Кыз-келиндер күрөшү боюнча Азиянын коло медаль ээси Нураида Анаркулова (оңдо)

Балбан кыз Нураида Анаркулова лицензиялык турнирге катышат

57
Буга чейин балбан кыздардан Токио Олимпиадасына лицензияны Айсулуу Тыныбекова, Айпери Медет кызы жана Мээрим Жуманазарова алган.

БИШКЕК, 4-май. — Sputnik. Кыз-келиндер күрөшү боюнча Азиянын коло медаль ээси Нураида Анаркулова Олимпиадага жолдомо бере турчу турнирге катышат. Бул тууралуу Жаштар иши, дене тарбия жана спорт агенттиги кабарлады.

Ага ылайык, Анаркулова 5-10-май күндөрү София шаарында (Болгария) лицензиялык дүйнө мелдешине барат. Спортчуну башкы машыктыруучу Нурбек Изабеков коштоп барат.

Анаркулова 2017-жылы Азия чемпионатында вице-чемпион болгон. 2019-жылы 23 жашка чейинки спортчулар арасындагы Азия чемпионатында күмүш медаль, жаштар арасында Азия чемпионатында дагы күмүш байге, ошол эле жылы жаштар арасындагы дүйнө чемпионатында коло медаль тагынган. Россияда өткөн ачык кубокто алтын медаль тагынган. 2021-жылы Азия чемпионатынан үчүнчү орунду алды.

Посмотреть эту публикацию в Instagram

Публикация от Спорт Кыргызстан (@sport.kyrgyzstann)

Буга чейин балбан кыздардан Токио Олимпиадасына лицензияны Айсулуу Тыныбекова, Айпери Медет кызы жана Мээрим Жуманазарова алган.

Кыргызстандык фехтование боюнча спортчу Роман Петров (ортодо)
© Фото / пресс-служба Государственного агентства спорта
Мелдеш 2021-жылдын 23-июлунан 8-августуна чейин өтөрү пландалган. Япониянын борборунда жай айында өтүүчү оюндар чет элдик көрөрмансыз өтөт. Ага 200дөн ашуун мамлекеттин спортчулары катышары күтүлүп жатат. Өлкө куржунунда азыр 12 лицензия бар.

Sputnik кыргызстандык спортчулардын маанилүү мелдешке даярдыгы жана Олимпиадада медаль алуу мүмкүнчүлүгү тууралуу материал даярдаган.

57
Белгилер:
күрөш, спорт, Кыргызстан
Тема боюнча
Кыргызстан акыркы лицензиялык мелдешке тандалган балбандарды жиберет
Олимпиада: КР командасын Токиого жөнөтүү маршруту иштелип жатат
UFCинин эки категория боюнча чемпиону Аманда Нуньес. Архив

UFC Нуньес чемпион болуп турган дивизионду жабат

101
(жаңыланган 11:02 06.05.2021)
Спорттук уюм 65 килограмм салмакта атаандаштык жараткан кыз-келиндер жоктугунан дивизионду жаап салууну карап жатат. Нуньес ушул категорияда жана 61 килограмм салмакта чемпион.

БИШКЕК, 6-май. — Sputnik. UFC президенти Дана Уайт кыз-келиндер арасындагы жарым жеңил салмак дивизионун жабууну чечти. Бул тууралуу Fight Sports TV каналына промоушендин эки категория боюнча чемпиону Аманда Нуньес билдирди.

"Дана бул категорияны жабууну чечти. Мен ал жакта чемпион болгондуктан жабылбай эле турса экен дейм", — деди ал.

Нуньес жарым жеңил салмакта атаандаштык жараткан спортчулар аз экенин белгиледи.

"Бул категорияда таланттуу спортчуларды табуу кыйын болууда. Крис Сайборг (Bellator уюмунун чемпиону) менен беттешкен кыздарга деле бир нерсе жетишпегендей. Мен аларды жамандаган жерим жок, бирок көбүрөөк иштеп, ордун табышы керек", — деди бразилиялык спортчу.

Нуньес жарым жеңил салмактагы чемпиондук наамды 2018-жылы ошол кездеги чемпион Крис Сайборгду утуп тагынган. Андан бери эки ирет коргоду. Бразилиялык спортчу 61 килограмм салмактагылар арасында да чемпион экени белгилүү. Бул категорияда кыргызстандык Валентина Шевченко менен эки ирет беттешип утуп алган.

101
Белгилер:
атаандаштык, категория, салмак, Аманда Нуньес, Дана Уайт, UFC
Тема боюнча
Лезгинка жана Кыргызстанга жолдонгон салам. Шевченконун жеңиштен кийинки видеосу
UFC: Намаюнас кытайлык Жангды сулата тээп уткан соң ыйлап жиберди. Видео
UFC: башкы беттеште Усман атаандашы Масвидалды нокаутка кетирди. Видео
Англиянын Челси футбол клубу жарым финалда испаниялык Реал Мадридди утуп, Чемпиондор лигасы мелдешинин финалына чыкты

"Челси" УЕФАнын Чемпиондор лигасы мелдешинин финалисти болду

86
(жаңыланган 09:58 06.05.2021)
Жарым финалдын жооптук беттешинде лондондуктар Реалды 2:0 эсебинде утту. Чечүүчү голдорду Тимо Вернер менен Мэйсон Маунт киргизди.

БИШКЕК, 6-май — Sputnik. Англиянын "Челси" футбол клубу жарым финалда испаниялык "Реал Мадридди" утуп, Чемпиондор лигасы мелдешинин финалына чыкты. Бул тууралуу УЕФАнын расмий сайты жазды.

Жооптук беттеште лондондуктар падышалык клубду 2:0 эсебинде утту. Оюндун 28-мүнөтүндө Тимо Вернер эсепти ачса, 85-мүнөттө Мэйсон Маунт гол киргизип, жеңишти камсыздады. Мадрид шаарында өткөн биринчи оюн 1:1 менен аяктаган болчу.

"Челсинин" жарым коргоочусу Н'Голо Канте беттештин мыкты оюнчусу деп табылды.

Лондондуктардын башкы насаатчысы Томас Тухель "Реал" Чемпиондор лигасында алты жолу беттешип, бир да жолу жеңилбеген жалгыз машыктыруучу болуп саналат. Төрт жолу утуп, эки ирет тең чыккан.

"Челси" Европадагы клубдар арасындагы эң абройлуу мелдештин финалында дагы бир англиялык "Манчестер Сити" клубу менен кездешет. Чемпионду аныктаган оюн 29-майда Түркиянын Стамбул шаарында өтөт.

Эскерте кетсек, УЕФАнын Чемпиондор лигасы мелдешин өткөн жылы Германиянын "Бавария" клубу уткан.

86
Белгилер:
Реал Мадрид ФК, ФК "Челси", Чемпиондор лигасы, УЕФА, футбол
Тема боюнча
Жаңы рекорд! Мессинин 644-голун киргизгенде кийген бутсасы 143 миң еврого сатылды
Футболчу Кайраттын "Каганатка" киргизген голу мыкты деп аныкталды. Видео
Спутник Лайт вакцинасы. Архив

Россия коронавируска каршы дагы бир вакцинаны каттоодон өткөрдү

0
(жаңыланган 21:34 06.05.2021)
Бир компоненттүү "Спутник Лайт" вакцинасынын эффективдүүлүгү эмдөөнүн 28 күнүнөн тарта 79,4 пайызга жетери айтылды.

БИШКЕК, 6-май — Sputnik. Россиянын Саламаттык сактоо министрлиги коронавируска каршы "Спутник Лайт" вакцинасын каттоодон өткөрдү. Бул тууралуу РИА Новости жазды.

"Бир компоненттүү "Спутник Лайт" вакцинасынын эффективдүүлүгү эмдөөнүн 28 күнүнөн тарта 79,4 пайызга жетет. Бул учурда текшерилгендердин 96.6 пайызында IgG антителосу, 91,67 пайызында вирусту алсыздандыра турган антитело пайда болорун аныкталды. 80 пайыз учурда анын таасири эки компоненттүү вакциналардан дагы күчтүү экенин белгилүү болду”, — деп айтылат билдирүүдө.

Учурда анын клиникалык сыноосунун үчүнчү фазасы өтүп, ага Россия, БАЭ, Гана сыяктуу мамлекеттерден 7 миң кши катышып жатат. Жыйынтыгы ушул айда белгилүү болот.

"Спутник Лайт" Гамалея борбору менен Россиянын Түз инвестициялар фонду (РФПИ) биргеликте иштеп чыккан "Спутник" вакцина топтомуна кирет.

Буга чейин Гамалея атындагы борбордун директору Александр Гинцбург "Спутник Лайт" аталган мамлекеттерде оорунун мизин кайтарып, жергиликтүү саламаттык сактоо тармагына сезилерлик колдоо болорун белгилеген.

0
Белгилер:
вакцина, коронавирус, Россия
Тема:
Дүйнөгө жайылган коронавирус
Тема боюнча
Майдын ортосунда "Спутник V" вакцинасынын дагы бир партиясы келери күтүлүүдө