регби-7 спорту боюнча эл аралык мелдеш өтөт. Ага Кыргызстан, Россия, Казакстан жана Өзбекстан өлкөлөрүнүн командалары катышат", — деп айтылат билдирүүдө.

Турнирди Кыргызстандын Регби федерациясы өткөрмөкчү. Ага Жаштар иши, дене тарбия жана спорт агенттиги менен Ош шаардык дене тарбия жана спорт комитети көмөк көрсөтөт.

143
Белгилер:
Улуу Ата Мекендик согуш, Ош шаары, мелдеш, регби
Тема боюнча
Жеңиш күнүнө арналган республикалык көк бөрү мелдеши Таласта өтөт
Жеңиштин 76 жылдыгына карата бак отургузулду. Бишкектеги сүрөттөр
Кыргызстандык боксчу Азат Усеналиев. Архив

Азат Усеналиев баштаган боксчулар Азия чемпионатында күчүн сынайт

31
Мелдеш 21-майдан 1-июнга чейин Бириккен Араб Эмирлигинде өтөт. Анда улуттук команданын алты мушкери күчүн сынайт.

БИШКЕК, 18-май — Sputnik. Бокс боюнча Кыргызстандын улуттук курама командасы Азия чемпионатына катыша турган спортчулардын тизмесин жарыялады. Бул тууралуу Жаштар иши, дене тарбия жана спорт агенттигинин маалымат кызматы билдирди.

Мелдеш 21-майдан 1-июнга чейин Бириккен Араб Эмирлигинин Дубай шаарында өтөт. Азия чемпионатын багындырууга спорт чеберлери жана эл аралык даражадагы спорт чеберлери Мирлан Түркбай уулу (49 кг), Азат Усеналиев (52 кг), Акылбек Эсенбек уулу (57 кг), Нурадин Рустамбек уулу (69 кг), Өмүрбек Бекжигит уулу (75 кг), Эркин Адылбек уулу (81 кг) аттанышат.

Спортчуларды башкы машыктыруучу Данияр Жусубалиев жетектеген топ алып барат.

Белгилей кетсек, курама команданын мушкерлери мелдешке Жаштар иши, дене тарбия жана спорт агенттигинин алдындагы Олимпиадалык спорттун түрлөрү боюнча дирекциясы тарабынан жиберилүүдө.

Ата мекендик мушкерлер буга чейин Азия чемпионатына Бишкекте даярдык көрүшкөнү айтылган.

31
Белгилер:
Кыргызстан, мелдеш, Азия чемпионаты, бокс
Тема боюнча
Кыргызстандык дзюдочулар Азия кубогунда 3 алтын медаль тагынды. Сүрөт
UFC боюнча ирландиялык мушкер Конор Макрегор. Архив

Макгрегор жарыкка келген уулунун сүрөтүн көрсөттү

94
(жаңыланган 11:19 18.05.2021)
Макрегордун үй-бүлөсү бир кыз менен бир уулду тарбиялап жаткан. Спортчу жакында эле үчүнчү наристелүү болгон сүрөтүн жарыялады.

БИШКЕК, 17-май — Sputnik. UFC боюнча ирландиялык мушкер Конор Макрегор жаңы төрөлгөн уулунун сүрөтүн социалдык тармактагы баракчасына койду.

Посмотреть эту публикацию в Instagram

Публикация от Conor McGregor Official (@thenotoriousmma)

Ал ымыркайга Райан деген ысым энчилегенин билдирди.

"Макрегорлордун кланы эми беш кишиден турат. Жакшынакай уул төрөлдү... Кудай, мага жана менин үй-бүлөмө берген жакшылыктарың үчүн ыраазымын", — деп жазган спортчу.

Макрегор менен Ди Дэвлин быйыл үй-бүлө курууга кам урган. Экөөнүн бир уул жана бир кызы бар болчу. Эми үчүнчү наристеси жарыкка келди.

94
Тема боюнча
Forbes Конор Макгрегордун жылдык кирешесин жарыялады
Коронавируска анализ жасоо үчүн үлгү алып жаткан медицина кызматкери. Архив

Коронавирус 234 кишиге жугуп, жети бейтап көз жумду

8
(жаңыланган 11:46 18.05.2021)
Акыркы суткаларда өлкө боюнча күн сайын 7-8 адамдын өмүрү кыйылууда. Жалпысынан коронавирустан 1 718 адам каза тапты.

БИШКЕК, 18-май — Sputnik. Өлкө боюнча бир сутка ичинде 234 кишиден коронавирус табылып, 282 бейтап айыкты. Бул тууралуу Республикалык штаб кабарлады.

Жуктургандар:

  • Бишкек шаары — 112;
  • Ош шаары — 3;
  • Чүй облусу — 81;
  • Ош облусу — 25;
  • Талас облусу — 1;
  • Нарын облусу — 2;
  • Жалал-Абад облусу — 1;
  • Баткен — 3;
  • Ош облусу — 6.

Ушуну менен коронавирус жуктургандардын жалпы саны 100 966га жетти.

Айыккандар:

  • Бишкек шаары — 187;
  • Ош шаары — 3;
  • Чүй облусу — 61;
  • Ош облусу — 5;
  • Талас облусу — 2;
  • Нарын облусу — 8;
  • Ысык-Көл облусу — 12;
  • Жалал-Абад облусу — 3;
  • Баткен — 1.

Жалпысынан 94 168 бейтап дартты жеңди.

Тилекке каршы, өткөн суткада илдет дагы жети адамдын өмүрүн алды. Анын ичинен алтоо Бишкектен болсо, бири Чүйдөн экени белгилүү болду. Жалпысынан коронавирустан 1 718 адам каза тапты.

Акыркы суткада 5 594 кишиге ПЦР-изилдөө жүргүзүлдү.

8
Белгилер:
коронавирус, статистика, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Түркияда пандемиянын эң кыйын учуру бүттү. Эрдоган элге кайрылды