Ысык-Көлдө өткөн Run the Silk Road — Shanghai Cooperation Organization марафонунун катышуучулары

Акактап келе жаткан атаандашына суу сунган Көчкөнбаевдин ич жылыткан видеосу

592
(жаңыланган 22:52 17.05.2021)
Тяпкин жеңишке жетип, ал эми суу сунган ак жүрөк атаандашы марага экинчи болуп келген. Ал эми аялдар арасында Тяпкиндин жубайы өзгөчөлөнгөн.

БИШКЕК, 17-май — Sputnik. Ысык-Көлдө өткөн Run the Silk Road — Shanghai Cooperation Organization марафонунда көңүлдү жылыткан бир окуя болуп өткөндүгүн уюштуруучулар белгилешти.

Жөө күлүктөр Илья Тяпкин жана Жоодар Көчкөнбаев 30 чакырым аралыкты басып өткөндө биринчи спортчу жанына суу алганга жетишпей калган. Көчкөнбаев андан бир нече – 20 метрдей аралыкта артта келе жатканы менен колунда суусу болгон. Ал суусун ууртап, бир аз өзүнө чачып, андан соң Тяпкинге жете келген.

Посмотреть эту публикацию в Instagram

Публикация от Марафон Run the Silk Road (@runthesilkroad)

"Бир караганда суу ага бир аз болсо да күч берип тез чуркагандай боло баштаган. Бирок Жоодардын башка планы болгон, ал Тяпкинди кууп жетип, ага суу берген", — дешти уюштуруучулар.

Таймашка карабай акырында Тяпкин марага биринчи, ал эми Жоодар эки мүнөт төрт секундага артта келген.

15-май күнү Чолпон-Ата шаарынын ат майданында Олимпиада оюндарынын коло медалынын ээси Сатымкул Жуманазаровдун элесине арналган Run the Silk Road – Shanghai Cooperation Organization эл аралык марафону өттү.

Иш-чарага 35 өлкөдөн 3000 жеңил атлет жана спорт ышкыбоздору катышты. Жөө күлүктөр 3, 10, 21,1 жана 42,2 чакырым аралыкка чуркашты.

Марафондун (42 чакырым) жыйынтыгы боюнча алдыңкы орундардын көбүн кыргызстандыктар ээлеп, Тажикстандын бир спортчусу үчүнчү орунду алды

Эркектер арасында:

  • Илья Тяпкин – 1-орун, 2 саат 27 мүнөт 48 секунд;
  • Жоодарбек Көчкөнбаев – 2-орун, 2 саат 29 мүнөт 50 секунд;
  • Шакиржан Маматкулов (Тажикстан) – 3-орун, 2 саат 37 мүнөт, 56 секунд.

Кыз-келиндер арасында:

  • Мария Коробицская – 1 орун, 2 саат 39 мүнөт, 40 секунд;
  • Дарья Маслова – 2 орун, 2 саат 44 мүнөт 53 секунд;
  • Гүлшаной Сатарова – 3-орун, 2 саат 46 мүнөт.
592
Белгилер:
видео, спортчу, жөө күлүк, марафон, Кыргызстан
Тема боюнча
Күйөөсү да, аялы да алтын утуп... Ысык-Көлдү бойлой жарышкан 3000 жөө күлүк. Видео
35 өлкө катышкан Ысык-Көл марафонунда кыргызстандык жубайлар баш байге алды
Керилген кыздар, койкойгон жигиттер. Көлдөгү марафондун көз сүйүнткөн сүрөттөрү

Муун алмашып... Олимпиадада спорттун өзгөчө түрүн көрсөткөн аялдардын видеосу

100
(жаңыланган 21:13 29.07.2021)
Эл аралык олимпиада комитетинин сайтында өзгөчө видео жарыяланды. Анда Советтер Союзу менен Россиянын атынан Олимпиадага спорттун таянып секирүү түрү боюнча катышкан аялдардын мууну көрсөтүлгөн.

Олимпиадада гимнастика боюнча аты тарыхта калгандар:

  • Лариса Латынина (СССР), Мельбурн 1956;
  • Вера Чаславска (Чехословакия), Мехико 1968;
  • Нелли Ким (СССР), Монреаль 1976;
  • Екатерина Сабо (Румыния), Лос-Анджелес 1984;
  • Светлана Богинская (СССР), Сеул 1988;
  • Генриетта Оноди (Венгрия), Барселона 1992;
  • Симона Аманар (Румыния), Атланта 1996;
  • Елена Замолодчикова (Россия), Сидней 2000;
  • Моника Рошу (Румыния), Афина 2004;
  • Хун Ун-Чжон (Кытай), Пекин 2008;
  • Сандра Избаса (Румыния), Лондон 2012;
  • Симона Байлз (АКШ), Рио 2016.
100
Белгилер:
бийиктик, видео, олимпиада
Тема боюнча
Марокколук мушкер Олимпиададагы беттеште атаандашынын жаагын тиштеп алды. Видео
Айсулуу Тыныбекова баштаган КРдин балбан кыздары Олимпиадага сапар алды
Бокс федерациясынын эл аралык даражадагы калысы Иса Кунасов

Кунасов: бокс боюнча машыктыруучулардын, калыстардын айлыгы өтө аз

24
(жаңыланган 13:30 29.07.2021)
Бокс федерациясынын эл аралык даражадагы калысы Иса Кунасов кыргыз боксчуларынын ийгиликсиз болуп жаткандыгы окуу-машыгуулардын өтө аз болушунан улам  экендигин айтты.

Машыктыруучулардын, калыстардын айлыгы өтө төмөн болушу да бокстун өнүгүшүнө терс таасирин тийгизүүдө. Мындай пикирин Иса Кунасов Sputnik Кыргызстан радиосунун эфиринде маек куруп жатып билдирди.

Кунасов: бокс боюнча машыктыруучулардын, калыстардын айлыгы өтө аз

Анын айтымында, бай тарыхы бар боксту өркүндөтүү үчүн өкмөттөн тиешелүү каражат бөлүнүп, көңүл бурулушу кажет.

"Бокс боюнча советтик мектеп өзүнүн жолун улантып келатат. Биздин машыктыруучулардын толук кандуу иштей албагандыгынын себептери бар. Өкмөттөн өнүктүрүү үчүн каражат бөлүнүшү керек. Бул жагынан биздин боксту башка өлкөлөр менен салыштыруу мүмкүн эмес. Анткени буга өлкөнүн башчысы да көңүл бурса жылыш болот эле. Спорттун аталган түрү боюнча ийгилик жаралышы үчүн убагында окуу-машыгуулар уюштурулушу керек. Машыктыруучулар акчасынын жоктугунан спортчулар менен окуу-машыгууларга бара алышпай жатат. Кесибинен тапкан каражат менен үй-бүлөсүн толук камсыз кыла алышпайт. Алар патриоттук сезим, спортко болгон сүйүүсү менен гана иштеп жатышат", — деди Кунасов.

Ошондой эле адис жаш калыстарды тарбиялоодо Кыргызстандын бокс мектебинин келечеги чоң экендигин кошумчалады.

Подкасттын толук варианттын видеодон көрүңүз:

24
Белгилер:
айлык-акы, олимпиада, калыс, бокс, Иса Кунасов
Тема боюнча
Кунасов: бокс боюнча калыстардын мектеби өнүгүү жолуна түштү
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

0
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

0
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео